އައްޑޫ ސިޓީއަށް އަސް ގެންނަ ވާހަކަ އިއްޔެ މީސް މީޑިއާގެ ސަމާލުކަމަށް އައެވެ. އެ އަސްތައް ގެނައުމަށްޓަކައި މިހާރު ވަނީ އެސްޓީއޯއިން ދާދި ފަހުން އުފެއްދި މޯލްޑިވްސް ސްޓޭޓް ޝިޕިންގގެ ބޯޓަކަށް އަރުވައިފިއެވެ. އެހެންކަމުން މި މަސް ތެރޭގައި އައްޑޫއަށް އަސްތައް ލިބޭނެ ކަމަށް ބެލެވެއެވެ.
އަައްޑޫއަށް އަަސް ގެނައުމަށް ޒުވާނުންތަކެއް މަސައްކަތް ކުރަމުންދާ ކަން މީގެ ކުރިންވެސް މިޑިއާތަކުގެ ސަމާލުކަމަށް އައެވެ. އެކަން މިޑިއާތަކަށް ތިލަކޮށްފައިވަނީ މަޖިލީހުގެ ރައީސް ރައިސް މުހައްމަދު ނަޝީދެވެ. ނަޝީދު މި ވާހަކަ ހިއްސާކޮށްފައި ވަނީ މަޖިލީސް ޖަލްސާއެއްގައެވެ.
އެ ޖަލްސާގައި ނަޝީދު އެ ވާހަކަ ދެއްކުމާއެކު އެތައް ބައެއްގެ ސަމާލުކަން ދަމައިގަތެވެ. އަދި އެ އަސްތައް އައްޑުއަށް އަންނާނެ އިރެއްގެ އިންތިޒާރުގައި އެތައް ބަޔަކު ތިބޭނެ ކަން ޔަގީނެވެ.
މިހާރު އެ އަސްތައް އައްޑޫއަށް ލިބިގެން ދާނެ ކަމުގެ ޔަގީންކަން ލިބިގެން ގޮސްފައިވާއިރު، އެއާއި ގުޅުވާފައި މީސް މީޑިއާގައި އެތައް ވާހަކައެއް އެބަ ދައްކައެވެ. މީގެ ތެރޭގައި މަޖާ އެތައް ވާހަކައެއްވެސް ހިމެނެއެވެ. އެއްބަޔަކު މީމްސް ހަދައި މީސް މީޑިއަށް ލަނީއެވެ. މިފަދަ ކަންކަން މީސް މީޑިއާގައި އާއްމުވުމާއެކު އެތައް ބަޔަކަށް މިކަން ވީ މަޖާ ކަމަކަށެވެ.
addu bas niegenas mifahara enmmen ekko addu ah as dhivvaa ey veyhe vaa pic.twitter.com/vhgoxFpb3Y
— Amna Shath (SHATHS) (@AmnaShath) March 4, 2021
ދިވެހިންނަކީ ކޮންމެ ކަމަކަށްވެސް މީމްސް ހަދާ ބައެކެވެ. މިއީ ގިނަބައެއްގެ ސަމާލުކަން ހޯދަން މީހުން ކުރާ ކަމެކެވެ.
އައްޑޫ ސިޓީއަށް ފަސް އަސް ގެނައުމަށް މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރއިން ހުއްދަ ދީފައިވާކަން އޮގަސްޓް މަސް ތެރޭގައެވެ. މިއީ އައްޑޫގެ ޓޫރިޒަމް ކުރިވަރުން ފަށަން އުޅޭ ކަމެއް ކަމަށް ވަރަށް ބޮޑަށް ބެލެވެއެވެ.
މެމްސް އެއް ނޫންތޯ