އެމެރިކާގެ ރައީސް ޑޮނަލްޑް ޓްރަމްޕް އާއި އުތުރު ކޮރެއާގެ ލީޑަރު ކިމް ޖޮން އުން ވިއެޓްނާމްގައި އިއްޔެ ބޭއްވި ސަމިޓް އެއްވެސް ނަތީޖާއެއް ނުނެރެވި މިވަނީ ނިމިފައެވެ. ނަމަވެސް ޓްރަމްޕް އާއި ކިމް ބައްދަލު ކުރުމަކީ ވެސް އޭގެ ޒާތުގައި ކާމިޔާބެއްގެ ގޮތުގައި ބައެއް ތަޖުރިބާކާރުން ސިފަކުރެއެވެ.

ކޮންމެއަކަސް މިފަހަރު މިއޮތީ ސަމިޓްގެ ވާހަކައެއް ނޫނެވެ. ޓްރަމްޕް އާއި ކިމް ނޫސްވެރިންނާއި ބައްދަލު ކުރިއިރު ޓްރަމްޕާއި ކިމްގެ ފުރަގަހުން ފެނުނު އަންހެނެއްގެ ވާހަކައެވެ. މީސް މީޑިއާގައި ވަރަށް ގިނަ ބަޔަކު ގެންދަނީ އެއީ ކާކުތޯ ސުވާލު ކުރަމުންނެވެ.

އެންމެ ވަރުގަދަ ސަލާމަތީ ފިޔަވަޅުތައް އަޅާފައި ވަނިކޮށް ޓްރަމްޕާއި ކިމްގެ ފުރަގަހުން އެހައި ކައިރިއަށް ދިޔަ އަންހެނަކީ ކާކުތޯ ބަލަން ވަރަށް ގިނަ މީހުން ބޭނުންވެއެވެ.

ޓްރަމްޕާއި ކިމް ވާހަކަދައްކާއިރު ފާރެއްގެ ފުރަގަހަށް ނިވާވެގެން އެއޮތީ ކިމް ޖޮން އުންގެ ދައްތަ ކިމް ޔޯ-ޔޮންގް އެވެ. އޭނާ އަކީ ކިމްގެ އެންމެ އަރިސް ބޭފުޅާއެވެ. ޓްރަމްޕާއި އެކު ކިމް ބޭއްވި މަޝްވަރާތަކުގައި ވެސް ޔޯ-ޔޮންގް ބައިވެރިވިއެވެ.

ކިމް ވަޑައިގަންނަވާ ހުރިހާ ތަނަކަށް ޔޯ-ޔޮންގް ވަޑައިގަންނަވައެވެ.

އޭނާ އުތުރު ކޮރެއާގެ ސަރުކާރުގައި އަދާކުރާ ދައުރާއި ބެހޭ މާގިނަ މައުލޫމާތެއް ލިބިފައެއް ނެތެވެ. ނަމަވެސް ބައެއް ރިޕޯޓްތައް ބުނާ ގޮތުގައި ޔޯ-ޔޮންގް އަކީ އުތުރު ކޮރެއާ ސަރުކާރުގެ އެންމެ މުހިންމު ޑިޕާޓްމަންޓްގެ ވެރިޔާ އެވެ.

An incredible addition to annals of “Where’s Kim Yo Jong?” from @nknewsorg’s @chadocl. pic.twitter.com/9zZSUAnsL2

— Ankit Panda (@nktpnd) February 28, 2019

Really appreciating this unusually-detailed analysis on why Kim Yo Jong, Kim Jong Un's sister, holds an ashtray for her brother while he smokes. #VietnamSummit https://t.co/CBym9MXDwo pic.twitter.com/EyECyA7kR6

— Kelly Kasulis Cho (@KasulisK) February 27, 2019

Kim Jong-un’s sister, Kim Yo-jong is once again in the background. Staying close enough to help, far enough away to be out of the main shots. She is thought to be director of the propaganda dept. I always wonder how big a part she is playing in this choreographed diplomacy

— Laura Bicker (@BBCLBicker) February 28, 2019

ބައެއް ފަރާތްތަކުން ބުނާ ގޮތުގައި ކިމް އެންމެ ގިނައިން ގަބޫލު ކުރަނީ ޔޯ-ޔަންގްގެ ޚިޔާލުތަކެވެ. ފަހަކަށް އައިސް ބައިނަލްއަޤުވާމީ ދުނިޔެ އާއި އުތުރު ކޮރެއާ އިން އެކުވެރި ގުޅުމެއް ބާއްވަމުން ދަނީ ވެސް ޔޯ-ޔަންގްގެ އިސްނެގުމަށް ކަމަށް ވެއެވެ.