އެ 250 ފްލެޓްގެ ތެރެއިން މިހާރު ދޫކުރެވި ބާކީހުރި 110 ހައުސިންގ ޔުނިޓް ޔުނިޓެވެ.

އެ ޔުނިޓްތައް ލިބޭ ފަރާތްތައް ކަނޑައެޅުމަށް ދިއްދޫ ކައުންސިލްގެ އިދާރާއިން 09 ޖޫން 2019 ގައި ކޮށްފައިވާ އިޢުލާނާއި ބާކީހުރި ހައުސިންގ ޔުނިޓްތަކުގެ ތެރެއިން 100 ހައުސިން ޔުނިޓް ދޫކުރުމަށް ހައުސިންގ މިނިސްޓްރީން 30 ޖުލައި 2018 ގައި ކޮށްފައިވާ އިޢުލާން ބާތިލް ކުރުމަށް އޭސީސީން ވަނީ އަންގާފައެވެ.

"ބާކީހުރި ހައުސިންގ ޔުނިޓްތައް ދޫކުރާނެ އުސޫލަކާއި ޕޮއިންޓް ދޭނެ އުސޫލެއް އަލުން ކަނޑައަޅައި އެ އުސޫލުތަކާ އެއްގޮތަށް، މިހާރު އެކަމަށް އެދޭ ހުރިހާ ފަރާތްތަކަށް އެކަމަށް އެދި ހުށަހެޅުމުގެ ފުރުޞަތު ލިބޭގޮތަށް، އަލުން އިޢުލާންކޮށްގެން އެކަން ކުރިޔަށް ގެންދިޔުމަށް ހއ.ދިއްދޫ ކައުންސިލްގެ އިދާރާއަށް 24 ޖޫން 2019ގައި މިކޮމިޝަނުން ވަނީ އަންގާފައެވެ". އެ ކޮމިޝަނުން ވިދާޅުވިއެވެ.

ދިއްދޫގެ ފްލެޓްތަކަށް 2015 ވަނަ އަހަރު ކުރިމަތިލީ މީހުންގެ ތެރޭގައި ޝަރުތު ހަމަވި 140 ފަރާތަކަށް ކުރީގެ ސަރުކާރުން ފްލެޓް ހަވާލުކޮށްފައި ވެއެވެ. އަދި މިދިޔަ އަހަރު ބާކީ ހުރި 110 ފްލެޓްއަށް ކުރިމަތިލާން ހުޅުވާލުމުން އެތައް ސަތޭކަ ބަޔަކު ކުރިމަތިލާފައިވަނިކޮށް އިއުލާނު ވަނީ ބާތިލްކޮށްފައެވެ.

އެރަށު ކައުންސިލުން އެމްޑީޕީ މީހުންނަށް ފްލެޓްތަށް ބަހާލީ އިއުލާނު ކުރެމެއް ނެތި 2015 ވަނަ އަހަރު އިއުލާނުކޮށްގެން ކުރިމަތިލީ މީހުންގެ ލިސްޓަށް ބަލައިގެންނެވެ.

އެމްޑީޕީގެ އަޣުލަބިއްޔަތު އޮތް ކައުންސިލުން ފްލެޓްތައް ބަހާލިއިރު ފްލެޓްތައް ލިބިފައިވާ މީހުންގެ ތެރެއިން 90 އިންސައްތަ މީހުންނަކީ އެމްޑީޕީ މެންބަރުންނެވެ.