ބުޅަލަކީ އޮޅުކޮށްގެން ގެންގުޅެން ވަރަށް ވެސް ފަސޭހާ ބައެއް ފަހަރު އެހީތެރިކަމުގެ އަތެއް ދިއްކޮށްލާނެ އެއްޗެއްކަން އެނގެއެވެ. ބުޅަލުގެ ތަފާތު އެކި ކަހަލަ ފޮޓޯތަކާއި ހެއްވާ މަޖާ ވީޑިއޯތައް މީސްމީޑިއާގައި ދައުރުވަމުން އަންނައިރު، މިހާރު މިވަނީ ބުޅަލެއްގެ ތަފާތު މަންޒަރެއް ފެންނަ ފޮޓޯއެއް މީސްމީޑީއާގައި އާއްމުވެފައެވެ.

އެއީ "ކޯބްރާ" ހަރުފައެއް ގެއަކަށް ވަންނަން އުޅެނިކޮށް އޭތި ގެއަށް ވަނަނުދީ ބޭރުގައި ހިފައްހައްޓައިގެން ހުންނަ މަންޒަރު ފެންނަ ފޮޓޯއެކެވެ.

އިންޑިއާގެ އޮޑިޝާ ސްޓޭޓްގެ ބުބަނެސްވާގައި ހިނގި މި ހާދިސާގައި އެ ހަރުފަ ގެއަށް ވަނަނުދީ ހިފަހައްޓާފައިވަނީ އެގޭގައި އުޅޭ ފިރިހެން މީހާ އޮޅުކޮށްގެން ގެންގުޅޭ ބުޅަލެވެ.

"އޭއެންއައި" ނޫހުން ރިޕޯޓް ކޮށްފައިވާ ގޮތުގައި އެ ބުޅާ ވަނީ ހަރުފަ ހިފާ މީހުން އެގެއާއި ހަމައަށް އަންނަންދެން އެ ހަރުފަ ގެއަށް ނުވަދެވޭ ގޮތަށް ހިފަހައްޓާފައެވެ.

Odisha | A pet cat stood guard to prevent a cobra from entering a house in Bhubaneswar

Cat has prevented Cobra from entering inside for nearly 30 min till the Snake Helpline reached the spot. Our cat is around 1.5 years old & live with us like a family member: Sampad K Parida pic.twitter.com/dWZXTMf9V5

— ANI (@ANI) July 21, 2021

އެ ނޫހުން އާއްމު ކޮށްފައިވާ ފޮޓޯތަކަށް ބަލާއިރު، ބުޅާ ހުންނަނީ އެގޭގެ ބޭރުގައި ހަމަޖެހިލައިގެން އިށީންދެގެންނެވެ. އަދި ބުޅަލުގެ ކުރިމަތީގައި ގެއަށް ވަނުމަށް ފާރައަށް ހަރުފަ ހުންނަ މަންޒަރު ވެސް ފެނެއެވެ.

މި ފޮޓޯތައް މީސްމީޑިއާގައި އާއްމުވުމާއި އެކު ގިނަ ބައެއްގެ ސަމާލުކަން ވަނީ ހުއްޓިފައެވެ. އަދި ގިނަ ބަޔަކު ވަނީ ބުޅަލަކީ އެގޮތަށް އޭތި އޮޅުކޮށްގެން ގެންގުޅޭ މީހާއަށް ނުރައްކަލެއް ދިމާވެއްޖެނަމަ، އެކަމުން ސަލާމަތް ކުރުމަށް މަސައްކަތް ކުރާ ޖަނަވާރެއް ކަމަށް ބުނެފައެވެ.