އަންނަ އޭޕްރީލް މަހު ބާއްވާ ލޯކަލް ކައުންސިލް އިންތިހާބުގައި އައްޑޫގެ ދާއިރާތަކުގެ ނަންތަކަށް އިލެކްޝަންއިން އިސްލާހް ގެނެސްފިއެވެ.
އިލެކްޝަންއިން މި އިސްލާހު ގެނެސްފައި ވަނީ އައްޑޫ ސިޓީގެ ރައްޔިތުންގެ މަޝްވަރާގެ މަތިންނެވެ. އެއީ އެސިޓީގެ އިންތިހާބީ ދާއިރާތަކުގެ ނަންތަކަށް އީސީން ބަދަލު ގެނެސްފައިވަނީ ރައްޔިތުން ބޭނުންކުރާ ގޮތް ނޫން އެހެން ގޮތަކަށް ކަމަށް ބުނެ ރައްޔިތުން ކަންބޮޑުވުން ފާޅު ކުރުމާއި ގުޅިގެން ކަމުގައި ވާތީއެވެ.
އިލެކްޝަންސް ކޮމިޝަންގެ މެންބަރު އަހްމަދު އަކްރަމް ކުރެއްވި ޓްވީޓެއްގައި ވިދާޅުވީ ލޯކަލް ކައުންސިލް އިންތިހާބުގައި އައްޑޫ ސިޓީގެ ދާއިރާތަކަށް ޒަމާނުއްސުރެން އައްޑޫގައި ބޭނުންކުރަމުން އައި ނަންތައް ކިޔުމަށް އެލްކްޝަންސް ކޮމިޝަނުން ކުރި މަސައްކަތަކަށް އައްޑޫ ރައްޔިތުންގެ ކިބައިން ލިބުނު އެއްބާރުލުން ފާހަގަކޮށް ޝުކުރު ދަންނަވާ ކަމަށެވެ.
LCE2020 ga Addu City ge dhaairaa thakah zamaanun suren Addugai beynunkuramun ai nanthah kiyumah EC in kuri masahkathah Addu City ge rayyithunge kibain libilevvi ehbaarulimah shukuru dhannanvan, IA alhugandumen abadhuves masahkai kuraani rayyithunge hiyaaluthakaai eku.
— Ahmed Akram (@akram4535) January 4, 2020
އައްޑޫ ރައްޔިތުންގެ ޚިޔާލާއި މަޝްވަރާގެ މަތިން މި މަހުގެ ފުރަތަމަ ދުވަހު އާންމު ކުރެވިފައިވާ ސިޓީތަކުގެ އިންތިހާބީ ދާއިރާތަކުގެ ނަންތަކުގައި ބަދަލުތައް ހިމަނާފައިވާނެ ކަމަށް އިލެކްޝަންސް ކޮމިޝަނުން ވަނީ ބުނެފައެވެ. އަދި އައްޑޫ ސިޓީގެ ބައެއް ދާއިރާތަކަށް ކުރިން ދެވިފައިވާ ނަންތައް މިހާރު ބަދަލުކޮށްފައިވާނެ ކަމަށް އެ ކޮމިޝަނުން ވަނީ ވަކިން ފާހަގަކުރައްވާފައެވެ.
އެގޮތުން ރައްޔިތުންގެ މަޝްވަރާގެ މަތިން ދެވަނަ ފަހަރަށް ގެނެވުނު އިސްލާހުގައި އައްޑޫސިޓީގެ ދާއިރާތަކަށް ދީފައިވާ ނަންތަކަކީ، ހިތަދޫ މޫލުކެޑެ އޮޑައްސައު ދާއިރާ، ހިތަދޫ ކޮރޮވައު ދާއިރާ، ހިތަދޫ ބޭރުމަތި ދާއިރާ، ހިތަދޫ މެދުވައު ދައިރާ، ހިތަދޫ ރަސްގެދަރު ދާއިރާ، ހިތަދޫ މާމެންދޫ ދާއިރާ، މަރަދޫ ދާއިރާ، މަރަދޫ ފޭދޫ ދާއިރާ، ފޭދޫ، މަގުއްދޫ ދާއިރާ، ފޭދޫ މާދެލަ ދާއިރާ، ހުޅުދޫ ދާއިރާ އަދި މީދޫ ދާއިރާއެވެ.
އަންނަ ލޯކަލް ކައުންސިލް އިންތިހާބަކީ ދެ ފުށްފެންނަ އިންތިހާބަކަށް ވެގެންދާނެ ކަމުގެ ޔަގީންކަން އީސީން ވަނީ ރައްޔިތުންނަށް ދީފައެވެ. އީސީން މިހާރު ގެންދަނީ އިންތިޚާބުގެ ތައްޔާރީތައް ވަމުންނެވެ.
އިލެކްސަން ކޮމިސަން އެއްނޫންތީކީ ތީސިޔާސީ ޕާޓީއެއް
ތިޔަ އިންތިޚާބުގައި ހަފަ ރާތްފެންނާނެ ކޮންމެދިމާލަކުންބެއްޔަސް ފެންނާނީ އީސީ
އަދިޔަސް ނިބެއި.. މެދުވައު އައްނުން މެދެވައު
ރަސްގެދަރުއައްނުން ރަސްގެދަރަ
އިހު އެވޭލާ ރީތި ދިވެހި ގޮތަށް ދާއިރާ ތަކަށް ކިޔަން އައްޑޫ މީހުން ފޫގެޅިއިރު، 'އައްޑޫ ސިޓީ' މިއީވެސް އިހު އެވޭލާ ދިވެހި ނަމެއް ނޫން! ކޮން 'ސިޓީ' އެއްތޯ؟ އިހުގެ ނަން މި 'އައްޑޫ ސިޓީ' އަށްވެސް ކިޔަން ވީނު!؟
މަކީ މޫލެެކެޑެ މީހައް. މިކޯ ހިތަދޫ ބައިކޮއްފެއި އޮއްލެކުން މަ ވެނީ ކޮރޮވަލި ބައިއެ.
ރާއްޖޭގެ ވަރަށްގިނަ ބޮޑަތި ރަށްރަށުގެ އަވަށްތަކާ ސަރަޙައްދުތަކަށް އެރަށެއްގެ ބަހުރަވައިން ނަންނަން ކިޔާފައި ހުރޭ. ތިޔަ ބަދަލުތައް ގެންނެވިއިރު އެހެން އަތޮޅުތަކާ ރަށްރަށުގެ އެމަޢުލޫމާތުތައް ސާފުކުރައްވާ އެގޮތައް ހެއްދެވިނަމަ ރަގަޅު.
އެމީހުން ހީކުރާގޮތް ސިޓީއެއްގެ ދަރަޖަ ދިނީމަ އެއޮތީ ވަރަށް ގިނނަ ވައުދުތަކެއް ފުއްދާދެވިފަ ޔޯ