ޓީއެމްއޭއަށް އާ ސީޕްލޭން ޓާމިނަލް ދޭން ދެކޮޅު ހެދުމާއި ގުޅިގެން، އެމްއޭސީއެލްގެ އިސް ދެ މުވައްޒަފަކުވަކި ކުރި އިރު ވިސްްލް ބްލޯވަރުންގެ ހައްގުގެ ވާހަކަދައްކާ މީހުން ކޮބާތޯ ކުރީގެ ނައިބު ރައީސް ޑރ.ޖަމީލް ސުވާލު އުފައްދަވައިފިއެެވެ.
ޑރ. ޖަމީލް މިފަދައިން ސުވާލު އުފެއްދެވީ، މިދިޔަ އަހަރު ފަހުކޮޅު ވަޒީފާއިން ވަކިކުރި އެމްއޭސީއެލްގެ ދެ މުވައްޒަފުންގެ ވާހަކަ ޝާއިއުކޮށް، މިހާރު ނޫހުން ލިޔުނު ލިޔުމަކާއި އެކު ކުރެއްވި ޓްވީޓެއްގައެވެ.
ޑރ.ޖަމީލްގެ އެ ޓްވީޓުުގައި ވަނީ މި ސަރުކާރުގެ އަމަލުތަކާއި މެދު ސަރުކާރު ލަދުވެތިވާން ޖެހޭކަމަށް ވިދާޅުވެފައެވެ.
އަދި ގޯސް ނިންމުމަކާއި މެދު އަޑު އުފުލާ ބަޔަކު ވަޒީފާއިން ވަކިކުރުމަކީ އެއީ ކޮންހަމައަކުން ކުރި ކަމެއްތޯ އެމަނިކުފާނު ވަނީ ސުވާލުކުރައްވާފައެވެ.
މީގެ އިތުރުން ސަރުކާރުން އެފަދަ ނިންމުމެއް ނިންމެވި އިރު ވިސްލް ބްލޯވަރުންގެ ހައްގުގައި ވާހަކަދައްކާ މީހުން ކޮބާތޯވެސް ޑރ. ޖަމީލް ސުވާލުކުރެއްވިއެވެ.
Govt should hang their heads in shame! @MACLmedia terminating those protesting a wrong decision speaks volume about corruption in SOEs. Where are those who spoke so much about whistleblower rights? @ibusolih do you know the pain young families go through due to unfair dismissal? pic.twitter.com/YEhEXkbgxN
— Mohamed Jameel Ahmed (@MJameelAhmed) January 21, 2020
ޓީއެމްއޭއަށް އާ ސީޕްލޭން ޓާމިނަލް ދޭން އުޅޭ ގޮތާ މެދު، އެމްއޭސީއެލް ތެރޭގައި ހިތްހަމަނުޖެހުން ބޮޑުވެ ތަނުގެ ޚިދުމަތްތެރި ބައެއް މުވައްޒަފުން ވަކިކޮށްފައިވާކަން މީޑިއާގައި ހާމަވުމާއި އެކު އެމްއޭސީއެލްއަށް ވަނީ ބޮޑެތި ފާޑުކިޔުންތަކެއް އަމާޒވެފައެވެ.
އަދި ސީޕްލޭން ދުއްވާ ރާއްޖޭގެ އަމިއްލަ ކުންފުނިތަކުގެ ވިޔަފާރި ފުޅާކުރަން އެ ނިންމުމުގެ ސަބަބުން ދަތިވާނެކަން އެ ދާއިރާގައި މަސައްކަތްކުރާ ފަރާތްތަކުން ފާހަގަކުރެއެވެ.
އެމްއޭސީއެލްއަށް އަމާޒުވި ބޮޑެތި ފާޑުކިޔުންތަކަށް ފަހުގައި، އެ ކުންފުނިން ވަނީ ޓާމިނަލް ދޭނީ، ޓީއެމްއޭ އާއި އެހެން އެއާލައިންތަކުން އަމިއްލައަށް އޮޕަރޭޓްކުރާ ގޮތަށް ކަމަށާ، ޓާމިނަލް ދޭނީ 3 އަހަރު ދުވަހަށް ކަމަށް ބުނެފައެވެ.
އެމްއޭސީއެލްއިން ވަނީ އެ މުއްދަތުގެ ތެރޭގައި މުޅި ތަން އެމްއޭސީއެލްގެ ދަށަށް ގެންދާނެ ކަންވެސް ފާހަގަކޮށްފައެވެ.
ޓީއެމްއޭއަށް ޓާމިނަލް ދިނުމާދެކޮޅު ހެއްދެވި ދެބޭފުޅުންނަށް މިއޯގާ ތެރިސަރުކާރުގެ ހައްޤު ވާމިންވަރަކީ އެއީ އިނގޭ ތޯ ކީއްކުރާނީ ހުރި ހިތާމައެއް ގެ ބޮޑު ކަމާއޭ