މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އިން ހިންގަމުން އަންނަ ވެލާނާ އިންޓަނޭޝަނަލް އެއާޕޯޓްގެ އާ ވެބްސައިޓާއި، މުޅިން އަލަށް ލޯންޗް ކުރި މޯބައިލް އެޕްލިކޭޝަން ދައްކާލައިފިއެެވެ.
މިއަދު ހެނދުނު ވެލާނާ އެއާޕޯޓްގައި ބޭއްވި ރަސްމިއްޔާތެއްގައި އެއާޕޯޓްގެ އާ ވެބްސައިޓާއި، މޯބައިލް އެޕް ލޯންޗްކޮށްދެއްވީ އެމްއޭސީއެލްގެ އެކްޓިންގ މެނޭޖިންގ ޑިރެކްޓަރ ޖޫސާ ސޯލިހުއެވެ.
އެމްއޭސީއެލް އިން ބުނީ، އަލަށް ލޯންޗް ކުރެވުނު ވެލާނާ އެއާޕޯޓްގެ ވެބްސައިޓަކީ ވަރަށް ފަސޭހަ ޑިޒައިނަކަށް ތައްޔާރުކޮށްފައިވާ ވެބްސައިޓެއް ކަމަށެވެ. އެ ވެބްސައިޓަކީ ބަލާލަން ވަރަށް ފަސޭހަކޮށް، ނެވިގޭޝަނަށްވެސް ފަސޭހަ ވެބްސައިޓެއްކަމަށް އެމްއޭސީއެލް އިން މައުލޫމާތު ދެއެވެ.
މި ވެބްސައިޓުގައި ތިން ކޮންޕޮނެންޓެއް ހިމެނެއެވެ. އެއީ ފަސެންޖަރުންނަށް ހާއްސަ ކޮމްޕޮނެންޓަކާއި، ކޯޕަރޭޓް ކޮމްޕޮނެންޓް އާއި ޑެވެލޮމެންޓް ކޮމްޕޮނެންޓެވެ. މި ވެބްސައިޓުގައި ހިމެނޭ ފަސެންޖަރުންގެ ކޮމްޕޮނެންޓުގައި، އެ ފަރާތްތަކުން ބޭނުންވާ މުހިންމު މައުލޫމާތުތައް ލިބޭނެއެވެ. އޭގެ ތެރޭގައި ފްލައިޓް ޝެޑިއުލް، އެއާޕޯޓް ފެސިލިޓީސް، އެއާޕޯޓް މެޕް ފަދަ މައުލޫމާތުތައް ލިބެން ހުންނާނެއެވެ. ކޯޕަރޭޓް ކޮމްޕޮނެންޓަށް ބަލާއިރު، އެމްއޭސީއެލްގެ ޕްރޮފައިލް، ވަޒީފާގެ ފުރުސަތުތައް، ޓެންޑާ އަދި މީޑިއާ ގެލަރީ ފަދަ އެއްޗެހި ހިމެނެއެވެ. ޑެވެލޮމެންޓް ކޮމްޕޮނެންޓްގައި ހިމެނެނީ ވެލާނާ އެއާޕޯޓްގެ ތަރައްގީގެ މަޝްރޫއުތަކާއި ގުޅޭ މައުލޫމާތެެވެ.
In special ceremony @MACLmedia launched it's new website https://t.co/BIO7bwp3la also
launched the very first mobile application for @VelanaAirport. Its just now a touch away.
App Store: https://t.co/poMjlRLenG
Play Store: https://t.co/bkJXAepueX https://t.co/2dj5w1VtD3 pic.twitter.com/tI6kNVQiSV— Maldives Airports Company Ltd - MACL (@MACLmedia) April 11, 2019
މީގެ އިތުރުން ވެލާނާ އެއާޕޯޓަށް އަރާ މީހުން އެ އެއާޕޯޓްގެ ހޭޝްޓޭގް ބޭނުންކޮށްގެން އިންސްޓަގްރާމް ކުރާ ފޮޓޯތައްވެސް މި ވެބްސައިޓު މެދުވެރިކޮށް މުޅި ދުނިޔެއަށް ފެނިގެން ދާނެކަމަށް އެމްއޭސީއެލްއިން ބުންޏެވެ. މިއީ ފޯންތަކުން ބަލާލަން ފަސޭހަ ވެބްސައިޓެއްކަމަށް އެމްއޭސީއެލް އިން ބުންޏެވެ.
ވެލާނާ އެއާޕޯޓްގެ އާ މޯބައިލް އެޕްއަަށް ބަލާއިރު، މިއީ ވެލާނާ އެއާޕޯޓަށް ހާއްސަ ކުރެވިގެން ނެރޭ ފުރަތަމަ މޯބައިލް އެޕްލިކޭޝަންއެވެ. މިއީ ފަސެންޖަރުންނަށް އެ ބޭފުުޅުންގެ ފޯންގެ ޒަރިއްޔާއިން އެ އެއާޕޯޓުން ދޭ ހިދުމަތްތައް އެނގެން ހުންނަ މޯބައިލް އެޕްއެކެވެ. މި އެޕް މެދުވެރިކޮށް ފްލައިޓް ޝެޑިއުލް، ފްލައިޓް ޓްރެކިންގ، އެލާޓް، ނޮޓިފިކޭޝަން ފަދަ ފަސޭހަ ހިދުމަތްތައް ލިބެން ހުންނާނެ ކަމަށް އެމްއޭސީއެލް އިން ބުންޏެވެ.
މި ދެ ޕްރޮޑަކްޓަކީވެސް އެމްއޭސީއެލްގެ އުފެއްދުމެއް ކަން ފާހަގަކޮށްލަން ޖެހެއެވެ.
މާދަމާ އަކީ ވެލާނާ އިންޓަނޭޝަނަލް އެއާޕޯޓަށް 53 އަހަރު ފުރޭ ދުވަހެވެ.