އިނގިރޭސިވިލާތުގެ އެމްބަސީއެއް ރާއްޖޭގައި ހުޅުވަން ނިންމައިފިއެވެ.
އިނގިރޭސި ފޮރިން ސެކްރެޓަރީ ޖާމީ ހަންތު ވިދާޅުވީ އިނގިރޭސިވިލާތުން އަހަރަކު ލައްކަ އަކަށްވުރެ ގިނަ މީހުން ރާއްޖެ ޒިޔާރަތްކުރާ ކަމަށެވެ. އަދި ރާއްޖޭގައި އިނގިރޭސިވިލާތުގެ އެމްބަސީއެއް ހުރުން މުހިންމުކަމަށްވެސް ވިދާޅުވިއެެވެ.
ރާއްޖޭގައި އިނގިރޭސިވިލާތުގެ އެމްބަސީއެއް ހުޅުވުމަށް ނިންމެވި ނިންމެވުމަށް ދިވެހި ސަރުކާރުން ވަނީ މަރުހަބާ ވިދާޅުވެފައެވެ.
އެކަމަށް މަރުހަބާ ވިދާޅުވެ ފޮރިން މިނިސްޓަރ އަބްދުﷲ ޝާހިދު ވިދާޅުވީ، މިއީ ދެގައުމުގެ ގުޅުމަށް އެޅުން ބަދަހި ކުރުމަށް އެޅިގެންދާނެ ފިޔަވަޅެއް ކަމަށާއި، އެކަމުގެ ސަބަބުން ރާއްޖޭގެ ފަތުރުވެރިކަމާއި، ވިޔަފާރި އަދި އިގްތިސާދަށްވެސް އޭގެ އެދެވޭ އަސަރުތައް ކުރާނެ ކަމަށެވެ.
Warmly welcome UK Foreign Secretary Jeremy Hunt’s announcement of intention to open an Embassy of the U.K in Malé. This marks a significant milestone in our relationship, & look forward to strengthened opportunities for education, trade tourism & investment for both countries.
— Abdulla Shahid (@abdulla_shahid) December 4, 2018
އެހެން ނަމަވެސް އެކަމާއި ގުޅޭ އިތުރު ތަފްސީލެއް މިނިސްޓަރ ދެއްވާފައެއް ނުވެއެވެ.
ރާއްޖޭގައި އިނގިރޭސިވިލާތުގެ އެމްބަސީއެއް ހުޅުވަން ނިންމިއިރު، ރާއްޖެއިން އިނގިރޭސިވިލާތަށް ދާ މީހުންނާއި ދެގައުމު ދެމެދު ކުރަންޖެހޭ ޑިޕްލޮމެޓިކް މަސައްކަތްތައް މިހާރު ކުރަމުން ގެންދަނީ ސްރީލަންކާގައި ހުންނަ އިނގިރޭސި އެމްބަސީ އިންނެވެ.
ވިހިބުރި އައް ނަގައިފައި ހުރި ތަނެއް ދައްކާތި މިއަންނި ފިލަންވަންނާނީ ތިތަނައް