ކ.ކޮށްދޮޕަރު ކައިރީގައި އޮތް ފިނޮޅަކަށް ދަތުރު ދިޔަ ބައެއްގެ ލޯންޗެއް އަޑިއަށް ގޮސް ބަޔަކު ކަނޑުވި ބަޔަކު ސަލާމަތްކޮށްފިއެވެ.
މި ލޯންޗް އަޑިއަށް ގޮސްގެން އުޅޭ ކަމުގެ މައުލޫމާތު އެމްއެންޑީއެފްއަށް ލިބިފައި ވަނީ މިއަދު މެންދުރު 13:14 ހާއިރު ކަމަށް އެމްއެންޑީއެފް އިން ވިދާޅުވިއެވެ.
އެމްއެންޑީއެފް އިން ވިދާޅުވީ، އެ ލޯންޗުން ދަތުރު ކުރީ ޖުމްލަ ހަތް މީހަކު ކަމަށެވެ. އެ ލޯންޗް އަޑިއަށް ދިޔައިރު އޭގައި ހަތަރު މީހުން ތިބި ކަމަށް އެމްއެންޑީއެފް އިން ވިދާޅުވިއެވެ.
އެމްއެންޑީއެފް އިން ވިދާޅުވީ، މި ލޯންޗް އަޑިއަށް ގޮސްފައި ވަނީ ދިޔަ ކޮންޓްރޯލް ނުވެގެން ކަމަށެވެ.
މި ލޯންޗް އަޑިއަށް ދިޔައިރު، އޭގައި ތިބި އެންމެން ވަނީ ސަލާމަތްކޮށްފައެވެ. އަދި އެންމެންގެވެސް ހާލު ރަނގަޅު ކަމަށް އެމްއެންޑީއެފް އިން ވިދާޅުވިއެވެ.
