އިންސާފުގެ މަގަށް މުޅި ގައުމުގެ މިސްރާބު ބަދަލުވާތަން ފެންނަމުންދާ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ގާސިމް މިހެން ވިދާޅުވީ ރައްޔިތުންގެ މަޖިލީހުގެ 12 މެމްބަރުންގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން މީގެކުރިން ނިންމި ނިންމުން މިއަދު ބާތިލުކުރުމާ ގުޅިގެން ކުރެއްވި ޓްވީޓެއްގައެވެ.
ގާސިމް ވިދާޅުވީ އިންސާފުގެ މަގަށް މުޅި ގައުމުގެ މިސްރާބު ބަދަލުވެގެން އަންނަ މަންޒަރު ފެންނަމުންދާ ކަމަށާއި މި ބަދަލުތައް ފެންނަމުންދަނީ ރައްޔިތުން ނިކުމެ ބޮޑު މަންޒަރު ބޮޑުތަނުން ބަދަލުކުރުމުން ކަމަށެވެ. މީގެއިތުރުން ގާސިމް ވަނީ ގާނޫނު އަސާސީގައި ހިފެހެއްޓެވީތީ އިލެކްޝަންސް ކޮމިޝަނުގެ މެމްބަރުންނަށް ވެސް ޝުކުރު އަދާކުރައްވާފައެވެ.
12 MP innah Maruhabaa adhi Sukuriyaa. Insaafuge magah baarah mulhi Qaumu ge misraabu badhaluvegen anna manzaru bodukoh fennamun midhanee .Rayyithun nikume bodu manzaru boduthanun badhal kurehveethee . EC ge membarunah sukuru dhannavan QA gai hifehehteveethee .kuriyah dhivehi Qaum
— Qasim Ibrahim (@qasimibrahim) October 3, 2018
12 މެމްބަރުންގެ ގޮނޑި ނުގެއްލޭ ކަމަށް އީސީން ނިންމިއިރު އެ ކޮމިޝަނުން މިއަދު ވަނީ އެ 12 ދާއިރާގައި ބައި އިލެކްޝަން ބޭއްވުމަށް ނިންމި ނިންމުން ވެސް ބާތިލުކޮށްފައެވެ. އީސީގެ މި ނިންމުންތައް ރައްޔިތުންގެ މަޖިލީހުގެ އިތުރުން ކަމާބެހޭ ފަރާތްތަކަށް ރަސްމީކޮށް މިހާރު ވަނީ އަންގާފައެވެ.
ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅި 12 މެމްބަރުންނަކީ ހަނިމާދޫ ދާއިރާގެ ހުސައިން ޝަހުދީ އާއި އިހަވަންދޫ ދާއިރާގެ މެމްބަރު މުހައްމަދު އަބްދުﷲ އާއި މަޑުއްވަރީ ދާއިރާގެ މުހައްމަދު އަމީތާއި ތުލުސްދޫ ދާއިރާގެ މުހައްމަދު ވަހީދު އިބްރާހީމާއި ދިއްދޫ ދާއިރާގެ އަބްދުއްލަތީފާއި ދަގެނތީ ދާއިރާގެ އިލްހާމް އަހްމަދާއި ވިލިނގިލީ ދާއިރާގެ ސައުދު ހުސައިނާއި ތިމަރަފުށީ ދާއިރާގެ މުހައްމަދު މުސްތަފާ އާއި ތިނަދޫ އުތުރު ދާއިރާގެ ސައުދުﷲ ހިލްމީ އާއި ތިނަދޫ ދެކުނު ދާއިރާގެ އަބްދުﷲ އަހުމަދާއި ފުވައްމުލަކު އުތުރު ދާއިރާގެ އަލީ ޝާހު އަދި މައްޗަންގޮޅީ ދެކުނު ދާއިރާގެ އަބްދުﷲ ސިނާނެވެ.
އިންސާފުގެ މަގު އޮންނަނީ ކޮންތާކު ތޯ..؟
ތި ބުނާ އިންސާފުގެ މަގު އެއީ ތިކަހަލަ މަހުޖަނުން ހިނގަން އޮންނަ މަގު.
ޏަގޫ ބޅ މިގައުމަށް ނާރާތި
ސޭޓު އެބުނާ އިންސާފުގެ މަގަކީ ވިޔަފާރިވެރިން މީރާއަށް ގައުމަށް ދައްކަންޖެހޭ ޓެކްސް ދައްކަންނުޖެހޭ މަގާއި، ފަޅުރަށްތަކާއި ގިރިތައް ނަގައިގެން ބަނޑުއަޅައި ބަކުކޮށްގެންތިބެ ސަރުކާރަށް ދައްކަންޖެހޭ ކުލި ނުދެއްކިޔަސް އޯކޭކުރަންޖެހޭ މަގެވެ. މިގޮތާއި އިދިކޮޅު ވެއްޖެއްޔާ އެއިރެއްގެ ސަރުކާރު ބޭއިންސާފުވީއެވެ. ދެންޖެހޭނީ ރިޝްވަތު ދީގެން ސަރުކާރު ވައްޓާލާށެވެ.
އިންސާފުގެ މަގަކީ ދެއިރު ދެގޮތަށް މިނިވަން މުއައްސަސާތަށް ބަދަލުވުންތޯ އަޅުގަނޑުމެން ހުކުމެއް ނެރޭ ކޮންމެފަހަރަކު ގަބޫލުކުރުންތޯ؟
ބަގާވާތް ކުރާނެކަމުގެ ކޮޅުމަތި ފެން ނަން ފަށައިފިއަވަހަށް ސަލާމަތުގެ ފިޔަޅުއަޅާ ސޭޓު ބޭ އަންނަނީ
މަނިކުފާނު ހިންގަވާ އިންސާފުގެ މަގުގައި ހާދަ ރިޝްވަތު ގިނައެވެ. އެ މަގު ތަތްތެޅިފައިވަނީ އަނިޔާވެރިކަމާއެކު މުއައްޒަފުންގެ އަތުން ފޭރެގަނެވުނު ސާވިސްޗާޖުންނެވެ.