ބޮލީވުޑް ތެރޭގައި އޮތް މަސްތުވާތަކެތީގެ މައްސަލަތަކާއި ގުޅޭގޮތުން ދާދި ފަހުން އިންޓަވިއު ދިން ކަންގަރާ ރެނައުޓްގެ، އިންޓަވިއު ބަލާފައި އޭނާގެ މަންމަ ރޮއްވާލި ކަމަށް ކަންގަނާ މި ވަނީ ބުނެފައި ވެއެވެ.

ކަންގަނާ މީިސް މީޑިއާ މެދުވެރިކޮށް ބުނެފައި ވަނީ، އޭނާގެ މަންމަ އުއްމީދު ކުރަނީ އޭނާ ކައިވެނިކޮށް، ރޯދަ ހިފާނެ ކަމަށެވެ.

އޭނާ މިގޮތަށް ބުނެފައި ވަނީ، ޓްވިޓާ ޕޭޖްގައި މަންމައާއެކު ނަގާފައިވާ ފޮޓޯއެއް ހިއްސާ ކުރަމުންނެވެ.

"ރޭ އަހަރެން މަންމައަށް ގުޅިން، އަދި އެހިން އަހަރެންގެ ފަހުގެ އިންޓަވިއު މަންމައަށް ކަމުދޭތޯ، މަންމަ ފެށީ ރޯން، މަންމަ ބުނީ، އޭނާ ރޯދަ ހިފާފައި އުއްމީދު ކުރަމުން ދަނީ އަހަރެން ކައިވެނި ކުރާނެތޯ ކަމަށް. އަދި އަހަރެން ދުނިޔެއަށް އެންމެ އުނދަގޫ ކަންތައްތަކުގެ ވާހަކަތައް ހިއްސާ ކުރަމުން ދާކަމާއި، އަހަރެން އުޅެން ޖެހުނު ހާލު ކިޔާދެމުން ދާކަމަށް". ކަންގަނާ ހިންދީ ބަހުން ލިޔެފައި ވެއެވެ.

އަދި މަންމަ އަށް މީހުން ގުޅާފައި ވާހަކަދައްކާ ކަމަށްވެސް އޭނާ ބުނެފައި ވެއެވެ.

कल रात माता जी को उत्सुकता से फ़ोन करके पूछा कैसा लगा इंटर्व्यू,तो वो रो पड़ी, कहने लगी मैं तुम्हारी शादी केलिए उपवास करती हूँ तुम दुनिया भर में अपने साथ हुए गंदे हादसों को बताती ही रहती हो।अब फ़ोन पे फ़ोन आ रहे हैं लगता है उनका रोने का नहीं रुलाने का इरादा है, क्या किया जाए? 🙂 pic.twitter.com/3490VY6DHW

— Kangana Ranaut (@KanganaTeam) August 30, 2020

ދާދި ފަހުން ރިޕަބްލިކް ޓީވީއަަށް އޭނާ ދިން އިންޓަވިއުއެއްގައި ވަނީ، އޭނާ ވަނީ ފިލްމް އިންޑަސްޓްރީގައި މީހުން އޭނާގެ ނާޖާއިޒް ފައިދާ ނެގި ކަމަށް ބުނެފައެވެ. އަދި އެގޮތުން އެކްޓަރަކު އޭނާއަށް ޖިންސީ ގޯނާ ކުރި ކަމަށްވެސް ބުނެފައި ވެއެވެ.

އަދި އޭގެ އިތުރުން، އޭނާ ވަނީ މަޝްހޫރު އެކްޓަރަކު ޑްރަގް ބޭނުން ކުރާ ކަމަށްވެސް ބުނެފައެވެ. އަދި އޭނާ އޯވާޑޯޒް ވެގެން ހޮސްޕިޓަލްގައި އެޑްމިޓް ކުރި ކަަަމަށްވެސް ކަންގަނާ ބުނެފައި ވެއެވެ.

އޭނާ ވަނީ، އޭނާއަށް ބޮލީވުޑް ތެރޭގައި އޮންނަ މިފަދަ ކަންތައްތައް އޭނާ އަށް އިނގޭތީ، އޭނާއަށް ޖެއްސުން ކޮށް، އޭނާ ޖަލަށް ލައި، އޭނާ މަރާލަން އުޅުނު ކަމަށްވެސް ބުނެފައި ވެއެވެ.