ރާއްޖޭގެ ގައުމީ އެއާލައިން، މޯލްޑިވިއަންގެ، ކުންފުނި އައިލެންޑް އޭވިއޭޝަންގައި މަސައްކަތް ކުރަމުން އަންނަ ހާއްސަ އެހީއަށް ބޭނުންވާ މުވައްޒަފަކު ކީރިތި ގުރުއާން ހިތުދަސް ކޮށްފިއެވެ.
ޤުރުޢާން ހިތުދަސްކޮށްފައިވަނީ މޯލްޑިވިއަންގެ އިދާރީ ބައިގައި މަސައްކަތް ކުރާ، މަރިއަމް މާހްއެވެ.
މިކަން ފާހަގަކޮށް މޯލްޑިވިއަން އިން ވަނީ ކުޑަ ހަފްލާއެއް ބާއްވައި މަރިއަމް މާހްއަށް ހިތްވަރު ދެއްވާފައެވެ.
މި ރަސްމިއްޔާތުގައި، އައިލެންޑް އޭވިއޭޝަންގެ މެނޭޖިންގ ޑިރެކްޓަރ މުހައްމަދު ރިޒްވީއާއި ޑެޕިޔުޓީ މެނޭޖިންގ ޑިރެކްޓަރ އައިޝަތު ޖެނީފާ ބައިވެރިވެ ވަޑައިގެންނެވިއެވެ.
އުފާވެރި ދުވަހެއް.! އަޅުގަނޑުމެންގެ މުވައްޒަފު މަރިޔަމް މާހް ޤުރުއާން ހިތުދަސްކުރުމާ ގުޅިގެން މަރުހަބާ އާއި ތަހުނިޔާ އަރިސްކުރަން.
Congratulations to our very own Maahu on memorizing the holy Quran #AlhaafizaMaahu
We are proud of your achievement pic.twitter.com/i7TxM7eUf2— MaldivianAero (@MaldivianAero) December 10, 2019
މިކަމާއި ގުޅޭ ގޮތުން "ވަގުތައް" މައުލޫމާތު ދެއްވަމުން މޯލްޑިވިއަންގެ އެމްޑީ މުހައްމަދު ރިޒްވީ ވިދާޅުވީ އަބަދުވެސް އެދެނީ މާހް އަށް ކުރިއެރުން ލިބުމަށް ކަމަށާއި، މުވައްޒަފުން ހޯދާ މިފަދަ ކާމިޔާބީތައް އަބަދުވެސް ކުންފުނިން ބަލައިގަންނާނެ ކަމަށެވެ. އަދި ކުރިއަށް އޮތްތަނުގައިވެސް ޤުރުއާން ކިޔެވުމުގެ ރޮނގުން މާޙު އަށް ގިނަ ކާމިޔާބީތަކެއް ލިބުމަށް އެދޭ ކަމަށްވެސް އެމްޑީ ވިދާޅުވިއެވެ.
ހަމައެހެންމެ އެމްޑީ ވިދާޅުވީ މޯލްޑިވިއަންގެ ޓީމަކީ ހިތްވަރުގަދަ ޓީމެއް ކަމަށާއި މާޙް ފަދަ އެތައް މުވައްޒަފުންނެއް ކުރިއަތް އޮތް ތަނުގައި ފެންނާނެކަމަށް އުންމީދު ކުރައްވާ ކަމަށެވެ.
މަރުހަބާ ! މަރުހަބާ މާހް
މަރުހަބާ
ހާފިޒުންލައިގެންވެސް ތިޔަ ބޯޓް ގަޑިއަށް ފުރޭތޯ ބަލާބަލަ.
ތިދޭ ހިދުމަތުގެ ފެންވަރު މޑ އަމިއްލަޔަށް ވަޒަންކުރެވޭނީ ދެން އޮތް ދެއަރ ލައިން އައްޑޫއަށް ދަތުރު ފެށީމާ.
މާޝާﷲ !
ވަރަށް ބޮޑަށް މަރުޙަބާ އާ ތަހުނިޔާކިޔަން.
ދުޢާއަކީ ކީރިތި ޤުރުއާން އަބަދުވެސް މުރާޖަޢާކޮށް އެންމެ ފަހުނޭވަޔާ ހަމަޔަށްވެސް ހިތުގައި ތިޔަނޫރު ދިއްލިފައިހުރުން.
ކިހާ ފައްކާ. އެކަމަކު މެދުމިނުން ނުނައްޓާ ހުރެވޭތޯ ބަލާތި ކޮއްކޯ
ކޮންބޭފުޅެއްތޯ އައުރަނިވާނުކޮށް މިހުންނެވީ ؟
ޤުރުޢާން ހިތުދަސްކުރީތީވެ މޯލްޑިވިއަންގެ އިދާރީ ބައިގައި މަސައްކަތް ކުރާ، މަރިއަމް މާހްއަށް ޝުކުރާއި މުބާރަބް ބާދު އަރިސްކުރަމުއެވެ. މާހުއަށް ހިތްވަރު ދިނުމަށްޓަކައި މޯލްޑިވިއަން އިން ކުޑަ ހަފްލާއެއް ބާއްވާފައިވަނީ އިޚްލާސްތެރިކަމެއް އޮވެގެނެއްނޫނެވެ. ޙާއްސަކޮށް މިހެން މިދަންނަވަނީ މިކަމުގައި ޑެޕިޔުޓީ މެނޭޖިންގ ޑިރެކްޓަރ އައިޝަތު ޖެނީފާ ބައިވެރިވެ ވަޑައިގެންނެވީމައެވެ. މީނާއަކީ އަބަދުވެސް ލާދީނީ ފިކުރަށް ފާޅުގައި ތާއީދުކޮށް އެކަމަށް ހިތްވަރުދޭ މީހަކަށްވާތީއެވެ.
ތިކުދިން މުޖުތަމައުގަ އެކަހެރި ވެފައި ވަނިކޮށް އެކުދިން ބަލައިގަނެ ވަޒީފާ ދިނީ ޔާމީނުގެ ސަރުކާރުން.