ކޮވިޑް-19 ގެ ހާލަތުގެ އަސަރު އެންމެ ބޮޑަށް ކުރި ބަޔަކީ ފަންނާނުންވެ. ޚާއްސަކޮށް ރިސޯޓް މިއުޒިޝަނުންނަށް ވަރަށް ބޮޑެތި ދަތިތަކާ ކުރިމަތިލާން ޖެހުނެވެ. ގިނަ ފަންނާނުންނަށް ބޯޑަރު ބަންދުކުރުމުން ތިބެން ޖެހުނީ މަސައްކަތެއް ނެތް ބައެއްގެ ގޮތުގައެވެ. އަދި ސަރުކާރުން ވަޒީފާ ނެތް މީހުންނަށް އެ ދަނޑިވަޅުގައި ދިން އެލެވެންސަށް ވެސް ގިނަ ފަންނާނުންނަކަށް ކުރިމައްޗެއް ނުލެވެއެވެ.
މިފަދަ ދަތި ހާލެއްގައި އުޅުމަށް ފަހު އަލުން ބޯޑަރުތައް ހުޅުވާލުމުން ރިސޯޓް މިއުޒިޝަނުންނަށް އަލުން ހުށަހެޅުންތައް ހުށަހަޅަން ފުރުސަތު ލިބުނު ނަމަވެސް އެކަން ކުރަމުން އައީ ވަރަށް ދަތި ހާލުގައެވެ. ބައެއް މީހުން ރިސޯޓްތަކުގައި ސްޓޭޝަންވެގެން ތިބި އިރު އެހެން މީހުން ލަވަ ކިޔަން ރިސޯޓަށް ދަނީ ހަފްތާއަކު އެ ފަހަރަށް ވުރެ ގިނަ އިން ޕީސީއާރު ޓެސްޓު ހަދައިގެންނެވެ.
ކަން މިހެން ހުރި އިރު ޕީސީއާރު ޓެސްޓުގެ ނަތީޖާ ނުލިބުމުން ފަންނާނުންނަށް ވަރަށް ބޮޑު ތަކުލީފަކަށްވެއެވެ. ލަވަ ކިޔުންތެރިޔާ މީރާ މާޖިދު އޭނާގެ ޓްވިޓާ އެކައުންޓުގައި ބުނީ ކޮންމެ ހަފްތާ އަކު 2-3 ފަހަރު އެ މީހުން ޓެސްޓު ހަދާ ކަމަށެވެ. އަދި ކޮންމެ ފަހަރަކު ޓެސްޓުގެ ނަތީޖާ ނުލިބި ލަސްވާ ކަން އޭނާ ފާހަގަކުރިއެވެ.
"އަހަރުމެން މި އުޅެނީ މަސައްކަތަށް ދާން. ތިމީހުންގެ ފަރުވާކުޑަ ކަމުން އަހަރުމެންނަށް ގިގު ގެއްލެނީ. ގެއްލުންވަނީ ކާކަށް." އެ ޓްވީޓުގައިވެއެވެ.
We do the pcr test atleast 2-3 times per week just so we can go to work to make ends meet. The struggle we go through every time to get the results on time is ridiculous. We're trying to GO TO WORK. And if because of YOUR INCOMPETENCE, we lose a gig, WHO FACES THE LOSS? -
— Mira Mohamed Majid 🇵🇸 (@MiraMMajid) April 13, 2021
މީރާ ކުރި އިތުރު ޓްވީޓްތަކެއްގައި ވެސް ވަނީ ހެލްތް ޕްރޮޓެކްޝަން އެެޖެންސީ (އެޗްޕީއޭ) އާއި ހެލްތް މިނިސްޓަރުގެ އިތުރުން އެޗްޕީއޭގެ ޑިރެކްޓަރ ޖެނެރަލް މައިމޫނާ އަބޫބަކުރު ވެސް ޓެގްކޮށްފައެވެ. އޭނާ ވަނީ އެ މީހުންގެ ކަންނެތް ކަމުގެ ސަބަބުން ފަންނާނުންގެ ވަޒީފާ ގެއްލިދާނެ ކަމުގެ ބިރު އެބައޮތް ކަމަށް ބުނެފައެވެ. އެހެންކަމުން މިހާރަށް ވުރެ ޒިންމާދާރުވާން މީރާ ގޮވާލިއެވެ.
އަދި ޓެސްޓުގެ ނަތީޖާ ނުލިބިގެން ޝަކުވާ ކުރީމަ ދައްކަނީ އެއްވެސް ތާކުންތާކު ނުޖެހޭ ބަހަނާ ކަމަށް އޭނާ ބުންޏެވެ. އޭނާ ވަނީ ކަމާއި ބެހޭ ފަރާތްތަކުން ހޭލާ، އެ މީހުންގެ ޒިންމާ އަދާކުރުމަށް ގޮވާލާފައެވެ.
ނުޖެހެޔޭ ލަވަކިޔާ ނަށާކަށް
ކަލޭ ގެ އެކަނިތައް ނުލިބެނީ........
ތަންކޮޅެއް ސާ ފު ނަޒަރަކުން ބަލައި ފީވިއްޔާ ސަރީހަކޮށް އަލިކޮށް ސާބިތު ވާނީ ލަވަޔާ މިޔުޒިކުން ލިބޭނީ ހުސް ގެއްލުންކަން. ހުރިހާ ގޮތަކުން. ތިމާގެ ހިތް، ތިމާގެ ނަ ފްސު، ތިމާގެ އަބުރު، ތިމާގެ ޖިސްމު ތިމާގެ ފަރާތުން އެހެންމީހުންނަށް ދެން ނަން ހުސްކޮށް..
އަދި އެކަން ހުއްޓާލުމުން ބަނޑަށް ނުޖެހޭނެކަމީ ގަރަންޓީ މައްސަލަޔެއް...
ގައުމުގެ ހަލާކު
ތީތެދެއް 15 ދުވަސް އެބަނަގާ 100 ފަހަރުގުޅިޔަސް ޓީމާއަންގާލާފައޭވީ...