ރޭ ވަގުތެއްގައި މާލޭގައި ފިހާރައެއް ފަަޅާލާ ވައްކަން ކުރި އުޅުނު ހަތަރު މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ރޭ ދަންވަރު ހެންވޭރު ކަރަންކާ މަގުގައި ހުރި ފިހާރައެއްގެ ބިއްލޫރިގަނޑު ތަޅާލައިގެން ވައްކަން ކުރަން އުޅޭކަމުގެ މައުލޫމާތު ލިބިގެން އެ ސަރަހައްދަށް ދިޔަ އިރު ވައްކަމުގައި ބައިވެރިކަމަށް ތުހުމަތުކުރެވޭ ހަތަރު މީހަކު ދުވެފައި ދަނިކޮށް ފެނިފައިވާ ކަމަށެވެ.
އަދި ފުލުހުން އެ މީހުން ފަހަތުންގޮސް ހުއްޓުވައި، ބަލާ ފާސްކުރިއިރު، އެމީހުންގެ އަތުން ގާތްގަނޑަކަށް 750 ދިވެހި ރުފިޔާ، އެ ފިހާރާގައި ރާސްޓަސް އަޅަން ބޭނުންކުރި ނޮކިއާ ބްރޭންޑްގެ ފޯނެއްގެ އިތުރުން އެހެން ބައެއް ތަކެތި ފެނިފައިވާ ކަމަށް ފުލުހުން ވިދާޅުވިއެވެ.
މި މައްސަލައާއި ގުޅިގެން ހައްޔަރުކޮށްފައި ވަނީ، 23 އަހަރުގެ މީހަކާއި، 25 އަހަރުގެ މީހަކާއި، 26 އަހަރު އަދު 28 އަހަރުގެ މީހެކެވެ. މި ހުރިހާ އެންމެންނަކީވެސް ފިރިހެނުންނެވެ.
ފުލުހުން ވިދާޅުވީ، މި އެންމެން ހައްޔަރުކޮށް، ވަގަށް ނަގާފައިވާ ތަކެތިވެސް ހޯދާފައިވާކަމަށެވެ.
މި މައްސަލަ ދަނީ ފުލުހުން ތަހުގީގު ކުރަމުންނެވެ.
ހަތަރު އަތް ބުރިކޮށްލަބަލަ. ކިހާބޮޑު ބަލާއެއްތަ
އަނިޔާ ކުރާ ވާހަކަނުދައްކާ އެމީހުންގެ ވެސް ހައްގުތައް އޮންނާނެ
ބަލާއައް ނުގޮވަ ބުރޯ ކަލޭ އަންނަންވީންނު އައްކަޑަން
އެއްވެސް މީހަކައް އަނިޔާއެއް ދިނުމަކީ އިންސާފެއް ނޫން
ކަލޭ އާދޭ އަނިޔާކުރަން