އައިފޯނުގެ ރަތް ކުލަ ނެރެނީ އެފްރިކާ ބައްރުގައި އެޗްއައިވީ އެއިޑްސް އާ މެދު ހޭލުންތެރި ކުރުމަށް މަސައްކަތް ކުރާ ގުރޫޕެއްކަމަށްވާ "ރެޑް" އާއެކު ހަދާފައިވާ އެއްބަސްވުމެއްގެ ދަށުންނެވެ.

އައިފޯނު 8 ގެ ރަތް ކުލައަށް ޕްރީ އޯޑާ ކުރަން ހުޅުވާލާނީ މިރޭ ކަމަށް ބެލެވޭއިރު އައިފޯނު 8 އާއެކު އައިފޯނު އެކްސްގެ ރެޑް ވާޝަން އެއް ނެރެފާނެ ކަމަށް ނުބެލެވޭކަމަށް ރިޕޯޓުތައް ބުނެފައި ވެއެވެ.

ރެޑް އާ ގުޅިގެން އެ ކުންފުނިން ކުރިއަަށް ގެންދިޔަ ކެމްޕެއިނެއްގެ ދަށުން މީގެ ކުރިން ވަނީ އައިފޯނާއި އައިޕެޑު ކޭސް ވެސް އެޕަލް އިން ރަތް ކުލައިން ނެރެފައެވެ.

އައިފޯން 8 އަދި އައިފޯން 8 ޕުލަސް ބާޒާރަށް ނެރެފައިވަނީ މިދިޔަ އަހަރުގެ ސެޕްޓެންބަރ މަހުގައި އެވެ.

އައިފޯނު 7 ގެ ރެޑް ވާޝަން އަށް ބޮޑު ތަރުހީބެއް ލިބުނު އިރު އައިފޯނު 8 ގެ ރަތް ކުލަ އިންވެސް ބޮޑު ތަރުހީބެއް ލިބިގެންދާނެ ކަމަށް ލަފާކުރެވެއެވެ.