"ދި ވޮއިސް ކިޑްސް ރަޝިއާ" ލަވަ މުބާރާތުގައި ރާއްޖޭގައި ކުރިއަރަމުން އަންނަ ލަވަ ކިޔުންތެރިޔާ ލައިބާ އަހުމަދު މަހުލޫފު (އެލީ) ބައިވެރިވެ، ދެވަނަ ރައުންޑަށް ކޮލިފައިވެއްޖެއެވެ.
އެލީ ކުރި ޓްވީޓެއްގައި ބުނީ މި މުބާރާތުގައި ބައިވެރިވުމަށް ރިކޯޑިންގ ހުށަހެޅީ މިދިޔަ އޮގަސްޓް މަހުގައި ކަމަށެވެ. އަދި ކުރިޔަށް އޮތް ރައުންޑް، ޕްރޮޑިއުސަރުންގެ އޮޑިޝަނަށް ކޮލިފައިވެފައިވާކަން އެނގުނީ އިއްޔެ ކަމަށް އޭނާ ބުންޏެވެ.
އެލީ ބުނީ ވޮއިސް ކިޑްސް ރަޝިއާގެ އޮންލައިން އޯޑިއެންސްގައި ބައިވެރިވުމަށް ޖޫން މަހުން ފެށިގެން ވަރަށް ބުރަކޮށް މަސައްކަތް ކުރަމުންދިޔަ ކަމަށެވެ. އަދި ކުރިޔަށް އޮތް ރައުންޑު ކާމިޔާބު ވެއްޖެނަމަ ލައިވް ޝޯއިން އޭނާ ފެނިގެންދާނެކަމަށް ބުނެފައިވެއެވެ.
The best thing that happened yesterday.
We started the training in June to join the online audition,for kids from age 7 to 14 years from all over the world.
So happy Elly qualified for the producer's audition with her hard work, proud of her.
Thanks to all the well-wishers ❤️ https://t.co/pFBTxUJ7VM pic.twitter.com/pSAuyYbnnJ
— Ahmed Mahloof (@AhmedMahloof) November 25, 2021
ދަރިފުޅަށް ލިބުނު ކާމިޔާބީ ފާހަގަކޮށް، ޔޫތް މިނިސްޓަރ އަހްމަދު މަހްލޫފް ކުރެއްވި ޓްވީޓެއްގައި ވިދާޅުވީ، މިއީ އިއްޔެ ދިމާވި އެންމެ ބަރާބަރު ކަންތައް ކަމަށެވެ. އެލީގެ ބުރަ މަސައްކަތާއި ހިތްވަރުން ދުނިޔޭގެ އެކި ކަންކޮޅުތަކުން 7 އަހަރާއި 11 އަހަރާއި ދެމެދުގެ ކުދިން ބައިވެރިވާ މި ލަވަ މުބާރާތުގެ ޕްރޮޑިއުސަރުންގެ އޮޑިޝަނަށް ކޮލިފައިވެފައިވާކަން އޭނާ ފާހަގަކުރީ ފަހުރުވެރިކަމާ އެކުއެވެ.
"ވަރަށް އުފާވޭ އެލީ އޭނާގެ ބުރަ މަސައްކަތުން ޕްރޮޑިއުސަރުގެ އޯޑިއަންސަށް ކޮލިފައިވީތީ. ޕްރައުޑް އޮފް ހާ" މަހްލޫފް ވިދާޅުވެފައިވެއެވެ.
ކުޑައިރުން ފެށިގެން ލަވަކިޔައި، ލަވަކިޔުމުގެ ދާއިރާގައި ފިޔަޖަހަމުން އަންނަ އެލީގެ ރީތި އަޑުން ވަނީ ބައެއް ލަވަތައް ކިޔާފައެވެ. އެގޮތުން، "ޑާންސް މަންކީ"، ""ޗީޕް ތްރިލްސް"، އަދި "ކިޔާ ދޫތަކުން" ގެ ކަވާތައް ފާހަގަ ކޮށްލެވެއެވެ.
މަރުހަބާ އެލީ ތި ކުރާހިތްވަރަށް
ލޮބުވެތި ދަރިކަނބަލުންނަށް ރަން ވަނަ ލިބުން ދުޢާއަކީ
ހުރިހާ ކަމެއްގައިވެސް ކާމިޔާބު ދެއްވާށި އާމީން