ސްޕައިސް ޖެޓުން ޗާޓާޑް ކޮށްގެން އަނެއްކާވެސް މޯލްޑިވިއަަންގެ ސީޕްލޭނެއް އިންޑިއާއަށް ގޮސްފިއެވެ.

މި ސީޕްލޭން އިންޑިއާއަށް ދިއުމުގެ ތެރޭގައި ވަނީ މަލިކަށް ޖައްސާފައެވެ. މިއީ ރާއްޖޭގެ ގައުމީ އެއާލާއިނުން މަލިކަށް ކުރި ފުރަތަމަ ދަތުރެވެ. މި ސީޕްލޭން މަލިކަށް ގޮސްފައި ވަނީ، މީގެ އިރުކޮޅެެއް ކުރިންނެވެ.

މޯލްޑިވިއަން އިން ބުނީ، ރާއްޖޭގެ ގައުމީ އެއާލައިން، މޯލްޑިވިއަންގެ ސީޕްލޭން އިންޑީއާގެ މަލިކުގައި ކަމަށެވެ. އަދި މަލިކުގައި މި ސީޕްލޭން މަޑުކޮށްފައި ވަނީ ސްޕައިސް ޖެޓްގެ ޗާޓާޑް ދަތުރެއްގައި އަހުމަދުއަބާދަށް ދިއުމުގެ މަގުމަތީގައި ކަމަށް މޯލްޑިވިއަން އިން ބުންޏެވެ.

ދިވެހިރާއްޖޭގެ ޤައުމީއެއަރލައިން، މޯލްޑިވިއަން ގެ ސީޕްލޭން އިންޑިޔާގެ މަލިކުގައި.
މަލިކުގައި ސީޕްލޭން މި މަޑުކޮށްލީ ސްޕައިސް ޖެޓްގެ ޗާޓާ ދަތުރެއްގައި އަހްމަދުއާބާދަށް ދިއުމުގެ މަގުމަތީ. pic.twitter.com/wAnY3d480Z

— MaldivianAero (@MaldivianAero) December 28, 2020

މޯލްޑިވިއަނުން ބުނީ ސްޕައިސް ޖެޓުން ސީޕްލޭން ޗާޓަރުކޮށްގެން ގެންދިޔައީ މަސްދުވަހަށްކަމަށެވެ. މި ދަތުރުގައި މޯލްޑިވިއަންގެ ސީޕްލޭން ކްރޫގެ ހަ މެންބަރުންވެސް އިންޑިއާއަށް ގޮސްފައި ވެއެވެ.

އިންޑިއާގެ ސީޕްލޭން ހިދުމަތް ފެށުމަށްޓަކައި އެހީތެރިކަން ފޯރުކޮށް ދިނުމަށް މޯލްޑިވިއަންގެ ސީޕްލޭނެއް އެ ގައުމަށް ގޮސް ދަތުރުތައް ފެއްޓި އެވެ.

ރާއްޖޭގެ އެހީތެރިކަމާއެކު އިންޑިއާގައި އަލަށް ފެށި ސީ ޕްލޭންގެ ހިދުމަތް ފައްޓަވައި ދެއްވީ އިންޑިއާގެ ބޮޑު ވަޒީރު ނަރެންދުރަ މޯދީއެވެ. އިންޑިއާގެ ކެވެދިއާ އާއި އަހްމެދަބާދް އަދި ގުޖްރާތާއި ދެމެދުގައި ސީޕްލޭންގެ ހިދުމަތް ސްޕައިސް ޖެޓުން ފޯރުކޮށްދޭ ހިދުމަތެކެވެ.