ކަނޑުހުޅުދުއަށް ދަތުރުކުރަމުން އަންނަ އެ އަތޮޅު ފެރީގައި އެރަށަށް އެތެރެކުރަން އުޅުނު ގިނަ ޢަދަދެއްގެ މަސްތުވާތަކެތި އަތުލައިގެންފިއެވެ.
ފުލުހުން ހިންގި އޮޕަރޭޝަނެއްގައި މިތަކެތި ފެނިފައި ވަނީ އެ ފެރީ ކަނޑުހުޅުދުއަށް ގާތްކުރި ވަގުތު ފުލުހުން ފެރީއަށް އަރައި، ބަލައިފާސްކުރިއިރު އޭގައި ހުރި ވެރިޔަކު ނުވާ ކަރުދާސް ފޮށިގަނޑެއްގެ ތެރެއިން ކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ އެ އޮޕަރޭޝަނަކީ، ގއ. އަތޮޅު ފެރީގައި ކަނޑުހުޅުދުއަށް މަސްތުވާތަކެތި އެތެރެކުރަން އުޅޭކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން، އެރަށު ޑެސްކުގައި މަސައްކަތްކުރާ ފުލުހުންނާއި އިންޓެލިޖެންސް ގުޅިގެން މާރިޗު 25 ވަނަ ދުވަހުގެ 18:40 ހާއިރު ހިންގ އޮޕަރޭޝަނެއް ކަމަށެވެ.
ނަމަވެސް މި އޮޕަރޭޝަނުުގައި މިހާތަނަށް މީހަކު ހައްޔަރުކޮށްފައި ނުވާކަމަށް ފުލުހުން ވިދާޅުވެއެވެ. ގއ. ގެމަނަފުށި ޕޮލިސް ސްޓޭޝަނުން މިހާރު ދަނީ މި މައްސަަލަ ތަހުޤީޤު ކުރަމުންނެވެ.
ކުޑަކޮށް މަޑުކޮއްލިނަމަ ފޮށިގަނޑު ބަލާ އަންނަ ސޮރެއް އަންނަންދެން. ފުލުހުންގެ އައިޑިއާ ކަޑަ
ތިޔައީ އަމިއްލަޔަށް އިންޑިއާއިން ރާއްޖެ އައިސްގެންއުޅޭ މަސްތުވާ ތަކެތި ކަމަށްބެލެވޭ
ތީ ދޮގެއް.. ތީގެ ވެރިއަކު އެބަހުރި އެއީ އަންނި
ފުލުހުން އަވަހައް ކުރިންވެސް ހަދާހެން އާންމު އުސޫލުން ތިއެއްޗެހިތައް ތީގެ ވެރިފަރާތައް ބަހާލާ.
އެމްޕީ ސައުދުގެ ވިޔަފާރި