މި ސަރުކާރުން ވަޒީފާއިން ވަކިކޮށް ނިކަމެތި ކޮށްލަމުންދަނީ ކުރީގެ ރައީސް ޔާމީން ސަރުކާރުގައި ތަރައްގީގައި ބުރަކޮށް އުޅުނު މުވައްޒަފުން ކަމަށް ކުރީގެ ހައުސިން މިނިސްޓަރ ޑރ.މުހައްމަދު މުއިއްޒު ވިދާޅުވެއްޖެއެވެ.
މި ސަރުކާރުން ގިނަ އަދަދެއްގެ މުވައްޒަފުން ވަޒީފާއިން ވަކި ކުރަމުންދަނިކޮށް މުއިއްޒު މިއަދު ކުރެއްވި ޓުވީޓެއްގައި ވިދާޅުވީ ވަޒީފާއިން ވަކިކޮށް ނިކަމެތިކޮށްލަމުން ދަނީ ރައީސް ޔާމީނުގެ ތަރައްގީގެ ގިނަ މަސައްކަތްތަކެއްގައި ހާއްސަކޮށް މަގު ހެދުމުގެ މަޝްރޫއު ތަކުގައި ބުރަކޮށް ނުހަނު ހީވާގި ކަމާއި އެކު ހިދުމަތްތަކެއް ކުރި މުވައްޒަފުންނާއި އެމުވައްޒަފުންގެ އާއިލާތައް ކަމަށެވެ.
Vazeefaa in vakikoh nikamethikollamun dhanee RY sarukaaruge tharaggee ge gina masakkaithakeggai, khaassakoh maguhedhumuge mashroou thakugai, nuhanu burakoh heevaagi kamaaeku khidhmaikuramun dhiya ethah muazzafunthakeh, adhi e muazzafunge aailaa thah. #haqquminvaru pic.twitter.com/x9FRBtwx70
— Dr Mohamed Muizzu (@MMuizzu) August 19, 2019
މިނިސްޓްރީ އޮފް ނޭޝަނަލް ޕްލޭނިން އެންޑް އިންފްރާސްޓްރަކްޗާގައި މަސައްކަތް ކުރާ ގިނަ އަދަދެއްގެ މުވައްޒަފުން ވަކި ކުރަން އިއްޔެ ވަނީ ނޯޓިސް ދީފައެވެ.
މިނިސްޓްރީން ސިޔާސީ ފިކުރަށް ބެލުމަށްފަހު ވަޒީފާއިން ވަކިކުރަން ނޯޓިސް ފޮނުވިކަން ކަށަވަރު ކުރެވުނު މުއައްޒަފުންގެ އަދަދު 44 އަރާއިރު އޭގެތެރޭގައި ގއ ވިލިނގިިލިން 10 މުވައްޒަފަކު، ފުވައްމުލަކުން 9 މުވައްޒަފަކު، ތ.ވިލިފުށިން ހަތް މުވައްޒަފަކަށް ނޯޓިސް ދީފައެވެ. މީގެ އިތުރުން ކުޑަހުވަދޫން ވަނީ އެމްއާރްޑީސީން ޕްލޭނިން މިނިސްޓްރީއަށް ބަދަލުކުރި 18 މުއައްޒަފަކަށް ވަނީ ނޯޓިސް ދީފައެވެ.
ރައީސް ސޯލިހު ވެރިކަމަށް ވަޑައިގެންނެވީ އެއްވެސް މުވައްޒަފަކު ވަޒީފާއިން ވަކި ނުކުރާނެ ކަމުގެ ވައުދާއެކުއެވެ.
ނަމަވެސް މި ސަރުކާރު ވެރިކަމާއި ހަވާލުވި ފަހުން ވަކިކުރި މުވައްޒަފުންގެ އަދަދު އެތައް ސަތޭކައަކަށް އަރާ ކަަމަށް ވެއެވެ. މީގެ ތެރެއިން ގިނަ މުވައްޒަފުން ވަކިކޮށްފައި ވަނީ ސިޔާސީ ފިކުރަށް ބަލާފައި ކަމަށް އިދިކޮޅު ފަރާތްތަކުން ތުހުމަތު ކުރެއެވެ.
ސަރުކާރުގެ މިނިސްޓްރީތަކާއި ކުންފުނިތަކުން ގިނަ އަދަދެއްގެ މުވައްޒަފުން ވަކި ކުރަމުންދާއިރު، ސިޔާސީ މަގާމުތަކަށް މިހާރުވެސް ގެންދަނީ ގިނަ އަދަދެއްގެ މީހުން އައްޔަން ކުރަމުންނެވެ.
މިސަރުކާރަކުން މީހުން ވަޅިން ޖަހާ ކަނޑައެ ނުލާނެ. ކަރުދާހުގައި ލިޔެފައި ވަކިވިކަން އަންގަމުންގެންދާނީ. ވަޒީފާއެއް ނުއުފެއްދުނުތާ ނުކަނޑާމަ ވެސްދޯ ؟
ތިބުނާ މީހުންއުޅުނީ ތަރައްޤީގަތަ ނޫނީ މަނިކުފާނާ ގުޅިގެން ރައްޔިތުންގެ ފައިސާ އިސްރާފް ކުރުމުގައިތަ؟؟
މުއިއްޒު ބުންޏަސް ތެދެއް ވާނީ ތެދަކަށް. އިހައްދުވަހުވެސް، އިއްޔެވެސް މިއަދުވެސް ބުރަކޮށް މަސައްކަތުގައި އުޅުނު ހީވާގި މުވައްޒަފުން ބާކީކޮށް ކަނޑާލާ ބިރުދައްކާ ހަދާ ހަމަ. އެމްޑީ ޕީއަށް ތާއީދު ކޮށްގެން ކަމަށް ދައްކައިގެން އުޅޭ ގިނަ މީހުން އެއީ މަސައްކަތަށް ކެރަވަޅު މީހުން. އެމީހުންގެ ކަމަކީ މީހުންގެ ވާހަކަ ދައްކައިގެން ތިމާ މަތީ މަގާމަކަށް ނުވަތަ ތިމާ ބޭނުންވާ ކަމެއް ހާސިލްވޭތޯ އުޅުން. މަސައްކަތަށް ޅޮސް
ރަނގަޅު ވާހަކަފުޅެއް. އފަރާތްތަކުން ގެނައި ތަރައްޤީ އެއޮތީ ފެންނަން. މަގުތާކާ ލިންކްރޯޑާ ބަނަދަރުތަކާ
ކުރީ ސަރުކާރުގަ ބުރަކޮށް މަސަކަތްކުރި މީހުން
އެމީހުންނަށްވީ، މުއިއްޒުމެންނަށްވެސްވީގޮތެވެ. މާމާ ވަރުގަދަ ރައީސެއްގެ އަމުރަށްކިޔަމަންވުމަށްޓަކައި ދަށުންމަސައްކަތްކުރި ޕްރޮފެޝަންލަ އެތަށްބައެއް ހަލާކުގެތެރެއަށް ވައްޓާލަން މަޖުބޫރުކުރީއެވެ. ނުކުރިއްޔާ ވަގުތުން މަރު... ކުރިއްޔާ ފަހުން މަރު ... ނެތްސަލާމަތެއް.. މުޅިޤައުމު ސުންނާފަތިކޮށްފަ ކޮންވާހަކައެއް....