ރާއްޖެއަށްވެސް ކޮވިޑް-19ގެ ހާލަތު ކުރިމަތިވެފައިވާ މި ދަނޑިވަޅުގައި، ރާއްޖޭގެ މުވާސަލާތީ ނިޒާމު އެދެވޭ ފެންވަރެއްގައި ޤާއިމް ވެފައި އޮތުމަކީ ވަރަށްވެސް ބޮޑު ހިތްހަމަ ޖެހުމެއް ކަމަށާއި، މި ހާލަތުގައި ރާއްޖޭގެ މުވާސަލާތީ ކުންފުނިތަކުން، ރަނގަޅު ފެންވަރެއްގައި ޚިދުމަތްތައް ދެމުން އަންނަ ކަމަށް ކޮމިއުނިކޭޝަން މިނިސްޓަރު މުހައްމަދު މަލީހު ވިދާޅުވެއްޖެއެވެ.
މަލީހް މިހެން ވިދާޅުވީ، ދުނިޔޭގެ ޓެލެކޮމިއުނިކޭޝަން އަދި އިންފޮމޭޝަން ސޮސައިޓީ ދުވަހާއި ގުޅުވައިގެން ދެއްވި ހިތާބުގައެވެ.
މަލީހް ވިދާޅުވީ، މި ދުވަސް މި ފާހަގަ ކުރެވެނީ މުޅި ދުނިޔެ އަދި ރާއްޖެވެސް، ނުރައްކާތެރި ޞިއްޙީ ބަލިމަޑުކަމަކާ ހަނގުރާމަ ކުރަމުންދާ ދަނޑިވަޅުއްގައި ކަމަށެވެ. އަދި ކޮވިޑް-19ގެ ވަބާގެ ސަބަބުން މުޅި ދުނިޔެ އެފުށް މިފުށަށްޖެހި، އިންސާނުންގެ ދިރިއުޅުމަށް އެތައް ބަދަލުތަކެއް ގެންނަން މަޖްބޫރު ވެފައިވާކަމަށް އޭނާގެ ހިތާބުގައި ވެއެވެ.
މަލީހް ވިދާޅުވީ، ކޮވިޑް-19 އާ ހެދި އައިސީޓީ ހިދުމަތްތަކަށް ބޮޑަށް ބަރޯސާވާން ޖެހިފައިވާ ކަމަށާއި، އެ ހަނގުރާމާގައި އެންމެ ބޮޑު ދިފާއީ ހަތިޔާރަކަށް ބޭނުން މިކުރެވެނީ އެކަކު އަނެކަކާ ބައްދަލު ނުވެ ގައިދުރުކޮށް ތިބުން ކަމަށެވެ.
"ދުނިޔޭގެ ގިނަ ޤައުމުތަކެކޭ އެއްފަދައިން މުޅިރާއްޖެވެސް މިއޮތީ ހުއްޓުމަކަށް އައިސް ފުރަބަންދު ހާލެއްގައި. ހުރިހާ މުއާމަލާތެއް ކުރުމުގައި ވެސް، އިންޓަރނެޓް އާއި އެހެނިހެން އައި.ސީ.ޓީ ވަސީލަތްތަކުގެ ބޭނުން މިވަނީ ނުހަނު ބޮޑުވެފައި ޖަލްސާތަކާއި އޮފީސްތަކުގެ އެންމެހާ މަސައްކަތްތައް ކުރެވެނީ އިންޓަރނެޓް މެދުވެރިކޮށް އޮންލައިން ޒަރިއްޔާއިން. އަދި، ހަމައެހެންމެ، މި ނުރައްކާތެރި ރޯގާ ކޮންޓްރޯލް ކުރުމުގައި ކުރަންޖެހޭ ގިނަ މަސައްކަތްތައްވެސް ކުރަނީ މިގޮތަށް އެހެން ގިނަ ޤައުމުތަކެކޭ އެއްފަދައިން، ރާއްޖޭގައިވެސް މިހާރު ވަނީ އޮންލައިން ކޮށް ޞިއްޙީ އަދި، ތަޢްލީމީ ޚިދްމަތްތައްވެސް ފޯރުކޮށްދޭން ފަށާފައި".މަލީހް ވިދާޅުވިއެވެ.
މަލީހް ވިދާޅުވީ، ކޮވިޑް-19ގެ ހާލަތު ދިވެހިރާއްޖެއަށް ކުރިމަތިވެފައިވާއިރު، ރާއްޖޭގެ މުވާސަލާތީ ނިޒާމު އެދެވޭ ފެންވަރެއްގައި ޤާއިމް ވެފައި އޮތުމަކީ ވަރަށްވެސް ބޮޑު ހިތްހަމަ ޖެހުމެއް ކަމަށެވެ. އަދި މުވާސަލާތީ ޚިދްމަތްތައް ބޭނުންކުރާ މިންވަރު އެތައްގުނައަކަށް އިތުރުވެފައިވާ މި ދަނޑިވަޅުގައި، ސަރުކާރުގެ އެދުމާއި އެއްގޮތަށް، ރާއްޖޭގެ މުވާސަލާތީ ކުންފުނިތަކުން، ރަނގަޅު ފެންވަރެއްގައި ޚިދުމަތްތައް ދީ އަދި ދަމަހަށްޓަން ކުރަމުން ގެންދާ ބުރަ މަސައްކަތްތަކަށް ޝަކުރު އަދާ ކުރާ ކަމަށް އޭނާ ފާހަގަކުރެއްވިއެވެ.
މަލީހް ވިދާޅުވީ، ރާއްޖޭގެ އައި.ސީ.ޓީ މާޙައުލަށް ބަލާލާއިރު އެކަށީގެންވާ މިންވަރަކަށް ޚިދުމަތާއި އިންފްރާ ސްޓަރަކްޗަރ ތަރައްޤީ ކުރެވިފައިވާ ކަަމަށެވެ.
"ރާއްޖެއާއި ބޭރުދުނިޔެއާއި ސަބްމެރީން ފައިބަރ އޮޕްޓިކް ކޭބަލުން ގުޅާލުމުގެ އިރުތުން، ރާއްޖޭގެ އެތެރޭގައިވެސް މިވަނީ ފައިބަރ ނެޓްވަރކްތައް ޤާއިމްކުރެވިފައި. އަދި ދުވަހުން ދުވަހަށް ފައިބަރ ނެޓްވާރކާ ގުޅާލެވޭ ރަށްތައް އިތުރުވެ މިހާރު ރާއްޖޭގެ އާބާދީގެ ބޮޑު ބަޔަކަށް ފައިބަރ ނެޓްވާރކް މެދުވެރިކޮށް ބްރޯޑްބޭންޑް އިންޓަރނެޓް ޚިދްމަތް ލިބޭކަން އުފަލާއެކު ފާހަގަކުރަން. ރާއްޖޭގެ އެންމެހާ ކަންކޮޅުތަކަށް މޯބައިލް ފޯނާއި 4ޖީ ގެ ޚިދްމަތް ފޯރާފައި ވާއިރު، އެންމެ ފަހުގެ 5ޖީ ޓެކްނޮލޮޖީގެ ޚިދްމަތްވެސް ރާއްޖޭގެ ފޯރުކޮށްދޭން ވަނީ ފަށާފައި.". މަލީހް ވިދާޅުވިއެވެ.
އެންމެ ކަމެއްނުވާ މިނިސްޓަރު.
މަލިކު ޖަމާލު އެންވެތޯ ގޭގެ ކޮޓަރި އަށް މޯބައިލް ރޭންޖު ނުލިބެނީ.
މާލީހު މި ރޯދަމަހު އަހަރުމެން ލައްވާ ހަޔާތަށް ގޮވަން ނޫޅޭތި
ރާއްޖޭގެ މުވާޞަލާތީ ކުންފުނިތަކުން، ރަނގަޅު ފެންވަރެއްގައި ޚިދުމަތްތައް ދެމުން އަންނަ ކަމަށް ކޮމިއުނިކޭޝަން މިނިސްޓަރު މުޙައްމަދު މަލީހު ވިދާޅުވިޔަސް ތިޔައީ ރޯ ބުހުތާނު ދޮގެއްކަން ދިވެހިންނަށް އެނގޭނެއެވެ. މުވާޞަލާތީ ޚިދްމަތްދޭ ދެކުންފުނިން ވެސް ދިވެހިންނަށް ދަނީ އޮޅުވާލަމުންނެވެ. ކޮވިޑް - 19 އާއި ގުޅިގެން ނޭގުމެއްގެ ތެރެއިން އިންޓަރނެޓް ބިލްތައް ވެސް އިންތިހާއަށް ބޮޑުވައިވެފައިވެއެވެ. މިކަން ކަމުގެ މަތިޖަހަން ޗަރުކޭސް ކުޅޭނެ ކަމެއް ނެތެވެ. ތިޔައީ ބޮޑުތަނުން ފެއިލް ވެފައިވާ ނާޤާބިލް ބޭފުޅެކެވެ. ކޮންމެ ސަރުކާރެއްގެ ވެސް ވަޒީރުކަމަށް ފޫގަޅާފައި ހުންނަވާ ބޭފުޅެކެވެ.
ދިވެހިރާއްޖޭގާއި މުޢާސަލާތީ ހިދުމަތް ދޭ ދެ ކުންފުންޏަކީ ވެސް މުޅި ދުނިޠެއިން 1 ވަނައެވެ ދިވެހިންގެ ލޭބޯ ދެކުންފުނި
މިއިން ބޭފުޅަކާ ދިމާލަށް އެއްޗެކޭ ބުނެފިއްޔާ މިހާރު މި އޮންނަ ގޮތުން ކިޔަކީ "ފިތުނަ އުފެއްދުން". އެހެޔޮ ކުޑަކުއްޖަކާ ބެހިގެން ޖަލުން މިނިވަންކޮށްފަހުރި މީހަކާއި ދިމާލަށް އެއްޗެކޭ ބުންޏަސް. އެވާނީ ހަމަ ފިތުނަ އުފެއްދުމަށް. ވަރިހަމަ ދައުލަތުގެ ރައުސުލްމާލު ނޮޅާ ބޭރުގެ ހިލޭ އެހީ ދިރުވާލިޔަސް. ހަމަ ވާނީ ފިތުނަ އުފެއްދުމަށް.
ރަނގަޅު ފެންވަ ރެއްގައި ރައްޔިތުން ފޭ ރެމުން ދާވާހަކަ ބުނިނަަމަ މާ ރަނގަޅުވީސް
މިސޮރު ބޮލުގަވެސް ފުޅައެޅީ ކަމަށްވާނީ
މަލީހުއައް ވަޒީފާގެ ދަހިވެތި ކަމުގައި ދެއްކޭ ނުދެއްކޭ ވާހަކައެއްވެސް ނުައެގޭ ހަމަސާބަސް
މި ބޭފުޅާ ކުރިން ދުވަހު މަޖިލިސް މީޓިންގު ގައި އިންދާ ކޮމީޓިން ކުރިޔަށް ގެންދަން އުޅުނު މީޓިންގް ކުރިޔަށް ގެންދަން އުނދަގޫވީ އިންޓިރނެޓް ސްލޯވެ ފްރީޒް ވާތީ އެ ދުވަހު ބުނީ އިންޓަރނެޓް ޚިދުމަތް ރަނގަޅަށް ނުދެވޭ ވާހަކަ ، މިއަދު މިކިޔަނީ ރަނގަޅޭ ، މިކަހަލަމީހުން މިނިސްޓަރުން ނަށް ލައިގެން ވާނެ އެއްވެސް ކަމެއް ނޯންނާނެ ގެނެވޭނެ އެއްވެސް ތަރައްޤީއެއް ނޯނާނެ މިމީން ޖެހޭނީ ވަގުތުން ވަގުތަށް މަޤާމުން ދުރުކުރަން ، މީހަމަ ހުސްއަނގަ ތަޅާ މީހެއް.
މީ ތަނެއްގަ ހުރި ގަމާރެއް މީނަ ދައްކާވާހަކަ ޤބޫލުކުރާނީވެސް ގަމާރުން
މަލީހް ކޯއްޗެއްބަލާފަބާ ތިޔަހެންތިބުނީ އަހަރުމެންމީ އާރުއޯއެލް އަށް /1470 ރުފިޔާދައްކައިގެން އުޅޭމީހެއް ނޫހެއްކިޔާލަންވިއަސް ބޮލުގަރިހުމަކަށްވަނި އެއްޗެއް ޑައުންލޯޑުކުރަންޖެއްސިއަސް މިކަހަލހާލެއްގަ މިއުޅެނީ ދެންކޮންރަނގަޅުހިދުމަތެއްގެވާހަކަތިދައްކަނީ ދިރާގު ޕެކޭޖެއްލައިގެން ބޮލުގަރިހުމަކަށްވެގެން ބަދަލުކުރީ ލިބުނުކުރިއެރުމެއްނެތް ޖެހުނީހަމައެއްތަނެއްގަ
ތިހެން ބުނަން އެގޭނެ މަސައްވެސް މިނިސްޓަރ ގެބޭނުމަކީ އަގު ހެޔޮކޮއް ތިކަން ރައްއިތުންނައް ފޯރުކޮއްދިނުން
ތިހެން ބުނަން އެގޭނެ މަށައްވެސް މިނިސްޓަރ ގެބޭނުމަކީ އަގު ހެޔޮކޮއް ތިކަން ރައްއިތުންނައް ފޯރުކޮއްދިނުން