ޖުމްހޫރީ ޕާޓީގެ ތަރުޖަމާނަކަށް އަހްމަދު އަނޫޝް ހަމަޖައްސައިފިއެވެ.
އަނޫޝް އެ މަގާމަށް ހަމަޖެއްސިކަން ޖޭޕީގެ ފަރާތުން ވަނީ ކަށަވަރުކޮށްދެއްވާފައެވެ. އެގޮތުން ޖޭޕީން މިއަދު ކުރި ޓްވީޓެއްގައި ވަނީ އަނޫޝް އެ މަގާމަށް އައްޔަން ކުރެވުުނީތީ މަރުހަބާ ކިޔާފައެވެ.
JP welcomes and congratulates Ahmed Anoosh @IamAhmedAnoosh as Spokesperson of the party. @qasimibrahim @bufalhi_Hussain @jpspokesperson @VTVvmedia @Mihaarunews @avasmv @addulive @Miadhu_News @raajjemv pic.twitter.com/d2ARHsjFmW
— JP Secretariat (@JPSecretariat) September 12, 2019
އަނޫޝް އާއެކު ޖޭޕީހައި މިހާރު ދެ ތަރުޖަމާނުން ތިއްބަވާނެއެވެ. އެއީ ކޮމިއުނިކޭޝަން މިނިސްޓްރީގެ ސްޓޭޓް މިނިސްޓަރ އަލީ ސާލިހުވެސް ހިމެނޭހެންނެވެ.
އަނޫޝްއަކީ މީގެ ކުރިން ރައީސް މައުމޫންގެ އަރިހުގައި މަސައްކަތް ކުރި ފަރާތެކެވެ. އޭނާ ޖުމްހޫރީ ޕާޓީއަށް ސޮއިކޮށްފައި ވަނީ މި އަހަރުގެ މެއި މަސް ތެރޭގައެވެ. އޭނާ ވަނީ ނޫސްވެރިއެއްގެ ގޮތުގައި އާއި ޕްރެޒެންޓަރެއްގެ ގޮތުގައި މަސައްކަތްކޮށްފައެވެ. އަދި ފޮރިން މިނިސްޓްރީގެ ކޯރޑިނޭޓަރުކަންވެސް ކޮށްފައި ވެއެވެ.
