ނިއުޔޯކް ކޮންވެންޝަންގައި ދިވެހިރާއްޖެއިން ސޮއިކޮށްފިއެވެ.
ކޮންވެންޝަން އޮން ރިކޮގްނިޝަން އެންޑް އެންފޯސްމަންޓް އޮފް ފޮރިން އާބިޓްރަލް އެވާޑްސް (ނިއުޔޯކް ކޮންވެންޝަން)ގައި ރާއްޖޭގެ ފަރާތުން ސޮއިކުރެއްވީ މިހާރު އެމެރިކާ އަށް ކުރައްވަމުން ގެންދަވާ ދަތުރުފުޅުގެ ތެރެއިން ބަންޑާރަ ނައިބް އިބްރާހިމް ރިއްފަތެވެ.
ނިއުޔޯކް ކޮންވެންޝަންގައި ދިވެހިރާއްޖެއިން ބައިވެރިވުމަށް ވަޒީރުންގެ މަޖިލީހުން 2010 ވަނަ އަހަރު ވެސް ނިންމިއެވެ. ރައްޔިތުންގެ މަޖިލީހުންވެސް ވަނީ ރުހުންދީފައެވެ.
މިމުޢާހަދާގައި ރާއްޖެއިން ބައިވެރިވުމުގެ ބޭނުމަކީ، ބޭރު ދައުލަތްތަކުގެ ތަޙްކީމުގެ ނިންމުންތައް ބަލައިގަނެ ތަންފީޒު ކުރެވޭނެ ނިޒާމެއް ރާއްޖޭގައި ޤާއިމުކުރުން ކަމަށާއި އަދި އޭގެ ސަބަބުން ބޭރުގެ އިންވެސްޓަރުންނަށް ރާއްޖޭގައި އިންވެސްޓް ކުރުމަށް ރަނގަޅު މާޙައުލެއް ޤާއިމު ކުރެވި، ރާއްޖެއަށް ބޭރުގެ ގިނަ އިންވެސްޓްމަންޓްތަކެއް ވަނުމުގެ ދޮރު ހުޅުވިގެންދިއުންކަމަށް ރައީސް އޮފީހުން ކުރިން ވިދާޅުވެފައި ވެއެވެ.
މި ކޮންވެންޝަނުގެ ސަބަބުން ބައިނަލްއަޤުވާމީ އާބިޓެރަރީ ކޯޓު ތަކުގައި ނިންމާ ނިންމުންތަކަށް އަމަލުކުރުމަށް ދިވެހިރާއްޖޭގެ ކޯޓުތަކަށް ވެސް ލާޒިމު ވާނެއެވެ.
The accession to New York Convention by the Maldives is a historic milestone. It reiterates GoM’s commitment to improve and enhance ADR mechanisms in the Maldives and create a more enhanced investment climate for businesses and promote investor confidence. @MIArbCenter @MVPMNY pic.twitter.com/cr9XlVZHFR
— I Riffath (@ibriffath) September 17, 2019
ނިއުޔޯކް ކޮންވެންޝަންއަކީ 1965 ވަނަ އަހަރުން ފެށިގެން އާބިޓްރޭޝަން މައްސަލަތަކަށް ހައްލު ހޯދައި ދިނުމުގެ މަސައްކަތް ކުރަމުންދާ ކޮންވެންޝަނެކެވެ.
ރާއްޖެއަކީ މި ކޮންވެންޝަންގައި ސޮއިކުރި، 161 ވަނަ ގައުމެވެ.
ރާއްޖެއިން ވަނީ މިދިޔަ މަހުގެ ކުރީކޮޅު ސިންގަޕޯ ކޮންވެންޝަން އޮން މީޑިއޭޝަން މުއާހަދާގައި ވެސް ސޮއިކޮށްފަ އެވެ. އެއީ މީޑިއޭޝަން މެދުވެރިކޮށް ނިންމާ ވިޔަފާރީގެ މައްސަލަތަކުން އުފެދޭ ބައިނަލްއަގްވާމީ ސެޓްލްމަންޓް އެގްރީމަންޓުތައް، މުއާހަދާގައި ބައިވެރިވާ ގައުމުތަކުން ބަލައިގަނެ، އެ ގައުމުތަކުގައި އެ އެއްބަސްވުންތައް ތަންފީޒުކުރުމުގައި ގައުމުތަކުގެ މެދުގައި އެއް އުސޫލުތަކަކާއި އިންތިޒާމްތަކެއް ގާއިމުކުރުމަށް އެކުލަވާލެވިފައިވާ ބައިނަލްއަގްވާމީ ގާނޫނީ އޮނިގަނޑެކެވެ.
އަނެއްކާ މިކަލޭގެއައް އެބައެގޭތަ މީނައައް މިކުރެވެނީ ކިހާވަރެެއްގެ ކަމެއްކަން. މިހެން މިބުނީ ނާގާބިލް މީހެއްވީމަ.
ރަނޑު ގޮތެއް ހުންނަ ސޮރެއް. އެމެރިކާ މީހުންނާ ވަރަށް ގުޅޭ ސޮރެއް އުތަ؟