ޕާކިސްތާނުގެ ކަރާޗީގައި ހުންނަ ޗައިނާގެ ކޮންސިއުލޭޓަށް، ހަތިޔާރު އަޅައިގެން ތިބި ހަނގުރާމެރިވި ބަޔަކު ވަދެ ދިން ހަމަލާ ދިވެހި ސަރުކާރުން ކުށްވެރި ކުރައްވައިފިއެވެ.
ދިވެހި ސަރުކާރުގެ ފަރާތުން، މިނިސްޓްރީ އޮފް ފޮރިން އެފެއާޒް އިން މިއަދު ކުރައްވާފައިވާ ޓްވީޓެއްގައި ވިދާޅުވީ، ޕާކިސްތާނުގެ ކަރާޗީގައި ހުންނަ ޗައިނާގެ ކޮންސިއުލޭޓަށް ދިން ނިރުބަވެރި ހަމަލާ، ދިވެހި ސަރުކާރުން ހަރުކަށި އިބާރާތުން ކުށްވެރި ކުރައްވާކަމުގައެވެ. އަދި، މި ހަމަލާގައި މަރުވި މީހުންނަށް ތައުޒިޔާ ރައްދުކުރައްވާކަމަށްވެސް ފޮރިން މިނިސްޓްރީގެ ޓްވީޓުގައި ވިދާޅުވިއެވެ.
The Government of #Maldives strongly condemns the terrorist attack on the Chinese Consulate in #Karachi, #Pakistan today. Our heartfelt condolences to the families of the victims - Foreign Minister @abdulla_shahid
— Ministry of Foreign Affairs 🇲🇻 (@MoFAmv) November 23, 2018
ބައިނަލްއަޤުވާމީ ޚަބަރު ފަތުރާ ވަސީލަތްތަކުން ބުނާގޮތުގައި ޗައިނާގެ ކޮންސިއުލޭޓަށް ހަމަލާ ދީފައިވަނީ ވަކިވެގަތުމަށް މަސައްކަތް ކުރަމުންދާ ބަލޮޝިސްތާނުގެ ހަނގުރާމެރި ޖަމާއަތަކުންކަމަށެވެ.
ޕާކިސްތާނުގެ ކަމާ ބެހޭ ފަރާތްތަކާ ހަވާލާދީ ނޫސްތަކުން ބުނެފައިވާ ގޮތުގައި މި ހަމަލާ ދިނުމުގައި ހަރަކާތްތެރިވެފައިވަނީ ތިން މީހުންނެވެ. އެޤައުމުގެ ސަލާމަތީ ބާރުތަކުން ދިން ހަމަލާތަކުގައި މި ތިން މަރުވިއިރު، ހަނގުރާމަވެރިންގެ ހަމަލާތަކުގައި ޕާކިސްތާނުގެ ދެ ފުލުހަކު މަރުވެފައިވެއެވެ.
މި ހަމަލާގައި ޗައިނާގެ އެއްވެސް ރައްޔިތަކު އަދި ޕާކިސްތާނުގެ އެއްވެސް މަދަނީއަކުވެސް މަރުވެފައިވެއެވެ.
ތިއީ އިންޑިޔާގެ ކަމެއް!
އިންޑިޔާގެ ރޭވުމެއް ހަގީގަތް ފަޅާއަރާނެ ޗައިނާ އިން ތިކަމުގައި ނުފޮރޮޅާނެ އެންމެ ގަލެއްވެސް ނޯންނާނެ .