ދެކުނު އިންޑިއާގެ ތަލުގޫ ފިލްމެއް ކަމަށްވާ "ޕުޝްޕާ" އަށް ދިވެހިންގެ ތެރޭގައި ވެސް ބޮޑު ތަރުހީބެއް ލިބެން ފަށައިފިއެވެ.
ޕުޝްޕާއަކީ 2021 ވަނަ އަހަރުގެ ޑިސެމްބަރު މަހުގެ 17 ވަނަ ދުވަހު ރިލީޒް ކުރި ފިލްމެކެވެ. 342 ކުރޯޑު(706 މިލިއަން ރުފިޔާ) ހަރަދުކޮށް އުފައްދާފައިވާ މި ފިލްމާ އޭގެ ލަވަތައް ދުނިޔޭގެ އެކި ހިސާބުތަކުގައި މިހާރު ވަނީ ވަރަށް ބޮޑަށް ވައިގައި ހިފައިފައެވެ.
ތަލުގޫގެ ކުޅަދާނަ ފިލްމީ ތަރި އައްލޫ އަރްޖުން މައިގަނޑު ރޯލުން ފެނިގެންދާ މި ފިލްމުގައި ދެން ފެނިގެންދަނީ ރަޝްމިކާ މަންޑަންނާއެވެ. ލޯބީގެ ވާހަކަތަކެއްވެސް ހިމެނޭ މި ފިލްމުގެ އެކްޓިންގެ ވާހަކަ ނުދައްކާ މީހަކު މިހާރު މަދުވާނެއެވެ.
މި ފިލްމުގައި ފެނިގެންދަނީ އިންޑިއާގެ ވަކި ހިސާބަކުން ނޫނީ ނުލިބޭ ލަކުޑިއެއް ވަގަށް ވިއްކުމުގެ ވިޔަފާރިކުރާ ބަޔަކު ކުރާ ނުރައްކާތެރި ވިޔަފާރިއެވެ.
ފިލްމުގެ ގިނަ ލަވަތައް މިހާރުވެސް ޓިކްޓޮކްގައި ދައުރުވަމުންދާއިރު ތަފާތު ގޮތަކަށް އެކްޓު ކޮށްފައިވާ މި ފިލްމުގައި އައްލޫ އަށް މިހާރަށްވުރެ ބޮޑު ތަރުހީބެއް ލިބޭނެ ކަމަށް ގިނަ ފަރާތްތަކުން ދެކެއެވެ.
މި ފިލްމުގެ ލަވަތައް ހަދާފައި ވަނީ ކުޅަދާ ލަވަ ޕްރޮޑިއުސަރ ދޭވީ ސްރީ ޕްރަސާދްއެވެ.
މި ފިލްމު ލިޔެ ޑައިރެކްޓްކޮށްފައި ވަނީ ސުކުމާރުއެވެ. މީތްރީ މޫވީ މޭކާސް އިން ޕްރޮޑިއުސްކޮށް ނެރުނު މި ފިލްމު ވަނީ ސިނަމާތަކުންވެސް ބޮޑު ކާމިޔާބެއް ހޯދައިފައެވެ.
ނުވެސް ބަލަން
ނުބަލަ ނުބަލާ ހުރެބަލަ، ހޭބަލި ވަންދެން
ބޮލީވުޑް އެކްޓިން އަށްވުރެ މާ މޮޅު ތެލުގޫ އެކްޓަރުންގެ އެކްޓިން. އައްލޫ އަރްޖޫންގެ ޑާންސް ވެސް ވަރަށް މޮޅު. އަހަރެން ވެސް ބެލިން ހިންދީ ޑަބްޑް ޕުޝްޕާ. ވަރަށް ސަޅި.
ކަލޭ ބެލިންތަ އޮރިޖިނަލް ތެލުގޫ ވާޝަން؟؟؟ ހިންދީއަށްވުރެ ތެލުގޫއިން ބެލީމަ މާސަޅި!!
އައުޓް އިސްޓޭޑިން ފިލްމެއް މީ ވަރަށް މޮޅު އެކްޓިން
ކަލޭ ބެލިންތަ އޮރިޖިނަލް ތެލުގޫ ވާޝަން؟؟؟ ހިންދީއަށްވުރެ ތެލުގޫއިން ބެލީމަ މާސަޅި!!