ރޭ މާލޭގައި ހިނގި އެކްސިޑެންޓެއްގައި އަނިޔާވި އުމުރުން 17 އަހަރުގެ އަންހެން ކުއްޖާ ކޮނޑުމައްޗަށް ލައިގެން އޭޑީކޭ ހޮސްޕިޓަލަށް ގެންގޮސްދިން ސިފައިން މީހާއަށް ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް ތައުރީފް ކުރައްވައިފިއެވެ.
ޗީފް ޝަމާލް މިރޭ ކުރެއްވި ޓްވީޓެއްގައި ވިދާޅުވީ އަންހެން ކުއްޖާ ހޮސްޕިޓަލަށް ގެންދިނުމުގައި އެހީތެރިވީ ޕްރޮޒިޑެންޓަލް ގާޑްގައި މަސައްކަތް ކުރައްވާ ލާންސް ކޯޕްރަލް އަލީ ސަލީމް ކަމަށެވެ.
ކޯޕްރަލް އަލީ ސަލީމާއި މެދު ވަރަށް ބޮޑަށް ފަހުރުވެރިވެ ވަޑައިގަންނަވާ ކަމަށް ޗީފް ޝަމާލް ވިދާޅުވިއެވެ.
"ޒުވާން ސޯލްޖަރ ސިފައިންގެ ޔުނީފޯމްގެ އަގު ދެމެހެއްޓުމުގައި ކުރެއްވި މަސައްކަތައް އަޅުގަނޑު އިންތިހާއަށް ދަރަޖައަށް ފަހުރުވެރިވަން." ޗީފް ޝަމާލް ވިދާޅުވިއެވެ.
LCPL Ali Saleem Ibrahim of Presidential Guards showed exemplary conduct during an incident last night while he was off duty by assisting a young lady who was injured in an accident.
Extremely proud of this young soldier who has shown true embodiment of the “Uniform“ values. pic.twitter.com/vSTfGbHMoW
— LTG Abdulla Shamaal (@CDFofMNDF) August 9, 2019
ކޯޕްރަލް އަލީ ސަލީމް އެހީތެރިވީ މަޖީދީމަގުގެ ކަފިހިހުރަހަކުން މަގު ހުރަސް ކުރަން އުޅެނިކޮށް ސައިކަލަކުން ޖެހި އަނިޔާވި 17 އަހަރުގެ އަންހެން ކުއްޖާ އަށެވެ. އޭރު ކޯޕްރަލް އަލީ ސަލީމް ހުންނެވީ އޮފް ޑިއުޓީގައެވެ.
މަންޒަރުދުއް މީހުން ބުނާ ގޮތުގައި އަންހެން ކުއްޖާ އަށް އަނިޔާވެގެން މަގުމައްޗަށް ވެއްޓިފައި އޮތް މަންޒަރު ފެނުމާއި އެކު ފަސްޖެހުމެއް ނެތި ކޯޕްރަލް އަލީ ސަލީމް ވަނީ ވަރަށް އަވަހަށް އެކުއްޖާ ކޮނޑުމައްޗަށް ލައިގެން ހޮސްޕިޓަލަށް ގެންގޮސްދީފައެވެ.
މީގެ ކުރިން ވެސް ސިފައިންނާއި ފުލުހުން ވަނީ މިފަދަ ކުއްލި ހާލަތްތަކުގައި މީހުންނަށް އެހީވެ، ބައެއް މީހުން ހޮސްޕިޓަލަށް ގެންގޮސްދިނުމުގައި އެހީތެރިވެފައެވެ. އެފަދަ އޮފިސަރުންގެ އަގު ސިފައިންނާއި ފުލުހުން މީގެ ކުރިން ވަޒަންކޮށްފައިވެއެވެ.
ކަލޭމެން އަމިއްލަޔައް ފަޚުރުވެރި ވުމުގެ ޙައްގެއް ނޯންނާނެ ކައިރިން ފެނިއްޖެއްޔާ އެންމެ ފުރަތަމަ ކަލޭމެން އެކަން ކުރަންޖެހޭނީވެސް އެހެންވީ ފަޚުރުވެރި ވުމުގެ އެއްވެސް ޙައްގެއްނޯންނާނެ
މިހެން ކޮނޑުގަގެންދިއުމުން ފަހަރުގާ އަނިޔާބޮޑުވެދާނެ ސިފައިންނެއްކަމަކު ތަންކޮޅެއްހޭލުންތެރި ވާންވެއްޖެ
ތިވެސް ޖަހަންޖެހޭ ވާހަކައެއްތަ؟ އެއީ އެމީހުންގެ ވާޖިބު
ބޮޑުވަރު ދޯ...ރައްޔިތުންގެ ބައިތުލްމާލުން މުސާރަދީފަ ތިބެނީ ކޮންކަމަކު..
ޕޮލިހުންނާއި ސިފައިންގެެ އެކަނި ވާޖިބެއްނޫން މީހުންނަށް އެހީތެރިވެ އަޅާލުމަކީ. ތިގޮތަށް ވާހަކަދައްކާ މީހުން ފުރަތަމަ ހޭލުންތެރިވާންވީ