ކޮންމެ ފިރިހެނަކުމެ، އެމީހެއްގެ ހަޔާތަށް ގެންނަން ބޭނުންވާނީ، ހުރިހާ ގޮތަކުންވެސް ނުލާހިކު ރަނގަޅު އަންހެން ކުއްޖެކެވެ. ކުރުކޮށް ބުނަނީ ނަމަ، އޭނާގެ ހަޔާތަށް ލިބޭ ނޫރެއް ފަދަ އަންހެން ކުއްޖެކެވެ. އެހެންނަމަވެސް މިފަދަ ކުއްޖެއް ހޯދުމަކީ މާކަ ފަސޭހަ ކަމެއް ނޫނެވެ. މިކަމަށްޓަކައި ކުރަމުން ތިގެންދާ މަސައްކަތުގައި ކުރި ހޯދަން ބޭނުން ނަމަ، ތިރީގައި މިވާ ބައެއް ކަންކަަމަށް ސަމާލުވުން މުހިންމެވެ. އެއީ، މިފަދަ ކަމެއް ތިމާ ރައްޓެހިވެގެން އުޅޭ އަންހެން ކުއްޖާ ކިބައިން ފެންނަ ނަމަ، އެއީ ތިމާ ތި ހޯދަމުންދާ ފަދަ އަންހެން ކުއްޖެއް ނޫނެވެ.
އާއިލާއަށް ތައާރަފް ކޮށްދޭން ބޭނުން ނުވުން
ކިތަންމެ ގިނަ އަހަރެން ވަންދެން ރައްޓެހިވެގެން އުޅުނު ކަމުގައިވިޔަސް، އަންހެން ކުއްޖާގެ އާއިލާއަށް ތައާރަފްކޮށްދިނުމަށް އޭނާ ދެކޮޅު ހަދާ ކަމުގައި ވަނީނަމަ، އެއީ އިތުރަށް ތި ގުޅުން އޭނާ ކުރިއަށް ގެންދަން ބޭނުން ނުވާ ކަމުގެ ހެއްކެކެވެ.
މުސްތަޤުބަލަށް ރާވާ ކަންތައްތަކަށް ބީރު ކަންފަތެއް ދިނުން
ދެމީހެއް ރައްޓެހި ވެގެން އުޅޭއިރު، ދުރާލާ ކުރާނެ ބައެއް ކަންތައްތައް ރާވާނެއެވެ. މިސާލަކަށް މިވެނި ދުވަހަކު ހިނގާލަން ދިޔުން ފަދަ ކަންތައްތައް ރާވަމުން ދާއިރު، ތިމާ ރައްޓެހިވެގެން އުޅޭ އަންހެން ކުއްޖާ އެފަދަ ކަންކަމަށް މަޝްވަރާ ދިނުމުގެ ބަދަލުގައި ބޮލުން 'ކަޓުވާލަން' އުޅޭކަން އިހްސާސް ކުރެވޭނަމަ، އޭގެ މާނައަކީ އޭނާ ތި ގުޅުން ދަމަހައްޓަން އެހާ ޝައުގުވެރިކަމެއް ނެތެވެ.
އަބަދު ބިޒީ ވެފަ؟
ފްރީ ވަގުތެއް ލިބުނަސް، އޭނާ ރައްޓެހިންނާއިއެކު އަބަދު އުޅުން އާދައަކަށް ހަދާ، ދެމީހުން އެކަނި އުޅޭ ވަތުތުތައް މަދުވާން ފަށައިފިނަމަ، އެއީ އޭނާ އުޅެން ބޭނުން ނުވާ ކަމުގެ އެއް ހެއްކެވެ. އަދި، ދެމީހުން އެއްކޮށް ހޭދަ ކޮށްލެވޭ ވަގުތުކޮޅަކަށް އަބަދުވެސް ތިބާ އެދިއެދި ހުންނަން ޖެހޭނަަމަ، ތި އުޅެވެނީ އެންމެ ރަނގަޅު އަންހެން ކުއްޖާއާއި އެއްކޮށެއް ނޫނެވެ.
މައާފަށް އެދުން މަދުވުން
ރައްޓެހި ވެގެން އުޅޭއިރު މައްސަލަވެސް ޖެހޭނެއެވެ. ވާހަކަ ދައްކައިގެން އެކަން ހައްލުވެސް ކުރެވޭނެއެވެ. މިފަދަ ކޮންމެ މައްސަލެއް ހައްލުވާ ހިިސާބުން ކޮންމެވެސް އެކަކު މައާފަށް އެދި، އަނެއްކަކު އޭނާއަށް މައާފުވެސް ކޮށްދޭންވާނެއެެވެ. އެހެންނަމަވެސް، މިފަދަ ހާލަތްތަކުގައި މަޢާފަށް އެދެން އެ އަންހެން ކުއްޖާ ފަސްޖެހެން ފަށައިފިނަމަ އަވަހަށް ދެވަނަ ވިސްނުމަކަށް ދާށެވެ. ސަބަބަކީ ހަޤީޤީ ލޯބިވެ، ތި ގުޅުން ދަމަހައްޓަން ބޭނުން އަންހެން ކުއްޖެއް ނަމަ، ކިރިޔާ ކަމެއްވިޔަސް މައާފަށް އެދޭނެއެވެ.
