އެއްވެސް ސިޔާސީ ޕާޓީއެއްގެ ހުއްދަ ނެތި އެޕާޓީއެއްގެ ކުލަ، އެއްވެސް ފަރާތަކުން ބޭނުންކުރުމަކީ ގާނޫނީ ކުށެއް ކަމަށް އިލެކްޝަންސް ކޮމިޝަން ގެ ރައީސް އަހުމަދު ޝަރީފު ވިދާޅުވެއްޖެއެވެ.
އިލެކްޝަންސް ކޮމިޝަންގެ ރައީސް އަހުމަދު ޝަރީފު މިހެން ވިދާޅުވީ ރައްޔިތުންގެ މަޖިލީހުގެ އައްޑޫ ފޭދޫ ދާއިރާގެ ކުރީގެ މެންބަރު އަދި އެމްޑީޕީގެ ކުރީގެ ނައިބު ރައީސް، އަލްހާން ފަހުމީގެ ކެމްޕޭނުގައި އެމްޑީޕީ އަށް ނިސްބަތްވާ ރީނދޫ ކުލަ ބޭނުން ކުރަން ފަށައިފައިވަނިކޮށެވެ.
ޝަރީފު މިއަދު ކުރެއްވި ޓުވީޓެއްގައި ވިދާޅުވީ ސިޔާސީ ޕާޓީއަކުން ސިޔާސީ ހަރަކާތުގައި ރަސްމީކޮށް ބޭނުންކުރާ ކުލަ، އެހެން ސިޔާސީ ޕާޓީތަކުންނާއި އަމިއްލަ ފަރާތްތަކުން އެޕާޓީއެއްގެ ހުއްދަ ނެތި ބޭނުންކުރުމަކީ ގާނޫނީ ކުށެއް ކަމަށެވެ. އެކަމަށް ހުރިހާ ފަރާތްތަކުން ސަމާލުވުމަށް ޝަރީފް ވަނީ އިލްތިމާސްކުރައްވާފައި ވެއެވެ.
Siyaasee party akun siyaasee harakaithakuga rasmeekoh beynun kuraa kula ehen siyaasee party thakunaai ammila faraithakun e party ge huhdha nethi beynun kurumakee gaanoonee kusheh, mikamah samaaluve lahvaa
— Ahmed Shareef (@ShareefRangondi) February 10, 2019
ވެރިކަން ކުރާ ކޯލިޝަންގައި ހިމެނޭ ޕާޓީތަކުގެ އެހެން ކުލަތަކުގައިވެސް އަލްހާންގެ ކެމްޕޭން ޕޯސްޓަރުތައް ފެންނަމުންދާއިރު، ރީނދޫ ޕޯސްޓަރާއެކު އަލްހާން ކުރައްވާފައިވާ ޓްވީޓުގައި ވިދާޅުވީ ކުލައަކީ އެއްވެސް މައްސަލައެއް ނޫންކަމުގައެވެ. ހަލްހާން ގެންދަވަނީ މީސް މީޑިޔާގެ އެކި ވަސީލަތްތައް ބޭނުން ކުރައްވައިގެން ފުޅާ ދާއިރާއެއްގައި ކެމްޕޭން ކުރައްވަމުންނެވެ.
"ކުލައަކީ މައްސަލައެއް ނޫން!! އަހަރެން ހުންނާނީ މީހުންނަށްޓަކައި. އަހަރެންނަށް ވޯޓު ދީ. ހުރިހާ ކުލައެއްގެ ރައްޔިތުން، ހަމަހަމަކަމާއެކު ތަމްސީލު ކޮށްދޭނަން." "ޖަޒީރާ ރާއްޖެ" ތީމް އަށް ހަދާފައިވާ އަލްހާންގެ ރީނދޫ ޕޯސްޓަރާއެކު ވިދާޅުވެފައިވެއެވެ.
Color is not a PROBLEM!
I stand for the people. Vote me. Representation of people of all political colors will be equally represent.
#Alhan2019 pic.twitter.com/yFBNKe6dMp— Alhan Fahmy (@AlhanFahmy) February 8, 2019
އަލްހާނަކީ ގިނަ ސިޔާސީ ޕާޓީތަކެއްގައި މަސައްކަތް ކުރައްވާފައިވާ ފަރާތެއްކަން، އޭނާއަށް ދަނީ ކޮންމެވެސް ވަރެއްގެ ފާޑުކިޔުންތަކެއް އަމާޒުވަމުންނެވެ.
2009 ވަނަ އަހަރު އަލްހާން މަޖިލީހަށް އިންތިޚާބުވީ ދިވެހި ރައްޔިތުންގެ ޕާޓީ (ޑީއާރްޕީ) ގެ ޓިކެޓުގައެވެ. އެހެންނަމަވެސް، ދިމާވި މައްސަލައެއްގެ ސަބަބުން އޭނާވަނީ އެޕާޓީ ދޫކޮށް ފަހުން އެމްޑީޕީއާ ގުޅިވަޑައިގެންފައެވެ.
އަޅުގަނޑު މިހައްދާ ދަނޑުގައި ވެސް ބައެއްގަސްގަހުގައި އެބަނުކުމޭ ރީންދޫކުލައިގެމާ އަދި ބައެއްވައްތަރުގެ މޭވާ ފީވެހަލަކުވެގެންދާއިރުވެސް ރީންދޫކުލައަށް ބަދަލުވޭ އަޅުގަނޑު ވަރަށް އަދަބުވެރިކަމާއެކު ޝަރީފުގެ ކިބައިން އެދެން އަޅުގަނޑަކީ އެމްޑީޕީ މީހަކަށްނުވާތީވެ އެގަސްގަހުގައި ނުކުންނަމަތަކުގެ ކުލަ ބަދަލުކޮށްދިނުމަށް އެއަކީ އަޅުގަނޑުގެ ބަރެއްއޮތްކަމެއްނޫން ނަމަވެސް ޝަރީފުގެ ތި އިންޒާރަށްބަލާއިރު އަޅޫގަނޑު ކުއްވެރިވެދާނެކަމެއްކަމަށްފެނޭ
ސިޔާސީނޫން ކުލައެއް މިހާރު ކުލަފޮށްޓަކުންވެސް ނުފެނޭ.. އަލްހާނު ބޭނުންކުރަން އެންމެ ރަނގަޅުވާނީ މަޑު ކަށިމަތި ކުލައެއް.. އެހެންނޫނީ ނެތް ސަލާމަތެއް..
އެއްވެސް މައްސަލައެއް ދިމާވެގެނެއް ނޫން އެމްޑީޕީ އަށް ދިޔައީ. ތި ސޮރާ އެ އުޅޭ ކަރާ ވަހީދާ ދެ މީހުން ފައިސާ ދީފަ ގަތީ.
ޝަރީފޫ ، ކަލޭ ތި ވަރުން ދަންޏާ އަހަރެމެން ވަކި ކުލައެއްގެ އެއްޗެހި ކައި ބޮއެ ހަދަން ވެސް މަޖުބޫރު ކުރާނެ
ޤާނޫނީ ކުށެއް މީހަކު ކޮށްފިނަމަ އެކަމަކަށް ކަނޑައެޅިފަ އޮންނަ ފިޔަވަޅެއް ޖެހޭނީ އަޅަން. ޓްވިޓް ކޮށްލާފަ އެކަން އަންގާކަށް ނޫން ޤާނޫނުގަ އޮންނަނީ. ކޮންމެ މީހަކު ކުރިއަސް ކުށެއް ވާނީ ކުށަކަށް.
ޕާޓީ ތަކުގެ ހުއްދަ ނެތި ފިހާރަތަކުން ކުލަ ނުވިއްކޭގޮތަށް ޝަރީފު ހަދާދީބަލަ.
ކުލަޔަކީ އެއްވެސް މީހެއްގެ އެއްވެސް ބަިގަނޑެއްގެ މިލްކެއްނޫން ކުލަޔަކީ ތިޔަ ބަިގަނޑޫ ވުޖޫދަށް އައުމުގެ ކުރިން ވުޖޫދުވެފައިވާ އެއްޗެއް އަލްހާނަކީ ސިޔާސީ ރަނޑިއެއް އެހެން ވީމާ އަލްހާނު ކޮށްފަ ނުކުރާނެކަމެއް އެކަކަށްވެސް ނޭނގޭނެ އަލްހާނުގެ ސިޔާ ސީ ހަޔާތުގެ މައްޗަށް ބަލާޅުމުން މިކަން ވަަށް ރަނގަޅަށް ހާމަވެގެންދާނެ
އީސީ ޝަރީފޫ ގަމާރުވިޔަކަސް ފުކެއް ބޮޑުވަރު ތީ ، ކުލަތަކަކީ ކޮންމެމީހަކަށްވެސް ބޭނުން ކުރެވޭނެ އެއްޗެއް އެކަމަކު އެވެސް ޕާޓީއެއްގެ ލޯގޯ ނުވަތަ ދިދަ ބޭނުން ކުރެވޭނީ ހުއްދަނަގައިގެން
ޕާޓީ ތައް ވުޖޫދަށް އައިއިރުވެސް ކުލަތަށް ވަނީ އައިސްފައެވެ. އެހެންވީމާ ކުލަފޮށްޓާއި ކުލަޓައްޕުގެ މައްޗަށް ޝަރީފަށް ނުފޫޒު ހިންގޭނެ ގާނޫނު ހަދަން ހުށަހަޅުއްވާ . ޝަރީފު ކޮއްފައި ނުކުރާނެކަމެއް ނޯންނާނެކަން ނިމިގެންދިޔަ ރިއާސީ އިންތިޚާބުންވެސް ވަނީ ސާބިތުކޮއްދީފަ
އެމްޑީޕީގެ ކުލަ ބޭނުންކުރާތީ އެމްޑީޕީއިން ޝަކުވާކޮށްގެން ދިން އިންޒާރެއް ކަމަށްވާނަމަ އެއީ ވަރަށް އަޖައިބު ކަމެއް. އެެހެނީ ނިމިގެން ދިޔަ ރިޔާސީ އިންތިޚާބުގެ ތެރޭގައި، އިބޫގެ ޕޯސްޓަރުތަކާ ބެނާ ތައް ހުރިހާ ޕާޓީތަކެއްގެ ކުލައިން ހުރި.
އަލްހާން ވެސް ތި ދާހިިިިިިތްވާ ޕާޓީ އަކަށް ދޭބަލަ!