މިސަރުކާރު ނޭވާ ހޮޅިއަށް ނޭޅި މިއޮންނަނީ ގާސިމް އިބްރާހިމް، ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި އެކު ހުންނަވާތީ ކަމަށް ކުރީގެ ޑިފެންސް މިނިސްޓަރ، މިހާރު މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ވިދާޅުވެއްޖެއެވެ.
ކުރީގެ ރައީސް މުހައްމަދު ނަޝީދުގެ ސަރުކާރާއި، ކުރީގެ ރައީސް އަބްދުﷲ ޔާމީންގެ ސަރުކާރަށް ވުރެ މިސަރުކާރުން ގިނަ ކަންތައްތައް ކޮށްފި ކަމަށް ގާސިމް ވިދާޅުވި ޚަބަރު ޓްވީޓް ކުރައްވަމުން އާދަމް ޝަރީފް ވިދާޅުވީ "މިސަރުކާރު ނޭވާ ހޮޅިއަށް ނޭޅި މިއޮންނަނީ ގާސިމް އިބްރާހިމް، އިބްރާހިމް މުހައްމަދު ޞާލިހާއި އެކު ހުންނަވާތީ" ކަމަށެވެ.
Msarukaaru neyvaa holhiah neylhi mi onnanee Hon.Qasim Ibrahim, IMS aaiekugai hunnavaathee. https://t.co/niNoMMwsyU
— Adam Shareef Umar (@Adamshareefz) August 22, 2019
ކުރީގެ ރައީސް ނަޝީދާއި ކުރީގެ ރައީސް ޔާމީންގެ ސަރުކާރުގައި ހިނގި މުއްދަތާއި ރައީސް ޞާލިހްގެ ވެރިކަމުގައި ހިނގި މުއްދަތައް ބަލާއިރު ކުރީ ދެސަރުކާރަށް ވުރެ ގިނަ މަސައްކަތްތައް މިސަރުކާރުން ކޮށްފިކަމަށް ގާސިމް ވަނީ ރޭ ވިދާޅުވެފައެވެ.
ރޭ އޮތް ޖޭޕީގެ ރަސްމިއްޔާތެއްގައި ވާހަކަދައްކަވަމުން ގާސިމް ވިދާޅުވީ ނަޝީދުގެ ސަރުކާރުގައި ގިނަ މަސައްކަތްތައް ފެށުނީ ދޮޅު އަހަރު ފަހުން ކަމަށާއި ޔާމީންގެ ސަރުކާރުގައި ގިނަ ކަންކަން ފެށުނީ ދެއަހަރު ފަހުން ކަމަށެވެ. ނަމަވެސް އެދެސަރުކާރަށް ވުރެ ގިނަ ކަންކަން މިސަރުކާރުން ކޮށްފި ކަމަށެވެ.
"މާގިނަ ކަންކަން ކޮށްދީފި. މާގިނަ މީހުންގެ ޙައްޤުތައް ދީފި. ޕްލޭންކުރެވިގެން ސިސްޓަމެއް ރޭވިގެން ސަސްޓޭނަބަލް ޑިވެލޮޕްމަންޓެއް މިގެންނަނީ." ގާސިމް ވިދާޅުވިއެވެ.
މިސަރުކާރުން މާގިނަ ކަންކަން ކޮށްދީފި ކަމަށް ގާސިމް ވިދާޅުވުމުން ގިނަ ބަޔަކު އަންނަނީ ގާސިމް މީސް މީޑިއާގައި ފާޑުކިޔަމުންނެވެ. އަދި މިސަރުކާރުން ކޮށްދިން ކަންތައްތަކުގެ ތަފްސީލް ދިނުމަށް ވެސް އަންނަނީ ގޮވާލަމުންނެވެ.
ސަރުކާރުން ކޮށްފައިވާ ގިނަ ކަންތައްތަކުގެ ކުރިޔަށް ލާންޖެހެނީ ތަފާތު ކޮމިޝަން ހެދުމާއި ، ތާކުންތާކުނުޖެހޭ ޝަރީޢަތެއް ކުރީގެ ރައީސް ޔާމީނުގެ މައްޗަށް ހިންގުމާއި ، ކޯޓްތަށް މެދުވެރިކޮށް ޕާޓީއަށް ނިސްބަތްވާ އެކިއެކި ފަރާތްތަކަށް ބޮޑެތި އަދަދުތަކުން ފައިސާ ބެހުމެވެ. މީގައި ގާސިމް ނުހިމެނޭތޯއެވެ؟
އޭނަ ހުރީ އޮކްސިޖަން ޖައްސާއިގެން ކަން މީނަ އަށް އެނގުނީތަ؟
މި ގައުމުގައި އެންމެ ނުބައި ހެދި އަދި ހަދަމުން އަންނަ މީހަކީ ނަޝީދު (ގަންޖާ). މި ވަބާއިން ސަލާމަތް ވުމަށް މުޅިގައުމު އެއްގަލަކަށް އަރަމާ!
އާދަމް ޝަރީފު ހަމަ ހޭ ގައިތޯ؟
މިސަރުކާރުން ްާސިމަށް 15 މިލިއަން ޑޮލަރުވސް ދީފި. ކިހާއޯގަތެރިތޯ؟