ހަށިގަނޑު ފަލަވުމަކީ ވަރަށް ގިނަ ބަލިތަކަކަށް މީހާ ހުށަހެޅިގެންދާ ކަމެކެވެ. މީގެ ތެރޭގައި ފުރާނައަށް ނުރައްކާވާފަދަ ބަލިތައްވެސް ހިމެނެއެވެ. މިހެންވެ މާބޮޑަށް ފަލަވާނަމަ ބައެއް މީހުން އަވަހަށް ހިކެން ބޭނުންވެއެވެ. ހިކެން ބޭނުންވާނަމަ ތިރީގައި މިވާގޮތަށް ކަންތައް ކުރާށެވެ.

- ފުރަތަމަ އެއްދުވަހު މުޅިންހެން ހަރު ކާނާއާ ދުރުވާށެވެ. ތަރުކާރީ ފަދަ ތަކެތިން ފަނި ހަދައިގެން މިދުވަހު ބޯށެވެ. މިގޮތަށް އެއްދުވަސް ހޭދަކޮށްލާށެވެ.

- ރެސްޓޯރެންޓްތަކުން ކެއުމާއި ދުރުހެލި ވާށެވެ.

- ޕާން، ޕާސްތާ ފަދަ ކާބޯހައިޑްރޭޓްގެ މާއްދާތައް ގިނަ ކެޔުންތައް ކެއުމުން ދުރުހެލިވާށެވެ.

- މޭވާގެ ބާވަތްތައް ގިނަ ކުރާށެވެ.

- ފެހި ކުލައިގެ ފަތްފަދަ އެއްޗެހި ކެއުން ގިނަ ކުރާށެވެ. އޭރުން އޭގައި ހިމެނޭ ފައިބަރގެ ސަބަބުން ބަޑުހައިވުމުން ސަލާމަތްކޮށްދޭނެއެވެ.

- ކޮންމެ ދުވަހަކު 60 މިނެޓްވަންދެން ކަސްރަތު ކުރާށެވެ.

މަތީގައި ބުނެވިދިޔަ ކަންތަކަށް ސަމާލުކަން ދީ، ހަފްތާއެއްގެ ތެރޭގައި މިކަންކަން މަތީގައި ބުނެވި ދިޔަ ގޮތަށް ކޮށްފިނަމަ ހަފްތާއެއްގެ ތެރޭގައި އޭގެ އަސަރު ފެންނާނެއެވެ.