މި ދަނޑިވަޅުގައި ކެތްތެރިވެ ކަމާބެހޭ އިދާރާތަކުން ދެމުން ގެންދާ އިރުޝާދުތަކަށް ބޯލެނބުމަށް ރައީސުލްޖުމްހޫރިއްޔާގެ ނާއިބު ރައީސް ފައިސަލް ނަސީލް އިލްތިމާސް ކުރައްވައިފިއެވެ.
މިއަދު މާލެއިން ކޮވިޑް19 އަށް ދިވެއްސަކު ޕޮޒިޓިވްވުމާއި ގުޅިގެން ކުރެއްވި ޓްވީޓެއްގައި ނާއިބު ރައީސް ފައިސަލް ނަސީމް ވިދާޅުވީ މި ވަގުތަކީ ހުރިހާ ރައްޔިތުންވެސް ކެތްތެރިވާންވި ވަގުތު ކަމަށެވެ. އަދި ކަމާއިބެހޭ އިދާރާތަކުން ކޮވިޑް-19 އާ ގުޅިގެން ދެމުން ގެންދާ އިރުޝާދުތަކަށް ބޯލެނބުމަށް ނާއިބު ރައީސް ވަނީ އިލްތިމާސް ކުރައްވާފައެވެ.
ނާއިބު ރައީސް ފައިސަލް ނަސީމް ވިދާޅުވީ މިކަމުން އަރައިގަނެވޭނީ އެންމެންގެ ވެސް އެއްބާރުލުން ލިބިގެން ކަމަށެވެ. އަދި މި ހާލަތުގައި އެކަކު އަނެކަކަށް އެހީތެރިވުމަށް ވެސް ނާއިބު ރައީސް ފައިސަލް ނަސީމް ވަނީ އެދިވަޑައިގެންފައެވެ. އަދި އެންމެން ގުޅިގެން މިކަން ކުރެވޭނެ ކަމަށްވެސް އެމަނިކުފާނު ވިދާޅުވިއެވެ.
In these trying times let us be
calm, patient & adhere to the instructions of HPA. Let us unite & cooperate to ensure the safety & wellbeing of everyone. Let us be kind & empathetic to one another. Insha Allah, together we can #FlattenTheCurve. #StayHome #StaySafe #WashYourHands— Faisal Naseem (@FaisalNasym) April 15, 2020
ނާއިބު ރައީސް ފައިސަލް ނަސީމް މިފަދައިން ވިދާޅުވިއިރު ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވެސް ވަނީ ހުރިހާ ރައްޔިތުންގެ އެއްބާރުލުން މިކަމަށް ދެއްވުމަށް އެދިވަޑައިގެންފައެވެ.
ގައުމާއި މުހާތަބު ކުރައްވާ ރައީސް ސޯލިހު ވިދާޅުވީ ކޮވިޑް-19 ފެތުރިގެން ހިނގައިދާނެ ޙާލަތަކަށް ސަރުކާރު އޮތީ ފުރިހަމަ އަށް ތައްޔާރަށް ކަމަށެވެ. އަދި ދައުލަތުގެ މުއައްސަސާތަކުން އަންނަނީ މިފަދަ ޙާލަތަކަށް ވަރަށް ބޮޑަށް ތައްޔާރުވަމުން ކަމަށްވެސް ރައީސް ވިދާޅުވިއެވެ.
ރައީސް ވިދާޅުވީ މުޅި މުޖުތަމަޢުގެ ރައްކާތެރިކަމަށް އެންމެން އެކުގައި މަސައްކަތް ކުރުމަކީ ވަރަށް މުހިއްމު ކަމެއް ކަމަށާއި ކެތްތެރިކަމާއި ޙިކުމަތްތެރިކަމާއެކު، އެކުގައި މަސައްކަތްކުރުމުން އެކަމުން އަރައިގަނެވޭނެ ކަމަށެވެ.
"ހުރިހާ ރައްޔިތުންގެ ކިބައިން އަޅުގަނޑު މި އެދެނީ އެކަކު އަނެކަކާ މެދު އޯގާތެރިކަމާއި އެކުވެރިކަމާއެކު މުޢަމަލާތް ކުރުމަށް. އަދި ކެތްތެރިކަން އިސްކުރައްވައި އިސްލާމް ދީނުގެ މަތިވެރި އުޞޫލުތަކުގެ ތެރެއިން އެކަކު އަނެކަކަށް އެހީތެރިވުމަށް،" ފެންކަޅިވެ ހުންނަވާ ރައީސް ސޯލިހު ވިދާޅުވިއެވެ.
ރައީސް ސޯލިހު ވަނީ ކޮވިޑް-19 ބަލިން ރައްޔިތުން ރައްކާތެރިކުރުމުގައި އެއްވެސް ވަރުބަލިކަމެއް ނެތި، އެންމެ ފުރަތަމަ ދުވަހުން ފެށިގެން، ކުރީ ސަފުގައި މަސައްކަތް ކުރައްވަމުން ގެންދަވާ ހުރިހާ ބޭފުޅުންނަށް، އިޚްލާޞްތެރިކަމާ އެކު ޝުކުރު ދަންނަވާ ކަމަށް ވިދާޅުވެފައެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނީ މާލެ ފުލޫ ކްލިނިކަށް ދައްކަން ދިޔަ ދިވެއްސެއް ވަނީ ކޮވިޑް-19 އަށް އަށް ފައްސިވެފައި ކަމަށެވެ. މިއީ މާލޭ ތެރެއިން ކޮވިޑް-19 ޖެހިފައި ހުއްޓާ ފެނުނު ފުރަތަމަ މީހާއެވެ. އަދި މިއީ ދިވެހިންގެ ތެރެއިން މި ބައްޔަށް ފައްސިވި ހަވަނަ ވަނަ މީހާއެވެ.
100 ޕަސެންޓ ސަރުކާރުގެ އިހުމާލު. ސަރުކާރުގެ މަތީ ފަޑި ގައި ތިބި މީހުންގެ އާއިލާ މީހުން ޔޫކޭއިން ސީދާ ގެއަށް ނިކަމެތި ރައްޔިތުމީހާގެ ދަރި ކަރަންޓީނަށް ކޮންމެވެސް ތަނަކަށް. މީ އަދުލު އިންސާފު ތޯ. ދެން ކަލޭ ކެއްތެރިކަމައި އެކު ޓޮއިލެޓް ޕޭޕަރ ރޯލާއި ކުޅޭ ކުޅޭ އޮވެބަލަ.
އާދެ.. ނައިބު ރައީސްހެން ޓޮއިލެޓްޕޭޕަރ ޗެލެންޖު ކުޅެން ގޭގަ ތިއްބަވާ.
އަޅޭ ޓޮއިލެޓް ޕޭޕަރު ހުސްވީތޯ އެހެން ކަމަކާ ތި އުުޅެގަތީ؟
މީނާ މި ގައުމުގަ އެބަ އުޅޭތަ؟
ބުނިގޮތައް އޭރުވެސް ގޭގައި. ފާޑު ފާޑު މީހުން ތަނައެ ދޮރެއް ނުބަލާ މާލެ އެތެރެވަމުން ދިޔައީ. އެރު މަގޭ އާދޭހަކީ އެކަން ހުއްޓުވައި ދިނުން. އެބަސް އެހި އެއްވެސް ތަނެއްނެއް. މިއަދުވެސް ހަމަ މަ ގޭގައި މަޑުކުރަން މިޖެހުނީ.
ބޭކާރު އަނގަތަޅާ ބޭކާރު މީހަކު މިގައުމުގައި ހުރެގެން ދިމާވާހައި ކަންކަން. ބޭކާރު އަނގަތަޅާ ބޭކާރު މީހާ މިގައުމުން ބޭރުކޮށްގެން ނޫނީ ގައުމަށްވެސް ރައްޔިތަކަށްވެސް ހަމަޖެހުމެއް ނެތް.
މިނައިބުރައީސްކޮންކަމަކާހާސްވާންވީ ނިކަމެތިރައްޔެތުންގާތު ކަލޭމެންއުޅެނީވަރައްހާލުގައޭބުނި ކޮބާފުލެޓުތައްނުދީހިފަހައްޓަނީ މީގެކާރުތަކާގެތައްއޮތަސްމީހުންއުޅެނީވަރައްހާލުގައޭ