ފުވައްމުލަކު ރިންގް ރޯޑުގެ މަސައްކަތް މި އަހަރު އޮގަސްޓް މަހު ނިންމާލެވޭނެ ކަމަށް އެމްޓީސީސީ އިން މިއަދު ބުނެފިއެވެ.
އެމްޓީސީސީއިން ކުރި ޓުވީޓެއްގައި ބުނީ މިހާރު ފުވައްމުލަކު މަގު ހެދުމުގެ މަޝްރޫއުގެ 87 ޕަސަންޓު މަސައްކަތް ނިމިފައިވާ ކަމަށެވެ. މި މަޝްރޫއުގެ ދަށުން 20،650 އަކަ މީޓަރުގެ މަގުގައި ތާރު އަޅާ 10،325 އަކަ މީޓަރުގައި ދުވާރު ހެދުމަށް ހަމަޖެހިފައިވާ ކަމަށް ވެސް އެމްޓީސީސީ އިން ކުރި ޓުވީޓުގައި ވަނީ ބުނެފައެވެ.
Fuvahmulah Ring Road construction is nearing completion, with 87% project progress. The project will result in the development of 20,650 sq m of asphalt road.
Current works include paving a 10, 325 sq m area on both sides of the road. The project will be complete in Aug, 2020. pic.twitter.com/Z5kKiiZQk3
— MTCC Plc (@MTCCPlc) April 8, 2020
އެމްޓީސީސީ އިން މި މަސައްކަތް ފެށީ މިދިޔަ އަހަރު އޮގަސްޓް މަހު 25 ވަނަ ދުވަހުއެވެ. އެމްޓީސީސީން ބުނީ ސަރުކާރުން އެ ކުންފުންޏާ ހަވާލުކޮށްގެން ކުރިއަށް ގެންދާ އެ މަސައްކަތް ފެށުމުގެ ކުރިން، މަޝްރޫއުގެ ޑިޒައިނަށް ބަދަލު ގެނެސް، މަސައްކަތް ކުރިއަށް ގެންދިއުމަށް ސަރުކާރުން ނިންމާފައިވާ ކަމަށެވެ.
އެގޮތުން ގެނެވުނު ބަދަލުގެ ތެރޭގައި ވެއްޔާއި ސިމެންތި ބޭނުންކޮށްގެން އަޅަން ރާވާފައިވާ "ބޭސް ކޯސް" ފަށަލަ، ހިލަ ބޭސް ކޯސް (އެގްރިގޭޓް ބޭސް ކޯސް) ފަށަލައަކަށް ބަދަލު ކުރުން ހިމެނޭ ކަމަށް އެމްޓީސީސީ އިން ބުންޏެވެ.
ޕްލޭނިން މިނިސްޓްރީގެ މަޝްވަރާއާއެކު އެގްރިގޭޓް ބޭސް ކޯސް މެޓީރިއަލް ބޭނުންކޮށްގެން މި މަޝްރޫއު ކުރިއަށް ގެންދިއުމަށް ނިންމީ، އެފަދަ މަޝްރޫއުތައް މީގެ ކުރިން ހިންގުމުގައި އެ ކުންފުންޏަށް ލިބުނު ތަޖުރިބާއަށް ބަލައި، މަޝްރޫއުތަކުގެ ފެންވަރު ރަނގަޅު ކުރުމުގެ މަގުސަދުގައި ކަމަށް އެމްޓީސީސީން ބުނެއެވެ. މި މަޝްރޫއު އަކީ ގާތްގަނޑަކަށް 32 މިލިއަން ރުފިޔާގެ މަޝްރޫއެކެވެ.
ފުވައްމުލަކުގެ އިތުރުން ރާއްޖޭގެ އެކި ހިސާބުތަކުގައި ޒަމާނީ ފެންވަރަށް މަގު ތަރައްގީކޮށް ހެދުމުގެ ގިނަ މަޝްރޫއުތަކެއް ދަނީ ހިންގަމުންނެވެ. ކުރީގެ ރައީސް އަބްދުﷲ ޔާމީން ސަރުކާރުގައި ވެސް ގިނަ ރަށްރަށުގެ މަގުހެދުމުގެ މަޝްރޫއުތަކެއް ވަނީ ކުރިއަށް ގެންގޮސްފައެވެ. އެގޮތުން ރާއްޖޭގެ އެންމެ ދިގުމަގު ލާމު ލިންކް ރޯޑުގެ މަޝްރޫއު އަކީ ފާހަގަކޮށްލެވޭ މަޝްރޫއުއެކެވެ. މި މަގަކީ 17 ކިލޯ މީޓަރުގެ ދިގުމަގެކެވެ.
ރާއްޖޭގެ ކޮން މެ ދި މާލަކައް ބަލާލިޔަސް ރައީސް އިބޫ ސޯލިހުގެ ދުރުވިސްނޭ ތަރައްގީ. ޕިންކު ކުދިން ހަޖަ މްކުރަން ދަސްކުރޭ
ވެެްްްްްްްްްްްްްްްްްްްްްްްްްް
ކުރީގެ ސަރުކާރުން ފެށި މަސައްކަތެއް ސަރުކާރު ބަދަލު ވީއިރު މަގުހެދު މަށް ބޭނުންވާ ސާ މާނު ޖަ މާކޮއް މަސައްކަތް ވަނީފަށާފަ.