ރޯދަ މަހާއި ދިމާކޮށް ބާޒާރުގައި ތަކެތީގެ އަގުތައް އިންތިހާއަށް ބޮޑުވެފައިވާތީ، ހަމަ އަގުގައި އެތަކެތި ވިއްކެވުމަށް ޝެއިޚް އަލީ ޒައިދު ނަސޭހަތްތެރިވެ ވަޑައިގެންފިއެވެ.
ޒައިދު މިފަދައިން ވިދާޅުވެފައިވަނީ، ކުރައްވާފައިވާ އެފްބީ ޕޯސްޓެއްގައެވެ.
“ވިޔަފާރި ވެރިންނޭ ހެޔޮނުވާނެ. ވަގުތުގެ ނާޖައިޒް ފައިދާ ނުނަންގަވާ. ރައްޔިތުންނަށް ރަޙުމު ކުރައްވާ. 1200 ރުފިޔާ އަށް މިރުސް ކިލޯއެއް ގަންނާނީ ކިހިނެއްތޯ؟“ ޒައިދު ވިދާޅުވެފައިވެއެވެ.
އިތުރަށް ޒައިދު ވިދާޅުވީ، ހަމައަށް ވުރެ ބޮޑުކޮށް ތަކެތި ވިއްކާނަމަ، ބަދު ދުޢާ ޖެހިދާނެ ކަމަށާއި، އަމިއްލަ ފައިދާއަށް ވިސްނައިގެން އެހެން މީހުންނަށް ދަތިކުރުން ހެޔޮ ނުވާނެ ކަމަށެވެ.
މިއީ ހަފްތާއެއްގެ ތެރޭގައި ކަނޑޫދޫ މިރުހުގެ އަގު ބޮޑުކުރި ތިން ވަނަ ފަހަރެވެ. މީގެ ހަޕްތާއެއް ކުދިން ކަނޑޫދޫ މިރުސް ކިލޯއެއް ލިބެން ހުރީ 800 ރުފިޔާ އަށެވެ. އޭގެ ތިން ދުވަސް ފަހުން، މިއަދު 1000 ރުފިޔާއަށް ބޮޑު ކުރިއެެވެ. އަދި މިހާރު މާރުކޭޓުގެ ހުރިހާ ގޯޅިތަކުންވެސް ކަނޑޫދޫ މިރުސް ލިބެން ހުރީ ކިލޯއެއް 1200 ރުފިޔާ އަށެވެ.
މާރުކޭޓުގައި ގޮޅިތައް ހިންގަމުން އަންނަ ގިނަ މީހުން ބުނާގޮތުން، ކުރިއަށް އޮތް ދުވަސްތަކުގައިވެސް މިއަގު އިތުރަށް އުފުލިގެން ދާނެއެވެ.
ޔާﷲ ދަހިވެތި ވިޔަފާރިވެރިންގެ މުދާތަށް ނެތިކުރައްވާނދޭވެ!
އާމީން.
އާމީން
އާމީން..
ޕެޑް ވެސް އަގު ހެޔޮކުރޭ. ތި މިރުސް އަގުބޮޑު ވިޔަސް އެހެން ކަހަލަ މިރުސް ލިބޭ. ޢެކަމް ޕެޑް ގެ ބަދަލުގައި؟؟
ސަރުކާރުން ވަކި އަގުތަކެއް ކަޑައަޅާންޖެހޭ. ސަރުކާރުގެ ބަލިކަށި ކަން މިފެންނަނީ.
އަހަރެން ހަމަ ގައިމުވެސް ބަދުދުއާ ކުރާނަން ތި ބައިގަނޑަށް. ސޮޓޮކް ނެތީމަ ކޮން އަގުބޮޑެއްކުރާކަށް. ހުސްވީމަ ހުސްވީ ނޫންތަ؟ ކޮންހާ އަގުބޮޑެއްކުރާކަށް. މުސީބާތެއްނުމީދެން.
ރޯނުފިލައި ތިބޭ މީހުން ވެރިކަމަށް އިސްކުރީމާ ހުރިހާކަމެއް ދާނީ ގޯހުން ގޯހަށް! ދިވެހިރާއްޖޭގެ އިޤްތިޞާދު ދަނީ ދަށަށް! ޞިނާޢަތްތައް ދަނީ ބަލިކަށިވަމުން! މިކަން މިއަދު ދިވެހި ރައްޔިތުން ތަޙައްމަލްކުރާނެ!
ހުރިހާ މީހުން ވެގެން ކަނޑޫދޫ މިރުސް ބޮއިކޮޓް ކުރަންވީ. މަށެއް ނުގަންނާނަން ތި މިރުހެއް. މި ރޯދަ މަހު ތޮޅި މިރުސް ކާނީ
ހިޙީ. ހުދުހުދު ހާދަ ލޯތްބޭ..
ކަނޑޫދޫ މިރުސް ނުކައި ރޯދަ ހިފޭތޯ ބަލަންވީ ނޫންތޯ؟
ހަޤީޤަތުގައި އަހަރެމެންގެ ކެތްތެރިކަން ރޯދަމަހާ ދިމާކޮށް ކުޑަވާތީ، ތަކެތި އަގުބޮޑުވާ އެއް ސަބަބަކީ. ކަރާ އަގުބޮޑުވީމާ، އެނޫން އެއްޗެހީގައިވެސް ފަނި ގިރާލެވިދާނެ. ބޮޑު އަގުގައި ގަންނަ ބަޔަކު އުޅޭތީ، ޚަރަދާ ނުބައްދަލު އަގުތަކުގައި އެއްޗެހި ވިއްކަނީ. އެޔާ ނުލާ ކެތްކޮށްލަނިކޮށް އިސާހިތަކު ތިރިވާން ފަށާނެ.
ވަރަށް ބަރާބަރު ވާހަކައެއް. އަގު އަރުވާލީމަ ގަތުން ހުއްޓާލަންވީ، އިތުރު އޮޕްޝަންތައް ބަލަންވީ. ކާބޯ ތަކެއްޗަކީ ކުރުމުއްދަތެއްގެ ތެރޭ ހަލާކުވެ އުކާލަންޖެހޭތަކެތި. އޭރުން ރަނގަޅު ފިލާވަޅެއް ތި އަގުއަރުވާ މީހުނަށް ދެވޭނެ.
ކޮންމެ ރޯދަމަހަކު، ވިޔަފާރިވެރިންގެ ކަމަކީ، ރައްޔިތުންގެ ބަދު ދުޢާ ލިބިގަތުން. މާލޭގައި އުޅޭ ގިނަ މީހުނަކީ، ގެއަށް ކުލި ދައްކާފައި ރަނގަޅަށް ބަނޑުފުރާނަ މުއްތި ނުކުރެވޭ މީހުން. އެމީހުންގެ ބަދު ދުޢާގެ ބާރު ގަދަވާނެ.
އަގުބޮޑުކުރީމާ ހުންނާނީ ގަންނާނެ މީހަކު ނުވެފަ، ދެން އެހެން ތިބެ ތިބެ މިރުސް ހަލާކުވާނީ، އެއްފަހަރާ މުއްސަނދިވާން އުޅެގެން މިހާ ފަޤީރުވާނީ، އެތައް ނިކަމެތި މުސްލިމުންގެ ބަދުދުޢާގެ ސަބަބުން އެއްކޮށް ބަނގުރޫޓްވެސް ވެދާނެ! ހެޔޮނުވާނެ ވަގުތީ ފައިދާއަށް އަގުބޮޑުނުކުރޭ! ފަހުން ލިބޭގެއްލުން މާބޮޑުވާނެ!! ޥިސްނާލާ