މިދިޔަ އަހަރު އެކަނިވެސް އިނގިރޭސިވިލާތުގެ އެއް ލައްކައަށްވުރެ ގިނަ ރައްޔިތުން ދިވެހިރާއްޖެއަށް ދަތުރުކުރިކަމަށާއި، ފަތުރުވެރިންނަށް ދިމާވާ ކަންކަމުގައި ފޯރުކޮށްދޭ އެހީތެރިކަމަށް، އެމްއެންޑީއެފް ކޯސްޓު ގާޑަށާއި މޯލްޑިވްސް ޕޮލިސް ސަރވިސް އަށް ޝުކުރު އަދާކުރައްވާކަމަށް، އިނގިރޭސިވިލާތުން ރާއްޖެއަށް ކަނޑައަޅުއްވާފައި ހުންނަވާ ސަފީރު، ޖޭމްސް ޑޯރިސް ވިދާޅުވެއްޖެއެވެ.
ސަފީރު ޑޯރިސް މިހެން ވިދާޅުވީ، މިއަދު ކުރެއްވި ޓްވީޓެއްގައެވެ.
More than 100,000 British tourists visited #Maldives last year. I had the pleasure of thanking Tourism Minister Waheed for the unfailing support and assistance we get from the MNDF Coast Guard and from the Police Service when people on holiday get into trouble. @TourismMv https://t.co/xjllxHRsXu
— James Dauris (@JamesDauris) January 22, 2019
ސަފީރުގެ ޓްވީޓުގައި ވިދާޅުވީ ޗުއްޓީ ހޭދަކޮށްލުމަށް ރާއްޖެ އައިސް އުޅޭ ފަތުރުވެރިންނަށް ދިމާވާ ކަންކަމުގައި ކޯސްޓު ގާޑާއި ފުލުހުންގެ ފަރާތުން ކެނޑިނޭޅި ލިބޭ އެހީތެރިކަމަށާއި އެއްބާރުލުމަށް ޝުކުރު އަދާކުރައްވާކަމުގައެވެ. ސަފީރު މިހެން ވިދާޅުވީ، މިނިސްޓަރ އޮފް ޓޫރިޒަމް އަލީ ވަހީދާ މިއަދު ބައްދަލު ކުރައްވާއެވެ.
ސަފީރު މިހެން ވިދާޅުވިއިރު ރާއްޖެ އައިސް ޗުއްޓީ ހޭދަކޮށްލަމުން ދިޔަ ބައެއް ފަތުރުވެރިންނަށް ވަނީ ހިތާމަވެރި ޙާދިސާތައް ކުރިމަތިވެފައެވެ. އެގޮތުން ގެނބުމުގެ އެތައް ހާދިސާތަކެއްވެސް ކުރިމަތިވެފައިވާއިރު، ރިސޯޓުތަކުގައި މަރުވެފައި ތިބި ބައެއް ފަތުރުވެރިންވެސް، ފަހަކަށް އައިސް ފެނިފައިވެއެވެ.
މިދިޔައަހަރު އެކަނިވެސް އެތައްސަތޭކަ ކުޑަކުދިންނެއްގެ ގަޔަށް ބަޑިޖަހާ ބޮން އަޅާ މަރާހެދި ކަލޭމެން 1948 ގަ ވުޖޫދުކުރި އިޒްރޭލުން ލަދު ޙާޔާތް ކޮބާ !
ތިބުނާ 100000 ފަތުރުވެރިން އައީ އަލީވަހީދުގެ މިނިސްޓަރުކަމުގަތޯ؟ ޝުކުރު ހައްގުވާ ބަޔަކަށް ޝުކުރުގެ ބަސް ބުނަން ބޭނުން ނުވަނީތޯ؟