އެމީހާއަކީ ރުކީވިލާތުގެ މީހެކެވެ. އޭނާ ފައްސިވީ ތުރުކީވިލާތައް ގޮސް ޓެސްޓްތަކެއް ހެދިއިރުއެވެ. އޭނާ ރާއްޖެ އިން ފުރައިގެން ދިޔައީ މާޗް މަހުގެ 31 ވަނަ ދުވަހު އެވެ. އޭނާ ކޮވިޑް-19 އަށް ފައްސިވެފައި ވަނީ މިދިޔަ ހޯމަ ދުވަހުއެވެ. މަބްރޫކް ރޭ ވިދާޅުވީ އެމީހާ އަކީ އެ ދެ ރިސޯޓުގައި މަސައްކަތްތަކެއް ކުރުމަށް އައި މީހެއް ކަމަށެވެ.
މިއަދު އެއްވެސް ރިސޯޓެއް އަދި ސަފާރީއެއް ވެސް މޮނީޓަރިންގެ ހާލަތަށް ގެނެސްފައެއް ނުވެއެވެ. މިހާރު މޮނީޓަރިންގެ ހާލަތުގައި އޮތީ ވެލައްސަރު ރިސޯޓާއި ސެވަން ކޮރަލް މާފުށްޓާއި މޯލްޑިވިއާނާ ސަފާރީ އަދި އައިލެންޑު ސަފާރީއެވެ. މަބްރޫކް ވިދާޅުވީ މިހާތަނަށް 18 ރިސޯޓަކާއި 43 ސަފާރީއަކުން މުވައްޒަފުން ފޭބުމުގެ ހުއްދަ ދީފައިވާ ކަމަށެވެ.
މިހާތަނަށް 2350 މީހެއްގެ ސާމްޕަލް ނެގިފައިވެއެވެ. އޭގެތެރެއިން 2059 މީހެއްގެ ސާމްޕަލް އެއް ވަނީ ނެގެޓިވްވެފައެވެ. އަދި ސާމްޕަލް ނެގި މީހުންގެ ތެރެއިން ކޮވިޑް-19 އަށް ޕޮޒިޓިވް ވެފައިވަނީ 19 މީހުންނެވެ. މިހާތަނަށް ސާމްޕަލް ނެގި މީހުންގެ ތެރެއިން 272 މީހެއްގެ ނަތީޖާ އަދި ނުލިބެއެވެ.
ރާއްޖޭގެ އައިސޮލޭޝަން އެކި ފެސިލިޓީތަކުގައި 12 މީހުން ތިބިއިރު ކަރަންޓީން ފެސިލިޓީތަކުގައި ޖުމްލަ 1019 މީހަކު އެބަހުއްޓެވެ. ރާއްޖެއިން ކޮވިޑް-19 އަށް 19 މީހަކު ޕޮޒިޓިވްވިއިރު އޭގެތެރެއިން 13 މީހަކު ވަނީ ބަލިން އެއްކޮށް ރަނގަޅުވެފައެވެ. އަދި މިހާރު ފަރުވާ ދެމުން އަންނަނީ ހަތަރު ދިވެހިންނަށެވެ.
