ފުލުހަކު، ކުނި އުކާ ކޮންޓެއިނަރެއް ތެރޭގައި ތާށިވެފައި އޮތް ސާރިދޯޅެއް ސަލާމަތް ކޮށްފިއެވެ.
އެ ކޮންޓެއިނަރުގައި ތާށިވެފައިވަނީ "ޓީޝާޓު" ނަމުން ނަން ދީފައިވާ ސާރިދޯޅެކެވެ. މި ހާދިސާ ހިނގާފައިވަނީ ކެލެފޯނިއާގެ ޓަހޯ ކޯރު ކައިރީގައި އޮންނަ ކިންގްސް ބީޗް ސަރަހައްދުގައެވެ.
މި މަންޒަރު ވަނީ އެތަނުގައި ހަރުކޮށްފައިވާ ސެކިއުރިޓީ ކެމެރާއަކަށް ވެސް އަރާފައެވެ.
އެ މަންޒަރު ދުށް މީހަކު ބުނި ގޮތުގައި، އެ ކޮންޓެއިނަރު ތެރޭގައި ޓީޝާޓް ތާށިވުމުން، އޭގައި ހުރި ކުޑަ ލޯވަޅަކުން އޭތި ނުކުންނަން މަސައްކަތް ކުރި ކަމަށެވެ. އަދި އޭތި ތާށިވެފައި ވަނީ އެ ލޯވަޅުން ނުކުންނަން އުޅުމުގެ ތެރޭގައިކަމަށެވެ.
FAT BEAR IN A LITTLE DUMPSTER: A bear got stuck in a dumpster in Kings Beach, CA. Placer County Sheriff's deputies have named the bear "T-Shirt" because of a white marking on his chest. Deputies say they’ve had run-ins with this bear before. Watch deputies help free "T-Shirt." pic.twitter.com/NnxHrZiAAX
— Tim Williams (@realtimwilliams) November 5, 2019
ޓްވިޓާ އަދި ފޭސްބުކްގައި ދައުރުވަމުން އަންނަ ވީޑިއޯއިން ފެންނަ ގޮތުގައި އެ ސާރިދޯޅު އަމިއްލައަށް އެލޯވަޅުން ދެމިގަންނަން މަސައްކަތް ކުރެއެވެ. އެހެން ނަމަވެސް އެކަން ކާމިޔާބު ވެފައެއް ނުވެއެވެ. އެ މަންޒަރު ފެނުމުން ފުލުހުންގެ ދެ އޮފިސަރަކު ވަނީ އެ ކޮންޓެއިނަރު ހުޅުވައިލައިފައެވެ. އަދި އެ ކޮންޓެއިނަރު ހުޅުވައިލުމުން އެ ސާރިދޯޅު ވަނީ އޭގެތެރެއިން ތެރެއިން ނުކުމެ، ސަލާމަތް ވެފައެވެ.
މިފަދަ ހާދިސާތަކަކީ އަލަށް ދިމާވާ ހާދިސާތަކެއް ނޫނެވެ. މީގެ ކުރިންވެސް ސެޕްޓެމްބަރ މަހުގެ ތެރޭގައި ކެލިފޯނިއާގައި ވަނީ ސާރިދޯޅެއް ހަމަ ކޮންޓެއިނަރެއްގައި ތާށިވެގެން އޭގެ މައިންބަފައިން، އޭތި ސަލާމަތް ކުރަން އުޅުނު މަންޒަރު ފެންނަ ވީޑިއޯ ދައުރުވެފައެވެ.
ވީޑިއޯ އިސްޓަކުވަނީ
އަމައްޔާއި ހާދަހާވާ ބޮޑު ޓީޝާޓެކޭ ސުއްބޫސް