މޯލްޑިވްސް އެއާޕޯޓް ކޮމްޕެނީ ލިމިޓެޑްގައި (އެމްއޭސީއެލް)ގެ ސޭފްޓީ އެންޑް ކޮޕްލައިންސްގެ ޑެޕުޔިޓީ ޗީފް އޮފިސަރެއްގެ މަގާމު އަދާކުރަމުންދިޔަ މުހައްމަދު ޞާލިޙް މިއަދު އަވަހާރަވެއްޖެއެވެ.
ޞާލިޙް އަވަހާރަވީ ހާލުކޮޅު ގޯސްވެގެން ރޭ އައިޖީއެމްއެޗުގައި ފަރުވާދެމުން ދަނިކޮށް މިއަދު ހެނދުނެވެ.
އުމުރުން 63 އަހަރުގައި ޞާލިޙް އަވަހާރަވިއިރު، އޭނާައަކީ ރާއްޖޭގެ އޭވިއޭޝަން ދާއިރާގައި 40 އަހަރަށްވުރެ ގިނަ ދުވަހު ހިދުމަތް ކުރެއްވި ބޭފުޅެކެވެ.
އެއާޓްރެފިކް ކޮންޓްރޯލަރުން ޓްރެއިނިންއަށް ބެންގކޮކްގައި އެއް އަހަރުގެ ޓްރެއިނިންގ ހަދާފައި އައިސް، އެއާޕޯޓުގައި މަސައްކަތް ކުރަން ފެށިގޮތަށް ހުއްޓުމެއް ނެތި 41 އަހަރު ވަންދެން އެއާޕޯޓުގައި ވަޒީފާ އަދާކުރެއްވި ޞާލިޙް އަކީ އެ ދާއިރާއިން ގިނަ ހިދުމަތްތަކެއް ކުރެއްވި ބޭފުޅެކެވެ.
Our dear friend & colleague Mr. Mohamed Solih has passed away today. May Allah bless his soul & grant him jannatul firdous. As we grieve may Allah give strength to his family to bear this loss. We lost an expert & a treasure among us who will be missed and remembered forever. pic.twitter.com/iF4NM6F03a
— Maldives Airports Company Ltd - MACL (@MACLmedia) May 4, 2020
ޞާލިޙް އެއާޕޯޓުގައި ވަޒީފާ އަދާ ކުރަން ފެއްޓެވީ 6 އޮކްޓޯބަރު 1979 ގައެވެ.
ޞާލިޙް ޓްރެއިނިންގ ނިންމާފައި އައިސް އެންމެ ފުރަތަމަ މަސައްކަތް ކުރައްވާފައި ވަނީ އެއާޕޯޓްގެ އެއާ ޓްރެފިކް ކޮންޓްރޯލަރެއްގެ ގޮތުގައެވެ.
ޞާލިޙްއަކީ އެއާޕޯޓްގެ ތަރައްގީގައި ވަރަށް ގިނަ މަސައްކަތްތައް ކުރި ބޭފުޅެކެވެ. އެއާޕޯޓްގެ އާ ޓަވަރު އެޅުމުގައާއި، ރާޑަރތައް ގެނެސް އަދި އެ ނޫންވެސް ކަންކަމުގައި ޞާލިޙްގެ އެހީތެރިކަން ފާހަގަކޮށްލެވެއެވެ.
މާތްﷲ މަރުޙޫމަށް ސުވަރުގޭގެ ދާއިމީ ނިއުމަތް މިންވަރުކުރައްވާށި. މިތިބީ ގައުމީ އަބްތާލުންނަކީ. ގައުމަށްޓަކައި ވަތަނަށްޓަކައި ޖާނު ދުއްވާލާ މީހުންނަކީ. ސެލިއުޓްކުރަންވީ މިފަދަ ހިތްވަރުގަދަ ހިތްމަތްތެރި ހީވާ ބޭފުޅުންނަށް. މަގުމަތީގައި ލަޓޯފަޓޯ ހެދިފައި އަކުންބަކުން ކުޅެން އުޅެފައި ނާޗާރުބިޗާރުވެގެން ބާރަށް ހަޅޭއްލަވަމުން ގޮސް ސިޔާސީ މޮޔައަކަށްވެގެން ސިޔާސީ މަގާމުތަކަށް އަންނަ މުރައްކަބުޖާހިލުންނަކަށް ނޫން.
ވަ ރަށް ހިއްހެޔޮ ރަނގަޅު ވެ ރިއެއް.