އިންޑިއާ ބައިބައިވިތާ 75 އަހަރު ފަހުން އެއްބަނޑު އެއްބަފާ ދެމީހުން އަލުން އެއްތަންވެއްޖެއެވެ.
1947 ވަނަ އަހަރު ބައިގަރުނު ތެރޭގައި އާއިލާއާ ވަކިވި ޕާކިސްތާނުގެ އަންހެނަކު 75 އަހަރަށްފަހު ފުރަތަމަ ފަހަރަށް އިންޑިއާގައި ތިބި އެއްބަނޑު އެއްބަފާ ފިރިހެނުންނާއި މިދިޔަ މަހު ބައްދަލުކޮށްފިއެވެ.
1947 ވަނަ އަހަރު މި ޕާޓިޝަންގެ ސަބަބުން މިނިވަން ދެ ގައުމު ކަމަށްވާ އިންޑިއާ އާއި ޕާކިސްތާން އުފެދިގެން ދިޔައެވެ. އެއީ ތާރީހާއި، ހަނގުރާމައާއި ކާރިސާއިން ބޭރުގައި މީހުން ހަރަކާތްތެރިވި އެންމެ ބޮޑު ހަރަކާތެވެ. ގާތްގަނޑަކަށް 12 މިލިއަނެއްހާ މީހުން ރެފިއުޖީންގެ ގޮތުގައި ގޮސްފައިވާއިރު، ބައި މިލިއަނާއި މިލިއަނަކާއި ދެމެދުގެ އަދަދަކަށް މީހުން ދީނީ ހަމަނުޖެހުންތަކުގައި މަރުވެފައިވެއެވެ.
މި ބައިބައިވުމުގެ އާއިލާތައް ވެސް ރޫޅި ގޮސްފައިވެއެވެ. މި ހަލަބޮލިކަމުގެ ތެރޭގައި އާއިލާއާ ވަކިވި މުމްތާޒް ބިބީ ވަނީ މިދިޔަ އޭޕްރީލް މަހު ޕާކިސްތާނުގެ ކަރުތާރުޕޫރު ސާހިބު ގުދުރަތުވާރާގައި ފުރަތަމަ ފަހަރަށް އޭނާގެ އާއިލާގެ ދެމީހުން ކަމަށްވާ ބޭބެގުރްމުކް ސިންގް އާއި ބަލްދޭވް ސިންގްއާ ބައްދަލުކޮށްފައެވެ.
"އަހަރެމެންގެ ހަޔާތުގައި ކޮއްކޮއާ ބައްދަލުކުރެވޭ ގޮތް ވީތީ ވަރަށް އުފާވޭ،" ގުރްމުކް ސިންގް ބުނެފައި ވެއެވެ.