ބައެއް މީހުން ގަބޫލުކުރާގޮތުގައި ލޯބިވުމަކީ ކުށެކެވެ. އެ މީހުން ލޯބިވާކަށް ބޭނުމެއް ނުވެއެވެ. ލޯބިވާހިތް ވެސް ނުވެއެވެ. އެހެން ނަމަވެސް ކުއްލިއަކަށް ހުރެފައި ދިމާވާ މީހަކުދެކެ ވެސް ލޯބިވެވިދާނެއެވެ. ދެން އޭނާ ދޫކޮށްލަން ވެސް ބޭނުން ނުވާނެއެވެ. އަބަދު ބޭނުންވާނީ އޭނާއާއެކު ވަގުތު ހޭދަކޮށްލާށެވެ. މިއީ ހަމަކަން ހިނގާގޮތް ދޯއެވެ.
ތިމާ މީހަކު ދެކެ ލޯބިވެވޭހެން ހީވާނަ މިފަދަ ގޮތްތަކެއް ވާނެއެވެ.
އަބަދު އޭނާއާއެކު ވަގުތު ހޭދަކުރަން ބޭނުންވުން
ކޮންމެ ދުވަހަކުވެސް ހިތްއެދޭ އެ މީހާއާއެކު ވަގުތު ހޭދަ ކުރެއެވެ. އެހެން ނަަމަވެސް އޭނާ ދުރަށްދާ ކޮންމެ ވަގުތަކީ ތިމާއަށް އުނދަގޫތަކެއް އިހުސާސްވާ ވަގުތެވެ. އެއާއެކު ކޮންމެވެސް ގޭމެއް ޖައްސައިގެން އަނެއްކާވެސް އޭނާއާ ބައްދަލުކުރެވޭތޯ ބަލައެވެ.
އޭނާ ހުވަފެނުގައި ވެސް ފެންނަނީ
ތިމާ ނިދާފައި އޮތަސް ނުވަަތަ ހޭލާ އޮންނައިރު އަންނަ ހިޔާލުތަކަށް ވެސް ތިމާ ލޯބިވެވޭހެން ހީވާ ބައިވެރިޔާ ފެންނަ ނަމަ ތިއޮތީ ހަމަ ރަނގަޅަށްވެސް އޭނާ ދެކެ ލޯބިވެވިފައެވެ.
އަބަދުވެސް އޭނާގެ ހާލު އަހާ ވާހަކަދައްކަން ބޭނުންވެފައި ހުރުން
ތިމާ ލޯބިވާ މީހާއާ ދިމާނުވެގެން އެހާ އުނދަގޫވާއިރު، އެ މީހާގެ ފަރާތުން ތިމާ ކުރާ މެސެޖަކަށް ރިޕްލައި ނައުމަކީ ހިތައް ވަރަށް އުނދަގޫވާކަމެކެވެ. އަދި އެމީހާއަށް އަބަދު މެސެޖްކޮށް އެ މީހާ ކުރާ ކަންތައް އޮޅުން ފިލުވައި ހެދުމަކީވެސް އެފަދަ މީހުން ކުރާ ކަންތައްތަކެވެ.
ތިމާ ފޯނު ރިންގުވާ އިރަށް އެއީ އޭނާ ހެން ހީވުން
ފޯނަށް އަންނަ މެސެޖަކީ ހާއްސަ އެއްޗެކެވެ. އެކަމަކު ހާއްސަ ފަރާތެއްގެ ފަރާތުން އެ އަންނަ މެސެޖްވެގެން ދާނީ އެންމެ ހާއްސަ މެސެޖަށެވެ. ފޯނަށް ކޮންމެ ދުވަހަކު ވެސް އެ އަންނަ މެސެޖްތަކަކީ ތިމާއަށް ލޯބިވެވޭހެން ހީވާ މީހާ ކުރާ މެސެޖްތައް ނަމައޭ ހިތައް އަރާނެއެވެ.
އޭނާ އާއި ބެހޭގޮތުން އަބަދު ވާހަކަދެއްކުން
ތިމާ މީހަކު ދެކެ ލޯބިވެވި އެ މީހާއާ އާ ގުޅޭ ވާހަކަތައް ގާތް މީހުންނާއި ހިއްސާ ކުރާނެއެވެ. ފުރަތަމަ އެކަން ކުރާނީ ރަހިމަތްތެރިއެއް ކަމަށް ބުނެއެވެ. އެހެން ނަމަވެސް ފަހުން ފަހުން އައިސް އޭނާއާ ގުޅޭ ވާހަކަތައް މާބޮޑަށް ދައްކައި މީހުންނަށް ޝައްކުވާ ހިސާބަށް ދެއެވެ. މިހެން ވާން ދިމާވަނީ އޭނާ ހާއްސަވުމުންނެވެ. ހާއްސަ މީހުންގެ ވާހަކަތައް އަބަދުވެސް ދެއްކޭނެއެވެ.
