މޫދަށް އެރުމަށްފަހު ފެންވަރާލެވޭ ގޮތަށް ހުޅުމާލޭ ފަތާ ޓްރެކް ސަރަހައްދުގައި ފާހާނާ ބަރިއެއް އަޅައިފިއެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިދާޅުވީ މިއީ ހުޅުމާލެއަށް މޫދަށް އެރުމަށްޓަކައި އަންނަ އާންމުންނަށް ހުޅުވައިލައިގެން ހަދާފައިވާ ފާހާނަ ބަރިއެއް ކަމަށެވެ.
Public toilets developed near #Hulhumalé swimming track area are now open for public use. These toilets provide seperate toilets for both male & female, including disability toilets. The public toilets are developed with outdoor shower facilities as well. pic.twitter.com/T72ht0E6aO
— Housing Development Corporation (@hdcmaldives) September 14, 2019
އޭގެ އިތުރުން މި ފާހާނާ ބަރިއަކީ އަންހެނުންނަށާއި ފިރިހެނުންނަށް ވަކިން ބޭނުންކުރެވޭ ގޮތަށް ހަދާފައިވާ ފާހާނާ ބަރިތަކެއް ކަމަށާއި، މިއީ ނުކުޅެދުންތެރިކަން ހުންނަ މީހުންނަށްވެސް ފަސޭހަކަމާއި އެކީ ބޭނުންކުވޭނެހެން ފެންވަރު ރަނގަޅަށް ފަރުމާކުރެވިފައިވާ ފާހާނާ ތަކެއް ކަމަށް އެޗްޑީސީން ވިދާޅުވެއެވެ.
ހުޅުމާލޭގައި ތަރައްގީގެ މަޝްއޫރުތައް ކުރިއަށް ގެންދާ އެޗްޑީސީ އިން ވިދާޅުވީ، ހުޅުމާލޭ ފަތާ ޓްރެކް ކައިރީގައި ހަދާފައި ހުރި އެ ފާހާނާތައް މިހާރު ބޭނުން ކުރެވޭނެ ކަމަށެވެ.
ހުޅުމާލެއަކީ ފަތުރުވެރިންގެ އިތުރުން ދިވެހީންގެ ތެރެއިންވެސް ގިނަ ބަޔަކު ބަންދު ދުވަސްތަކާއި ދިމާކޮށް މޫދަށްއެލަން ގޮސްއުޅޭ ރަށަކަށް ވުމާއިއެކު މި މަޝްރޫއުގެ ސަބަބުން ގިނަ ބަޔަކަށް އެތަށްގިނަ ފަސޭހަތަކެއް ލިބިގެންދާނެއެވެ. އެހެން ނަމަވެސް މިއީ އެންމެން ބޭނުން ކުރާ ފާހާނާތަކެއް ކަމުގައި ދެކިގެން ފާހާނާތައް ސާފުކޮށް ބެލެހެއްޓުމަށް ފާހާނާ ބޭނުން ކުރާ ހުރިހާ ފަރާތްތަކުން ހާއްސަ ސަމާލުކަމެއް ދޭންވާނެއެވެ.