އިއްޔެ ހުޅުމާލޭގައިި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ހުޅުއްވާދެއްވި ވޮލީ ކޯޓަކީ ރައީސް ޔާމީންގެ ސަރުކާރުގައި ހުޅުވާދެއްވައިފައިވާ ކޯޓެއްކަމަށް ބުނެފ ނައިފަރު ދާއިރާގެ މެންބަރު އަދި ޕީޕީއެމްގެ ނައިބު ރައީސް އަހުމަދު ޝިޔާމް ވަރަށް ބޮޑަށް ފާދު ވިދާޅުވެއްޖެއެވެ.

ޝިޔާމް ކުރެއްވި ޓުވީޓުގައި ވަނީ "މީގެ ދެ އަހަރު ކުރިން ރައީސް ޔާމީންގެ ސަރުކާރުގައި ތަރައްގީ ކޮށްފައިވާ ވޮލީ ކޯޓެއް. މި ސަރުކާރުން ވެލިކޮޅެއް އަޅާލުން ފިޔަވާ ކުރި އިތުރު އެއްވެސް ކަމެއް ނެތް. ރިބަން ކަނޑަން ނިކަން ކުޅަދާނަ ސަރުކާރެއް" ކަމަށް ވިދާޅުވެ، ސަރުކާރަށް ވަނީ ވަރަށް ބޮޑަށް ފާޑުވިދާޅުވެފައެވެ.

Meege 2 aharu kurin Raees Yameen ge sarukaaruga tharaqqee koffa oi volley courteh. Misarukaarun velikolheh alhaalun fiyava kuri ithuru evves kameh nei. Ribbon kandan nikan kukhadhaana sarukaareh mee. pic.twitter.com/bBSgLPv1uB

— Ahmed Shiyam (@Shiyamaldives) February 15, 2020

ބައިނަލްއަގުވާމީ ފެންވަރުގެ ޓްރެއިނިން ހިދުމަތްތަކާއެކު ބީޗް ވޮލީ ކޯޓު އިތުރަށް ތަރައްގީކޮށްފައިވާކަން އިއުލާނު ކުރެއްވީ ސްޕޯޓްސް މިނިސްޓަރު އަހުމަދު މަހްލޫފް އެވެ. އޭގެ ފަހުން އިއްޔެ ހަވީރު ހުޅުމާލޭ ރެޑްބުލް ޕާކުގައި ބީޗްވޮލީ ކޯޓު ރަސްމީކޮށް ހުޅުވުމަށް ވަނީ ހާއްސަ ރަސްމިއްޔާތެއް ބާއްވައިފައެވެ.

އަދި ރައީސް އިބްރާހިމް މުހައްމަދު ސޯލިހާއި މިނިސްޓަރު މަހުލޫފްގެ ޕެއާ ވަނީ ގައުމީ ބީޗް ވޮލީ ބޯޅަ ޓީމާ ދެކޮޅަށް ހާއްސަ މެޗެއް ކުޅެފަ އެވެ. ޝިއުނާޒް އަޙްމަދު އަދި އަޙްމަދު ޢަލީ ހިމެނުނު ގައުމީ ވޮލީ ޓީމުން މި މެޗު ކާމިޔާބުރީ 5-3 އިންނެވެ. އެއަށްފަހު ރައީސް ސޯލިހާއި، ރައީސް މުހައްމަދު ނަޝީދާއި، މިނިސްޓަރު މަޙްލޫފު ހިމެނޭ ގޮތަށް ސްޕޯޓްސް މިނިސްޓްރީގެ ޓީމަކާއި ވެޓަރަންސް ވޮލީބޯލް ކުޅުންތެރިންގެ ޓީމަކާއި ދެމެދު މެޗެއް ކުޅުނެވެ. އެ މެޗު 24 ޕޮއިންޓް 23 ޕޮއިންޓުން ކާމިޔާބުކުރީ މިނިސްޓްރީގެ ވޮލީޓީމުންނެވެ.

އިދިކޮޅުން ސިލްސިލާކޮށް ރައީސް ޔާމީން މިނިވަން ކުރުމަށް ގޮވާލާ ކޮންމެ ރެއަކު އަންނަނީ ބައްދަލުވުންތައް ބާއްވަމުންއެވެ.