ކުރީގެ ރައީސް، މުޙައްމަދު ނަޝީދާއި ވާދަކުރުމަށް ނިކުތަސް، ޖުމްހޫރީ ޕާޓީގެ ލީޑަރު ގާސިމް އިބްރާހީމަށް 5 އިންސައްތަ ތާއީދުވެސް ނުލިބޭނެ ކަމަށް ރައްޔިތުންގެ މަޖިލީހުގެ އައްޑޫ ސިޓީ ދެކުނު ދާއިރާގެ މެމްބަރު އަލީ ނިޒާރު ވިދާޅުވެއްޖެއެވެ.
ނިޒާރު ކުރެއްވި ޓްވީޓެއްގައި މިގޮތަށް ވިދާޅުވެފައިވަނީ، ނަޝީދުގެ މައްޗަށް ޖަލު ޙުކުމެއް އިއްވާފައި ވަނިކޮށް ރާއްޖެ އަންނަން އުޅޭތީ އެކަމާއި ދެކޮޅަށް އަލްހާން ފަހްމީ ކޮށްފައިވާ ޓްވީޓެއް ގާސިމްގެ ރަސްމީ ޓްވިޓާ އެކައުންޓުން ރީ-ޓްވީޓު ކުރުމާއި ގުޅިގެން މައްސަލަ ހޫނުވެފައިވާ ދަނޑިވަޅެއްގައެވެ.
މިކަމާއި ގުޅިގެން ހިތްހަމަނުޖެހިފައި ހުންނެވި މެމްބަރު ނިޒާރު ވިދާޅުވީ، ނަޝީދަށް ޖއްސުން ކުރުމުގެ އަމަލުތަކުން ސިޔާސީ ލީޑަރުން ދުރުވާން ޖެހޭ ކަމުގައެވެ.
"ރައީސް މުޙައްމަދު ނަޝީދަށް ޖެއްސުން ކުރުމުގެ ޢަމަލުތަކުން ސިޔާސީ ލީޑަރުން ދުރުވާންޖެހޭ. ވިސްނުމުގައި ބަހައްޓަން ޖެހޭ ކަމަކީ މިހާރު ވާދަކުރަން ނިކުތަސް ނަޝީދާއި ވާދަކޮށް %5 ވެސް ތީގެއިން މީހަކަށް ނުލިބޭނެކަން،" ނަޝީދު ޓެގު ކުރައްވާ، ޖުމްހޫރީ ޕާޓީގެ ލީޑަރު ގާސިމަށް މަލާމާތްކޮށް ނިޒާރު ކުރެއްވި ޓްވީޓުގައި ވެއެވެ.
Raees @MohamedNasheed ah jessun kurumuge Amalu thakun Siyaasee leaderun dhuruvaan jehey. Visnumuga bahattan jehey kamakee mihaaru vaadha kuram nikuthas Nasheedh aai vaadha koh 5% ves theege meehakah nulibeyne kan. pic.twitter.com/9FDVzWG8AW
— Ali Nizar (@DhekunuNizar) October 10, 2018
އަލްހާންގެ ޓްވީޓު، ގާސިމް ރީ-ޓްވީޓު ކުރެއްވުމާއި އެކު އެމްޑީޕީން "ރަތަށްއަރާފައި" ވާއިރު، ނިޒާރުގެ އިތުރުންވެސް ގާސިމަށް އެ ޕާޓީގެ ބައެއް އިސް ބޭފުޅުންވެސް ދަނީ މަލާމާތްކޮށް ފާޑު ވިދާޅުވަމުންނެވެ. އެހެން ނަމަވެސް ގާސިމް ފަހުން ވަނީ ނަޝީދަށް ފާޑުކިއުން އަމާޒުކޮށް އާންމުކޮށްފައިވާ ޓްވީޓުގެ ދިފާޢުގައި އިތުރު ޓްވީޓެއް ކުރައްވާފައެވެ.
އެ ޓްވީޓުގައި ގާސިމް ވިދާޅުވީ، އަލްހާންގެ ޓްވީޓު ރީ-ޓްވީޓު ކުރެއްވީ، އޭނާ ވިދާޅުވީ ޤާނޫނީ ގޮތުންނާއި ދީނީގޮތުން ބެލިޔަސް ރަނގަޅު ވާހަކައަކަށް ވާތީ ކަމަށެވެ.
"ކީރިތި ރަސޫލާގެ ހަދީޡް ބަސްފުޅެއްގެ މާނައިގައި ވަނީ، ބަސްބުނި މީހާއަށް ނުބަލާށޭ. ބުނި ބަހަށް ބަލާށޭ" ގާސިމް ވިދާޅުވެފައިވެއެވެ.
Alhugandu @AlhanFahmy Retweet Kuree Eynaa Vidhaalhuvee Qaanoonee Gothunaai Dheenee Gothun Beliyas Rangalhu Vaahaka’akah Vaathee!
Keerithi Rasoolaage Hadhees Basfulhehge Maanaigaa Vanee, Bas Buni Meehaayah Nubalaashey, Buni Bahah Balaashey!— Qasim Ibrahim (@qasimibrahim) October 10, 2018
ނަޝީދުއާ ދެކޮޅު ޓްވީޓެއް ގާސިމް މިއަދު ރީޓްވީޓް ކުރެއްވިއިރު ގާސިމްގެ ހަގު އަނބިކަނބަލުން އައިޝަތު ނަހުލާ އިބޫގެ ސަރުކާރުގެ ވަޒީރު ކަމަށް އައްޔަން ކުރަން އުޅޭ ކަމަށް ބުނެ އެމްޑީޕީ އެކްޓިވިސްޓުން ގެންދަނީ ވަރަށް ބޮޑަށް ނަހުލާ އަށް ފާޑުކިޔަމުންނެވެ. ބައެއް އެކްޓިވިސްޓުން ނަހުލާގެ ޒާތީ ކަންކަމާއި ބެހި ވަރަށް ދަށު ދަރަޖައިގެ ވާހަކަތައް ހިމަނައިގެންވެސް ޓްވީޓު ކުރަމުންދެއެވެ. އެއާއި އެކު ޖޭޕީގެ އެކްޓިވިސްޓުން ގެންދަނީ އެކަމަށް ވަރަށް ވަރުގަދަ އަށް ރައްދު ވެސް ދެމުންނެވެ.
މިއަންނަ ނޮވެމްބަރު މަހުގެ 01 ވަނަ ދުވަހު ރާއްޖެ ވަޑައިގަންނަވާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެފައި ވާއިރު އެމަނިކުފާނުގެ މައްޗަށް އިއްވާފައިވާ 13 އަހަރުގެ ޖަލު ޙުކުމެއް އެބައޮތެވެ. އެހެންކަމުން ޤާނޫނީ ހަމަތަކަށް ބަލާއިރު ރައީސް ނަޝީދު މިހާލަތުގައި ރާއްޖެ ވަޑައިގެންފި ނަމަ އެމަނިކުފާނު ހައްޔަރު ކުރަން ޖެހޭނެއެވެ.
ހެެއްހެއް ތިއޮތީ ދެގެރި ޖެހިފާ
މިއޮތީ މިހާރުވެސް ކުރިމަގު ވަރަށް ސާފްކޮށް ފެންނަން ފަށާފަ. އަހަރެމެން އަނެއްކާވެސް ހޭދަކުރަންވީ 5 އަހަރުގަ ގަޑަތެޅެންތަ
5% އަކީ 13000 ވޯޓެވެ. އެންމެ ވޯޓަކުންވެސް ނަތީޖާ ބަދަލުވެދާނެ ކަން ނުވިސްނޭ ޖާހިލުން މިކަހަލަ ފޯރަމް ތަކުގަ ޝުޢޫރު ފާޅު ނުކޮށް ހިމޭން ވާށެވެ.
ގާސިމާ ނުލެޑެއްޗޭ ކަލޭމެން އެމްޑީޕީން. ނަޝީދު ޖެހޭނީ މިހާރު މަހަށްދާން ގާސިމާ ޖެހިފަ.
މިރުހާ، ހަކުރާ، ލޮނާ، ކޮނތަބިރިއާ، އިނގުރާ، ފުށާ، ހިކަނދިފަތާ އަޅައިގެން ފާރޮށިގަނޑެއް މޮޑުނީމަ ވާނެ ގޮތް ތިހިރަވަނީ. ނުކެރޭނެ ކާކަށް. އުކާލަންޖެހޭނީ.
ރިޔާސީ ނިޒާމެއްގައި ކޯލިޝަން ސަރުކާރެއް ނުހިނގާނެ. ޖުމްހޫރީ ޕާޓިން އެއްފަރާތަކަށް ނުޖެހި ސާބިތު ކަމާއި އެކުތިބެގެންވާނީ.
ނިޒާރުމެން މައިތިރިވެގެން ތިބެބަލަ އިބޫ ހުވާކުރަންދެން. ގާސިމާއި ޔާމީން އެއްކޮޅަށް އަރައިގެން ވޯޓަކަށް ދިއުމުގެ ފުރުސަތު އަދިވެސް އެބައޮތް. އެދުވަހުން މައުމޫނުގެ ތާއީދު ވެސް އޮންނާނީ ޔާމީނަށް. މައްސަލަ މިއަދު ސްޕްރިމްކޯޓަށް ވައްދާފަ އޮތީ.
ހުރިހާ ވޯޓެއްވެސް ލިބޭނީ ގާސިމަށް.. ދެން ލަލަލާ
20،000 ވޯޓު އިތުރަށް ޔާމީނަށް ލިބިއްޖިއްޔާ އިބޫ އާއި ހަމަހަމަ ވާނެ. %5 އޭ ނުކިޔައި މަޑުން ތިބެބަލަ.
ޕިޕީއެމުގެ ފަރާތުން މައްސަލަ ހުށަހެޅި ކަމުގައިވިޔަސް ތިޔަމައްސަލާގައި ތަދައްޚުލުވުމުގެ ޙައްޤު ލިބިގެންވާ ފަރާތްތަކަށް އެފުރުޞަތު އޮންނާނެ ނޫންތޯއެވެ. އެހެނީ، ކޯލިޝަނެއްގައި ހިމެނޭ ކޮންމެ ޕާޓީއަކަށްވެސް ބަސްބުނުމުގެ ޙައްޤު، ފުރުޞަތު ލިބެން އޮންނަ ކަމެއްގައި ޕާޓީތަކުންވެސް ބަސްބުނެވޭނެއެވެ.
ނަށީދާ ވާދަކޮށް ގާސީމައް %5 ވޯޓު ނުލިބުނަސް ގާސިމުގެ ތާއީދާ މައުމޫނުގެ ތާއީދާ އަދާލަތުގެ ތާއީދާ އަދި ނުވިތަނަކައް އިލެކްށަންގެ ތާއީދު ނުލިބިނު ނަމަ ދެންވާނީ ކިހިނެއް؟ ?