ސުޕްރީމް ކޯޓުގެ ފަނޑިޔާރު އަބްދުﷲ ދީދީގެ މައްސަލަ ޖުޑީޝަލް ސާވިސް ކޮމިޝަނުން އާއްމުންނަށް ހުޅުވާލައިގެން ކުރިއަށް ގެންދަން އޭނާ އެދިވަޑައިގެންފިއެވެ.
ޖުޑީޝަލް ސާވިސް ކޮމިޝަނުން ބަލަމުން ގެންދާ ފަނޑިޔާރު ދީދީގެ މައްސަލައިގެ ބައްދަލުވުންތައް އާއްމުންނަށް ހުޅުވާލައިގެން ކުރިއަށް ގެންދަން އޭނާ އެދިވަޑައިގެންނެވީ މިރޭ ޖުޑީޝަލް ސާވިސް ކޮމިޝަނަށް ހާޒިރު ކުރުމުންނެވެ.
ޖޭއެސްސީއަށް މިރޭ 23:30 ގައި ފަނޑިޔާރު ދީދީ ހާޒިރުވެ ވަޑައިގެންނެވިއެވެ. ގާތްގަނޑަކަށް ގަޑިއެއްހާއިރަށް ފަހު ޖޭއެސްސީ އިން ނިކުމެވަޑައިގެން ނޫސްވެރިންނަށް މައުލޫމާތު ދެއްވަމުން ފަނޑިޔާރު ދީދީގެ ވަކީލު އާދަމް އާސިފް ވިދާޅުވީ ފަނޑިޔާރު ދީދީ ބޭނުންފުޅު ވަނީ އޭނާގެ ނަޒާހާތްތެރިކަމާއި އަދި ތަހުގީގު ކުރިއަށްދާގޮތް ހުރިހާ ރައްޔިތުންނަށްވެސް ކަށަވަރު ކުރެވޭ ގޮތަށް އާންމުކޮށް ހުޅުވާލައިގެން ތަހުގީގު ކުރިއަށްގެންދަން ކަމަށެވެ.
މި ބައްދަލުވުމަށް ފަހު، ޖޭއެސްސީގެ ޑިރެކްޓަރު ހަސަން ޒަހީން މީޑިއާ އަށް މައުލޫމާތު ދެއްވަމުން ވިދާޅުވީ، ފަނޑިޔާރު ދީދީ ބޭނުންފުޅުވީ، އާންމުންނަށް ހުޅުވާލައިގެން ތަހުގީގު ކުރިއަށް ގެންދަން ކަމަށާއި އެކަމަކު އެކަން ކުރެވޭނީ ޖޭއެސްސީގެ ގާނޫނު ބުނާ ގޮތުން ކޮމިޝަނުން ނިންމައިގެން ކަމަށެވެ. އޭނާ ވިދާޅުވީ ކޮމިޝަނުގެ މެމްބަރުންގެ ރޫހަކީ ވެސް ފަނޑިޔާރު ދީދީ އެދިވަޑައިގެންނެވި ގޮތަށް އެމަނިފާނުގެ މައްސަލައިގެ ތަހުގީގު ކުރިއަށް ގެންދަން ކަމަށާއި ވަރަށް އަވަހަށް ޖޭއެސްސީން އެކަމުގައި ގޮތެއް ނިންމާނެ ކަމަށެވެ.
ފަނޑިޔާރު ދީދީގެ ވަކީލް އާސިފް ވިދާޅުވީ ޖޭއެސްސީގައި މައްސަލަ ބަލާ ކޮމެޓީއިން ވަނީ މާލެއިން ބޭރަށް ފަނޑިޔާރު ދީދީ ވަޑައިގަންނަވާނަމަ އެކަން އެންގެވެމަށް އެދިފަ އެވެ.
އާންމުން މިއުޅެނީ އަޑުއަހާނެ އެއްޗިހި މަދުވެގެންވިއްޔަ!
ދެން ނަސީދު ބޯނީ ކޯންޗެއް ؟ވިލާތު ސަރުަބަތުތަ؟ އިންޑިޔާ އިން ބުއި ފުޅިތަ؟އެނޫން އެއޗެއްތަ؟
ސޫލާސަރާބީ ބޯނީ.
މި ސަރުކާރު އޮތީ އެކި ދިމަދިމައިގައި ތަހުގީގު ކުރުންތައް. ފެންނަނީ މުޅިންވެސް ފީކުދާނު ކޮމިޓީތައް. ސަރުކާރު ބަލިކަށިވަމުންދަނީ. ހިފަހަށްޓަނީ އަނގައިން. ރައްޔިތުންނަށް ކަމެއްކޮށް ނުދެވި ރައްޔިތުން ރަތަށް އަރަނީ. ސަލާން ޖަަހައިގެން ހިންގާ ސަރުކާރު ވަރަށް އަވަހަށް އަގަވަތަށް ވެއްޓޭނެ.
ބަގުޑި. ބޭފުޅުންނަށް ރަނގަޅު އެއް ގޮތެއް ވެސް ނޯންނާނެ. ސިއްރު ކުރި ނަމަވެސް ގޯސް ފާޅުކޮށް ފެންނަން ކުރިޔަސް ގޯސް. އަންނި އަކަށް އެވަރު ވެސް ނުވި ޢަބްދުﷲ ޣާޒީ ރަހީނު ކޮށްފަ. ދެން މިދެނީ އިސްރާއީލް އަށް އެހީވެ ބާރުދޭ މީހުންނަށް ބޮޑެތި ޝަރަފު
މިހާރު އެނގޭނެ ޖޭއެސްސީގަ ތިބި މެމްބަރުންގެ ހުރި އިޚުލާސްތެރިކަމާއި ފަނޑިޔާރުގެ ހުރި ހިތްވަރުގަދަކަން. ނިކަން ހިތްވަރެއް ހުރިއްޔާ އާންމުންނަށް ހުޅުވާލައިގެން ތަހުގީގު ހިންގާލަބަލަ. ތަހުގީގު ސިއްރު ކޮށްފިއްޔާ އާންމުންގެ ކުރިމަތީ ޖޭއެސްސީގެ އަގު ވެއްޓުންނޫން ކަމެއްނުވާނެ. ކެޔޮ ކޭވަރު އެނގޭނީ ބިތުފަންގި ނެގީމައެވެ.
އިތުރަށް ވެއްޓޭކަށް އަގެއް ނެތް. ވެއްޓި ބިންމަތީގަ އޮތީ. އެތާ ގޮނޑިތަކަށް އަރާ އެތިބީ އަގެއް އޮތް ބައެއްތަ؟
ބާރުލިބުނީމަ ފަޓާސްބަރިއެއްހެން މައްސަލަބަލާތަން ފެނޭތޯ؟ ސުޕްރީމްކޯޓުގެ އަމުރަށް ގޮންޖަހާއިރު ކޮބައިތޯ ހެޔޮއެދޭ އިންޑިއާ؟ ޔޫރަޕް؟
ވަރަށް ސާފު.. އެދިވަޑައިގެން ގޮތައް އަމަލުކުރާކަށް ޖޭއެސްސީ ބޭނުމެއްނުވާނެކަން ޔަގީން. ސަބަބު ؟ ބަޔަކު އޮރިޔާންވެ ސޯޓުބޭލޭނެތީ..
އެއިން އިގެނީ އޭނަގެ ދެފުއްފެންނަ ވަރު. ނަޒާހަތްތެރިކަން. ހައްގުފާޅުވާނެ. ހިފަހައްޓާލައްވާ ދިދީ
ޖޭއެސްސީއަށް އަލަށް ގުޅުނީ ތިމާމެން ނުވެގެން އުޅޭކަމެއް ގަދަކަމުން ކުރަން ބޭނުންވާ ބައެއްކަން ވަރަށް ސާފު.
ކޮބާ ދީދީ ގެ ވަކީލުން ނަކީ އިންޑިޔާ ބައެއްތަ ނޫނީ ރާއްޖޭގެ ކޮންބޭފުޅުންނަކަށް ވަކާލާތު ކޮއްދެއްވާ ވަކީލުންނެއްތޯ؟
ގިނަ ރައްޔިތުން ގަބޫލުކުރާ ގޮތުގަ ފަނޑިޔާރުގެއިން އާންމު ރައްޔިތުންނަށް އިންސާފުލިބުން ދަތި ނަމަވެސް މަތީ ފަޑީގަ އުޅުއްވާ ބޭފުޅުންނަށް ކޮންމެވެސް ގޮތަކުން ހަލުވި އިސްޕީޑުގައި އިންސާފުލިބޭތަން ފެނޭ. އެހެންވެ އާންމުން ބޭނުންވާނީ ފަނޑިޔާރުގެ ސާފުކުރަން.
ދީދީ އާ ބުނާކަށް މިފަހަރު ބޮލާފޮށައި އަޅުވާފައި ނޫނީ ދޫނުކުރާތި!
ބަރާބަރު ،