2018 ވަނަ އަހަރު ވަރަށް ގިނަ ގުނަ ފިލާވަޅުތައް ލިބުނުކަމަށާއި އެހެންނަމަވެސް، މި ހުރިހާ ފިލާވަޅެއްގެ ތެރެއިންވެސް ލިބުނު އެންމެ ބޮޑު ފިލާވަޅަކީ ހަޤީޤީ ރައްޓެހިންނަކީ ކޮން ބައެއްކަން އެނގުންކަމަށް މިދިޔަ އަހަރު ބޭއްވި ރިޔާސީ އިނތިޚާބުގައި ރައީސް ޔާމީންގެ ރަނިންގ މޭޓް، ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
ޑރ. ޝަހީމްގެ އަމިއްލަފުޅު ފޭސްބުކް އެކައުންޓުގައި ކުރައްވާފައިވާ ޕޯސްޓެއްގައި ވިދާޅުވީ އެންމެ ބޭނުންވި ވަގުތު އެކުގައި ތިއްބެވި ބޭފުޅުންނާ މެދު އަބަދުވެސް ފަޚުރުވެރިވެވަޑައިގަންނަވާކަމުގައެވެ.
"2018 އަކީ ވަރަށް ގިނަ ގުނަ ފިލާވަޅުތަކެއް ލިބުނު އަހަރެކެވެ. އެންމެ ބޮޑު ފިލާވަޅަކީ ހަޤީޤީ ރައްޓެހިންނަކީ ކޮބައިކަން އެނގުމެވެ. އެންމެ ބޭނުންވި ވަގުތު އެކުގައި ތިއްބެވި ބޭފުޅުންނާމެދު އަބަދުވެސް ފަޚުރުވެރިވަމެވެ." ޑރ. ޝަހީމް ވިދާޅުވިއެވެ.
ހަމައެހެންމެ، ކުރިއަށް އޮތްތަނުގައިވެސް ދެމިހުންނަވާނީ އެބޭފުޅުންނާއެކު، އެބޭފުޅުން ތިއްބެވި ތަނެއްގައިކަމަށްވެސް ޑރ. ޝަހީމް ވިދާޅުވިއެވެ.
މި ޕޯސްޓުގައި ޑރ. ޝަހީމްވަނީ އެބޭފުޅާގެ ޙަޤީޤީ ރައްޓެހިންނާއެކު ނަންގަވާފައިވާ ބައެއް ފޮޓޯތައްވެސް ހިއްސާކުރައްވާފައެވެ. އެގޮތުން، 22 ފޮޓޯއެއް، މި ޕޯސްޓުގައި ޑރ. ޝަހީމް ހިއްސާކުރައްވާފައިވެއެވެ.
ޑރ. ޝަހީމް ވަނީ ރާއްޖޭގެ އިސްލާމިކް މިނިސްޓަރުކަންވެސް އަދާކުރައްވާފައެވެ. ހަމައެހެންމެ، ދިވެހިރާއްޖޭގެ އިސްލާމީ ޔުނިވަރސިޓީގެ ޗާންސެލަރުކަންވެސް އޭނާ އަދާކުރެއްވިއެވެ.
ޟަހީމާ އެއްކޮ ވައްކަމައް ތާއީދު ނުކުރީމަ ގޯސްވީ.
ބޮޑު ތަނުން ބަލިކޮއް ލަދުގަންނަވާލާފަ އޮންނާނީ.
ފޮޓޯތައްޖަހާލަދިންނަމަ އެނގުނިސް
އަދާލަތު ޕާޓީ އުފެއްދުމުގައި ޑރ. ޝަހީމް އާއި އަލްމަރުހޫމް ޑރ. ބާރީއާއި ޑރ. މުއިއްޒް އާއި ޝައިޚުން ގެ ދައުރު ވ.މުހިންމު. ފަހުން ޕާޓީ ޖަހާގަތީ ޝޚ އިމްރާން. ޑރ. ޝަހީމް އަކީ ޕާޓީއަށްޓަކާ މިނިަްސްޓަރ ކަން ދޫކޮށްލެއްވި ބޭފުޅެއް. އަހަރަމެން ބޭނުމީ ޑރ. ޝަހީމް ޕާޓީއެއް ލީޑްކުރާތަން ދެކެން.
ޢަދި ގާތުގަ ރަނގަޅުކަމަށްހެދިގެން އުޅޭމީހުންގެ ނުބައި މާ ބޮޑު!
ރައްޔިތުންގެ ކުރިމަތީގައި އަގު ނުވެއްޓި ފަލީހަތް ނުވެ ތިބި އިޚުލާސްތެރި އިލްމުވެރީންތަކެއް މިއަދު ރާއްޖެއައް އެބަ ބޭނުންވޭ.. ހިތާމައަކީ އެފަދަ މީހުން އުފެދި އަދި އެގޮތުގައި ދެމި ތިބެވޭވަރައްވުރެ ރާއްޖޭގެ މުޖުތަމައުގެ ފިތުނައާއި ނުބައިކަން ބޮޑުވެފައިވާކަން.
ޝަހީމަކީ އަނިޔާވެރި ޙުދުމުޛުތާރު ވެރިޔަކަށް ސަޕޯޓް ކުރި މީހެއް
ބޮޑުތަނުން ވައްކަންކޮށްގެން ވެރިކަން ބަޔަކު ފޭރިގަތަސް ދެރަވާނެ ކަމެއް ނެތް ޑރ ޝަހީމް.