މޯލްޑިވިއަންގެ ފްލައިޓަކަށް ޓެކްނިކަލް މައްސަލައެއް ދިމާވެގެން ގިނަ އަދަދެއްގެ މީހުންނަށް ނުފުރި އިންޑިއާގެ ތުރިވަނަންތަޕޫރަމް އެއާޕޯޓުގައި ތާށިވެއްޖެއެވެ.
މިކަމއި ގުޅިގެން "ވަގުތު" އަށް މަޢުލޫމާތު ދިން ފަރާތަކުން ބުނީ، އިއްޔެ ފުރަނަ ހަމަޖެހުނު މޯލްޑިވިއަންގެ ބޮޑު ފްލައިޓަށް މައްސަލައެއް ދިމާވެގެން އެ ފްލައިޓު ޑިލޭވެ މިއަދު ހެނދުނު 9:30 ހާއިރު ފުރަން ހަމަޖެހިފައި އޮތްނަމަވެސް ފުރޭގޮތް ނުވެފައިވާ ކަމަށެވެ. އޭނާ ބުނެފައި ވަނީ މިއަދު ފުރަން ދިޔައިރު އޮތީ މޯލްޑިވިއަންގެ ކުޑަ ފްލައިޓެއް ކަމަށާއި، އެ ފްލައިޓުގެ ޖާގަ ފުލްވެފައިވާ ކަން އަންގާފައިވާ ކަމަށެވެ.
މައުލޫމާތު ލިބިފައިވާގޮތުގައި ހެނދުނު ފުރަން ހަމަޖެހުނު ގިނަ އަދަދެއްގެ ބަޔަކަށް ފުރޭނެ ގޮތް ހަމަނުޖެއްސި މިހާރު މޯލްޑިވިއަން އިން ދަނީ މިރޭ ފުރާ ފްލައިޓަކަށް މީހުންގެ ނަން ނޯޓުކުރަމުންނެވެ. އިއްޔެ ފުރަން ހަމަޖެހުނު ގިނަ އަދަދެއްގެ ބަޔަކު ނުފުރި މިހައިގިނަ ވަގުތު އެއާޕޯޓުގައި ހޭދަކުރާން ޖެހުމުން، އެފަރާތްތަކުން ދަނީ ނުރުހުން ފާޅުކުރަމުންނެވެ.
މިކަމާއި ގުޅިގެން މޯލްޑިވިއަންގެ ރަސްމީ ޓްވީޓާ އެކައުންޓުން މިއަދު ކޮށްފައިވާ ޓްވީޓެއްގައި ބުނެފައިވަނީ، އެ އެއާލައުނުގެ ފްލައިޓަކަށް ދިމާވި ޓެކްނިކަލް މައްސަލައަކާއި ގުޅިގެން ޓްރެވެންޑަމުން ބޭއްވުމަށް ހަމަޖެހުނު ދަތުރަށް ޑިލޭއެއް އައިސްފައިވާކަމަށެވެ. މިކަމާއި ގުޅިގެން ދަތުރުކުރުމަށް ހަމަޖެހިފައިވާ ފަސެންޖަރުންނަށް އެކޮމޮޑޭޝަނާއި ކެއުން އަދި ދަތުރފަތުރު ހަމަޖެއްސުމުގެ މަސައްކަތް މިހާރު ކުރަމުންދާ ކަމަށްވެސް އެ އެއާލައިނުން ވަނީ ބުނެފައެވެ.
Due to a technical problem of our aircraft, there are delays to our departures from Trivandrum. We are working on providing accommodation, food & alternate travel options for the passengers. We apologize to our customers for the delay and inconvenience caused.
— MaldivianAero (@MaldivianAero) May 2, 2019
މޯލްޑިވިއަން އިން ވަނީ އެ އެއާލައިނުގެ ފްލައިޓެއް ޑިލޭވެ، އިންޑިއާއިން ރާއްޖެއަށް އައުމަށް ހަމަޖެހުނު ގިނަ ބަޔަކު ތުރިވަނަންތަޕޫރަމް އެއާޕޯޓުގައި ތާށިވުމާއި ގުޅިގެން މަޢާފަށް އެދިފައެވެ.
މަށައް ހި ވަނީ މިހާރު މާ ގޯސް ހެން ކުރިއައްވުރެވެސް
މިހާވަރުން ޔޫރަޕަކަށް ނޫން އުދުހެވޭނީ...
ޖެނީ އާއި ރިޒްވީގެ ކޯލުމުގެ ނަތީޖާ!
އަދިވެސް މޮޅެތި ކަންތައް ކުރެވޭތޯބަލާ! ތިޔަމީހުނަށް ސަރުކާރު ހިންގާކަށް ނޭގޭނެ
ބަރާބަރު 9 ގަޑި އިރު މަ އިނިން އެއާޕޯޓް ގަ