ގާނޫނީ ރޮނގުން ދަސްވެނިވެ، ވަކީލުކަމުގެ ހުއްދަ ހޯދުމަށް ބޭނުންވާ ތަމްރީނު ފުރިހަމަކުރުމުގެ އިންތިޒާމް މިއަދުން ފެށިގެން އެޓާނީ ޖެނެރަލްގެ އޮފީހުގައި ހަމަޖެހިފައިވާކަމަށް އެ އޮފީހުން ބުނެފިއެވެ.
ގާނޫނީ ފަންނުގެ ގާނޫނުގައި ބުނެފައިވަނީ ކީލުކަމުގެ ލައިސެންސް ލިބެނީ އެއް އަހަރު ދުވަހުގެ ތަމްރީނެއް އަދި ބާ އިމްތިހާނެއް ފުރިހަމަ ކުރުމުން ކަމަށެވެ. އެޓާނީ ޖެނެރަލް އިބްރާހިމް ރިފްއަތު ވިދާޅުވީ ޓްރެއިނީ ވަކީލުންނަށް ބޭނުންވާ ތަމްރީނާއި ސަޕޯޓު އަދި އެހެނިހެން އެހީތައް އޭޖީ އޮފީހުން ދިނުމަށް ތައްޔާރަށް އޮތް ކަމަށެވެ.
ގާނޫނީ ފަންނުގެ ގާނޫނުގައިވާ ގޮތުގައި، ވަކީލުކަމުގެ ހުއްދަ ދެވޭނީ ގާނޫނީ ވަކީލުކަން ކިޔެވުމަށް ފަހު، ބާ ކައުންސިލުން ހުއްދަ ކުރާ ތަނެއްގައި އެއް އަހަރު ދުވަހުގެ ތަމްރީނެއް ފުރިހަމަ ކުރުމުންނެވެ. އަދި އެ ތަމްރީނަށް ފަހު ވެސް ވަކީލު ކަމުގެ ހުއްދަ ދިނުމުގެ ކުރިން ބާ ކައުންސިލުން ދޭ އިމްތިހާނެއްގައި އިށީންދެ ފާސްވާން ޖެހެއެވެ.
@AGOmv assures full support, facilitation and assistance required by the @MvBarCouncil in achieving the components of the training programme for trainee lawyers, following the enactment of Licensing Rules.
— I Riffath (@ibriffath) March 10, 2020