ގާނޫނީ ވަކީލް އަބްދުﷲ ހަސީން އިސްވެ ހުންނަވާ އުފެއްދި މޯލްޑިވްސް ލޭބަރ އެންޑް ސޯޝަލް ޑެމޮކްެރަޓިކް ޕާޓީ (އެމްއެލްއެސްޕީ) އިލެކްޝަން ކޮމިޝަނުގެ ދަފްތަރުގައި ރެޖިސްޓްރީ ކޮށްފިއެވެ.
މިއަދު އިލެކްޝަން ކޮމިޝަނުގެ މައި އިދާރާގައި ބޭއްވި ރަސްމިޔާތެއްގައި އިލެކްޝަން ކޮމިޝަނުން ވަނީ މޯލްޑިވްސް ލޭބަރ އެންޑް ސޯޝަލް ޑެމޮކްެރަޓިކް ޕާޓީ އިލެކްޝަންގެ ދަފްތަރުގައި ހިމަނައި ރެޖިސްޓްރީ ކުރިކަމުގެ ސެޓްފިކެޓް އެޕާޓީ އާއި ހަވާލުކޮށްފައެވެ.
Maldives Labor and Social Democratic Party, Election Commissionuge dhaftharugai himanai registary vi kamuge certificate havaalu koffi pic.twitter.com/zAZnhVPWzC
— Elections Commission (@ElectionsMv) January 21, 2019
ލޭބަރ ޕާޓީ އުފެއްދުމުގެ ޖަލްސާ ބޭއްވުމުގެ ހުއްދަ ދީފައިވަނީ މިދިޔަ އަހަރު ޑިސެންބަރު މަހުގެ 19 ވަނަ ދުވަހުއެވެ.
ލޭބަރ ރަޖިސްޓްރީ ކުރުމުގެ ކުރިން ބާއްވަން ޖެހޭ އާއްމު ޖަލްސާ އެ ޕާޓީން ވަނީ މިމަހު 11 ވަނަ ދުވަހުގެ ރޭ ބާއްވާފައެވެ. މި ޖަލްސާގައި ޕާޓީގެ 317 މެންބަރުން ބައިވެރިވެފައިވާއިރު، މެންބަރުންގެ ވޯޓުން ބައެއް ކަންކަން ވަނީ ފާސްކޮށްފައެވެ. އެގޮތުން ޕާޓީގެ ނަމާއި، ކުލަ އަދި ލޯގޯ އާއި ދިދަ ފާސްކޮށްފައިވާއިރު، އެ ޕާޓީގެ ވަގުތީ ލީޑަރޝިޕް ކޮމިޓީއަށް 15 މެންބަރަކުވެސް ވަނީ އިންތިޚާބުކޮށްފައެވެ.
މި ޖަލްސާގައި މޯލްޑިވްސް ލޭބަރ އެންޑް ސޯޝަލް ޑިމޮކްރެޓިކް ޕާޓީގެ ވަގުތީ ލީޑަރޝިޕްގައި ހިމެނިވަޑައިގަންނަވާ އަބްދުﷲ ހަސީން ވިދާޅުވީ ރާއްޖޭގައި ޒަމާނުއްސުރު ތަފާތު ސިޔާސީ ފިކުރުތައް އޮތްއިރު، ދިވެހި ރައްޔިތުން ދިރިއުޅެމުން އައީ ބޮޑުން ނުވަތަ މުއްސަނދީންގެ އަޅުންގެ ގޮތުގައި ކަމަށާއި ލޭބަރ ޕާޓީ އުފެއްދީ އެފަދަ މައްސަލަތައް ފެނި ގައުމުގެ މަސައްކަތްތެރީންގެ ހައްގުތައް ހޯދައިދިނުމަށް ކަމަށެވެ.
ޕީއެންސީ ރަޖިސްޓްރީ ނުކޮށް ހިފަހައްޓާ ކޮންމެ ދުވަހަކަށް ކިހާވަރެއް ރިސްވަތުގެ ގޮތުގައި ނުވަތަ ނަހަމަ ގޮތުގައި ޝަރީފްއަށް ލިބޭތޯ އަހާލަން ބޭނުން