ބައެއް ބިދޭސީން ސާފުތާހިރުކަމަށް އެއްވެސް ސަމާލުކަމެއް ނުދީ ކާބޯތަކެތި ތައްޔާރުކުރަމުން އަންނަ ކަމަށާއި، އޭގެތެރޭގައި ކުދިން އިންޓަވަލްއަށް ގެންނަ ބައެއް އެއްޗެހިވެސް ހިމެނޭކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން މިކަން ހާމަކޮށްފައިވަނީ އެ އިދާރާއިން ހިންގި ރޫޓިން އިންސްޕެކްޝަންތަކުގައި ފާހަގަ ކުރެވިފައިވާ ކަންކަމާއި ގުޅޭގޮތުން ހާމަކުރި މައުލޫމާތު ތަކެއްގައެވެ.
އިމިގްރޭޝަންގެ އޮފިޝަލަކު މީޑިއާތަކަށް މައުލޫމާތު ދެމުން ވިދާޅުވީ، ބިދޭސީން ކާބޯތަކެތި ތައްޔާރުކުރަމުންދާ ބައެއް ތަންތަން އިންސްޕެކްޓްކޮށްލުން ސާފުތާހިރުކަމަށް އެއްވެސް ސަމާލުކަމެއް ނުދީ ކާބޯތަކެތި ތައްޔާރު ކުރާ ތަންތަން ފާހަގަ ކުރެވުނު ކަމަށެވެ. އޭގެ ތެރޭގައި ސްކޫލް ކުދިންނަށް ހާއްސަކޮށްގެން ފިހާރަތަކުގައި ވިއްކަން ހުންނަ ހެދިކާގެ ބާވަތްތަކާއި، އިންޓަވަލަށް ބޭނުން ކުރާ ތަފާތު ބާވަތްތައްވެސް އެ ފަދަ ތަންތަނުގައި ހަދަމުންދާ ކަމަށެވެ.
ސާފުތާހިރުކަމަށް އެއްވެސް ސަމާލުކަމެއް ނުދީ، ބިދޭސީން ކާބޯތަކެތި ތައްޔާރު ކުރަމުން ދާކަން އިމިގްރޭޝަނުން ހިންގި ރޫޓިން އިންސްޕެކްޝަންތަކުގައި ފާހަގަ ކުރެވިފައިވޭ! #RayyithungeHidhumathuga#Gulhigen pic.twitter.com/MvBf2kAd7g
— Maldives Immigration (@ImmigrationMV) January 23, 2020
އިމިގްރޭޝަނުން ވަނީ މިކަންކަމަށް ބެލެނިވެރިން ވަރަށް ބޮޑަށް ސަމާލުކަން ދިނުމަށް އެދިފައެވެ.
އަދި ދަރިފުޅަށް ގަންނަ އިންޓަވަލްގެ ރައްކާތެރިކަމާމެދު ޔަގީންކަން ހޯދަންޖެހޭ ކަމަށާއި، ފިހާރަތަކުގައި ވިއްކަން ހުންނަ ކާބޯތަކެއްޗަކީ ސާފުތާހިރުކަމުގެ މިންގަނޑު ހިފެހެއްޓިގެން ތައްޔާރުކޮށްފައިވާ ތަކެތިތޯ ބަލަންޖެހޭ ކަމަށް އިމިގްރޭނުން އޮފިޝަލް ވިދާޅުވިއެވެ.
ސުކޫލް ކުދިންގެ އިންޓަވަލްއަށް ބޭނުންވާ ބާގާ، ހޮޓްޑޯގް، ސޭންޑްވިޗް އަދި ހެދިކާގެ ތަފާތު ބާވަތްތައް ވަރަށް ގިނަ ފަރާތްތަކުން ވިއްކައެވެ.
އިމިގްރޭޝަނުން ވަނީ، ކާބޯތަކެތީގެ ސާފުތާހިރު ކަން ބެލެހެއްޓުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އާ ގުޅިގެން އެކަން ހުއްޓުވަން ފިޔަވަޅު އެޅުމަށް ނިންމާފައެވެ.
ތިއީ ހަމަ އަހަރުން ދިވެހިންގެ މައްސަލަ...
އަޅެ ކީއްވާނީ އެމީހެއްގެ ދަރިޔަށް ބޭނުންވާ އިންޓަވަލް އެބަޔަކު އަމިއްލައަށް ތައްޔާރުކޮށްލިއްޔާ. ދިވެހިންނަށް މިހާރުއެވަރުވެސް ނުވޭ
މިފަދަ ކަންތައްތަކުން ސަރުކާރުގެ މަތިފަޑި ފެއިލްވެފާވާކަން އެގިހާމަވެގެންދަނީ
މިފަދަ ކަންތައްތަކުން ސަރުކާރުގެ މަތިފަޑި ފެއިލްވެފާވާކަން އެގިގެންދަނީ
ކޮންމެ ކަމެއް ވިޔަސް ހަމަ ވަގުތުން ސަރުކާރޭ ކިޔަނީ ކީއްވެތަ؟ދެން ސަރުކާރުން ޖެހެނީ ކޮންމެ ދުވަހަކު ދަރީންނަށް ނާސްތާ ދީފަ އިންޓަވަލްވެސް ދޭންތަ؟އަޅެ މީދެން ކިހާބޮޑުވެއްޖެ ކަމެއްތަ؟ކޮބާތަ މި ފަގީރު ދަރީންގެ މައިންބަފައިން. ޢެމީހެއްގެ ދަރީންގެ ދުޅަހެޔޮކަމާއި ސާފުތާހިރު ކަމާއިމެދު ސަމާލުވާން ޖެހޭނީ އެމީހަކު އަމިއްލައަށް. ސަރުކާރަކުން ނޫން. ތިހިރީ އޮޅފަ. ޙެހެހެހޭ
ކޮންމެ ކަމެއް ވިޔަސް ހަމަ ވަގުތުން ސަރުކާރޭ ކިޔަނީ ކީއްވެތަ؟ދެން ސަރުކާރުން ޖެހެނީ ކޮންމެ ދުވަހަކު ދަރީންނަށް ނާސްތާ ދީފަ އިންޓަވަލްވެސް ދޭންތަ؟އަޅެ މީދެން ކިހާބޮޑުވެއްޖެ ކަމެއްތަ؟ކޮބާތަ މި ފަގީރު ދަރީންގެ މައިންބަފައިން. ޢެމީހެއްގެ ދަރީންގެ ދުޅަހެޔޮކަމާއި ސާފުތާހިރު ކަމާއިމެދު ސަމާލުވާން ޖެހޭނީ އެމީހަކު އަމިއްލައަށް. ސަރުކާރަކުން ނޫން. ތިހިރީ އޮޅފަ. ޙެހެހެހޭ
މިވަރުވާއިރުވެސް މިކަންކަމުގައި ޒިންމާނަގާނެ ބަޔަކު ނުތިބޭނެ އެމީހުން މިޤައުމުގައި އުޅެނީ އުޅެނެގޮތަކަށް. އެވެރިން ޤައުމަށް ލިބޭ ޑޮލަރުކޮޅު ބަންގާޅަށް ކަހާލާއިރު އިސްތައްޓެކޭވެސް ހިތައްނާރާ.
ހަމަތިގިތައް ހުޅުމާލޭ އިންޑަސްޓްރިޔަލްއޭރިޔާގަ ވެހިކަލްމަރާމާތުކުރާ ގަރާޖުހިންގާތަންތަންތަނުގެ މަތީގަމީހުންނިދާބައިގަ ބަދިގެހަދައިގެން ކާއެއްޗެތިތައްޔާރުކޮއް ސަޕްލައިކުރޭ މީއެތަންތާންގެދިވެހި ވެރިންނައް އެންގިގެންހިންގާބޮޑުވިޔަފާރިޔެއް.
އަޅުގަނޑު އުއްމީދުކޮއްގެން ހުރީ ތިވިދާލުވާ ތަންތަނުގެ ނަންވެސް ހާމަ ކުރަށްވާނެކަމަށް. ސިއްރުކޮއްގެން ވާނެ ފައިދާ އެއްނޯއްޏާނެ. ވުމާއިއެކު ހާމަކޮއްލަށްވާ
އެޗް ޕީ އޭ ފެއިލް ވެފަ އޮތްކަން މި އިނގެނީ... ތީ އިމިގްރޭޝަނުން ކުރަން ޖެހޭ ކަމެއް ނޫން.. އެޗްޕީ އޭގެ ަަމސަތްކަތް ވެސް މިކުރަންޖެހެނީ އެހެން މުވައްސަސާއަކުން.. ސަރުކާރު ފެއިލް ވެފަ އޮތްކަން މި އިނގެނީ
މޮޅެތި ރެސްޓޯރަންޓް ތަކުން ކާ ތަކެތިވެސް ހުންނާނީ މިހާލުގަ، އެންމެ ރަނގަޅު ގޮތަކީ ގޭގައި ކާ ތަކެތި ތައްޔާރުކުރުން
މި ދިވެހިރާއްޖެ ނޫނީ ނުވާނެ ބޭރުމީހިން އައިސް ވަގަށް އެތެރެވެގެން ވަގުވިޔަފާރި ބޭރުމީހުން އަމިލައަށް ހިންގެން އޮންނަ ގައުމެއް. މީގެ ޒިންމާ ނަގަން ޖެހޭނީ ސަރުކާރު. ދެން އިމިގްރޭޝަން. މިގޮތައް ބޭނޫންހާ ވިޔަފާރިއެއް އެއްވެސް ހުއްދައަކާނުލާހިންގެނީ ވަރަށް ދޯދިޔާވީމަ. ދިވެހި އާދައިގެ މީހެއް ވިޔަފާރިއެއް ކުރަންޏާ މި މީހުން ކައިރިން ނަގަންޖެހޭ ހުރިހާ ހުއްދައަކާ އިންޕެކްޝަން ހަދައިގެން ނޫނީ ހުއްދައެއް ނުދޭ. އެކަމަކު މި ބިދޭސީ މީހުން ބޭނުންތާކު ބޭނުންވިޔަފާރިއެއް އެބަކުރޭ.