ދިވެހި ބަހަކީ ދިވެހިންގެ އަމިއްލަވަންތަ ކަމުގެ ރަމްޒު ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއްޖެއެވެ.
ދިވެހި ބަހުގެ ދުވަހުގެ ތަހުނިޔާ ދިވެހި އެންމެހާ ރައްޔިތުންނަށް އަރިސް ކުރައްވާ ރައީސް ސޯލިހު މިއަދު ކުރެއްވި ޓްވީޓެއްގައި ވިދާޅުވީ ދިވެހިބަހަކީ ދިވެހީންގެ އަމިއްލަވަންތަކަމުގެ ރަމްޒު ކަމަށެވެ. އަދި ދިވެހި ބަހަކީ ދިވެހި ގައުމިއްޔަތުގެ ހިތް ކަމަށާއި އެއީ ހުރިހާ ދިވެހިން ގުޅުވާލަދޭ ފާލަން ކަމަށް ރައީސްގެ ޓްވީޓުގައި ވިދާޅުވިއެވެ.
ދިވެހި ބަހުގެ ދުވަހުގެ ތަހުނިޔާ ހުރިހާ ދިވެހިންނަށް އަރިސްކުރަން. ދިވެހިބަހަކީ ދިވެހީންގެ އަމިއްލަވަންތަކަމުގެ ރަމްޒު އަދި ދިވެހި ޤައުމިއްޔަތުގެ ހިތް. އެއީ އަޅުގަނޑުމެން ހުރިހާ ދިވެހިން ގުޅުވާލަދޭ ފާލަން.
— Ibrahim Mohamed Solih (@ibusolih) April 14, 2020
ރައީސުލްޖުމްހޫރިއްޔާގެ ނާއިބު ފައިސަލް ނަސީމް މި ދުވަހާއި ގުޅިގެން ކުރެއްވި ޓްވީޓެއްގައި ވިދާޅުވީ ދިވެހި ބަހަކީ ދިވެހިންގެ ދިވެހި ވަންތަކަން ރަމްޒުކޮށްދޭ އެންމެ ފުރަތަމަ ނިޝާން ކަމަށެވެ.
ދިވެހި ބަހަކީ ދިވެހިންގެ ދިވެހި ވަންތަކަން ރަމްޒުކޮށްދޭ އެންމެ ފުރަތަމަ ނިޝާން، ދިވެހި ބަހުގެ ދުވަހުގެ ހެޔޮއެދުމާއި ތަހުނިޔާ ދިވެހި ލޮބުވެތި ރައްޔިތުންނަށް އަރިސްކުރަން.
— Faisal Naseem (@FaisalNasym) April 14, 2020
ކޮންމެ އަހަރެއްގެވެސް އެޕްރީލް މަހުގެ 14 ވަނަ ދުވަހަކީ ދިވެހި ބަހުގެ ދުވަހުގެ ގޮތުގައި އަންނަނީ ފާހަގަކުރަމުންނެވެ. އަހަރުގެ ދިވެހި ބަހުގެ ދުވަހުގެ ޝިޔާރަކީ "ބުނާނީ ލިޔާނީ ސާފު ދިވެހިން ބަހުން" އެވެ.
އެހެންވެ ދޯ ސަރުކާރު އޮފީސްތަކުންވެސް މުޅިންހެން އިނގިރޭސި ބަހުން މުޢާމަލާތް ކުރަނީ.. މ