ކުރީގެ ރައީސް މުހައްމަދު ނަޝީދު އިންޑިއާގެ އަސްކަރިއްޔާގެ އެހީތެރިކަމަށް އެދިވަޑައިގެންނެވި ގޮތަށް އިންޑިއާާގެ އަސްކަރިއްޔާއެއްގެ އެހީތެރިކަމަށް އެދިވަޑައިގެންފައި ނުވާނެ ކަމަށް ކުރީގެ ފޮރިން މިނިސްޓަރު ދުންޔާ މައުމޫން ވިދާޅުވެއްޖެ އެވެ.
ދުންޔާ މިހެން ވިދާޅުވީ، ރާއްޖޭގެ ޑިމޮކްރަސީ ދެމެހެއްޓުމުގައި ސަރަހައްދުގެ އެންމެ ބާރުގަދަ ގައުމުގެ ހައިސިއްޔަތުން އިންޑިއާގެ މައްޗަށް އޮތް ޒިންމާ އެގައުމުން އަދާ ނުކުރާ ކަމަށް ބުނެ އެކަމަނާ ކުރެއްވި ޓުވީޓަކާ ގުޅިގެން، އެކަމަށް ތަރުހީބުދެއްވައި ކުރީގެ ރައީސް ނަޝީދު ކުރެއްވި ޓްވީޓަކަށް ރައްދު ދެއްވަމުންނެވެ.
ނަޝީދު ކުރެއްވި ޓްވީޓުުގައި ވިދާޅުވީ އިންޑިއާއިން ރާއްޖޭގެ ކަންކަމުގެ ތެރެއަށް ވަންނަން ޖެހޭ ކަމަށް ދުންޔާ ވިސްނަވާތީ އުފާކުރައްވާ ކަމަށެވެ. އަދި އޭނާވެސް ގެންގުޅުއްވަނީ އެފަދަ ވިސްނުމެއް ކަމަށް ވިދާޅުވިއެވެ.
I am pleased @dunyamaumoon -- Prez Yameen's former Foreign Minister and @maumoonagayoom's daughter -- understands the need for Indian intervention in the Maldives. I have always held the same view.
— Mohamed Nasheed (@MohamedNasheed) May 3, 2018
ރައްދުގައި ނަޝީދަށް އިހުތިރާމު ކުރައްވާ ކަމަށް ވިދާޅުވެ ދުންޔާ ވިދާޅުވީ އިންޑިއާގެ އެހީތެރިކަމަށް އެދިވަޑައިގަތަސް އަސްކަރީ އެހީތެރިކަމަކަށް އެކަމަނާ އެއްވެސް ވަރަކަށް އެދިވަޑައިގެންފައި ނުވާ ކަމަށެވެ. އަދި ބޭނުންފުޅުވެ ލައްވަނީ ރާއްޖޭގެ މިނިވަންކަމާއި އިސްތިގްލާލް ނުގެއްލޭފަދަ ގޮތެއްގެ މަތިން ކަންކަން ކުރައްވަން ކަމަށް ވިދާޅުވިއެވެ. އަދި ނަޝީދު ވެސް އެކަމަށް އެއްބަސްވެވަޑައިގަންނަވާނެ ކަމަށް ގަބޫލުފުޅު ކުރައްވާ ކަމަށް ދުންޔާގެ ރައްދުގައި ވިދާޅުވިއެވެ.
With due respect, Former President @MohamedNasheed, I am not calling for Indian military intervention. You would no doubt agree with me on the need to protect the sovereignty and independence of Maldives whilst maintaining Indian Ocean stability.
— Dunya Maumoon (@dunyamaumoon) May 4, 2018
ފެބްރުއަރީ އެކެއްގެ ހުކުމާއި ގުޅިގެން ހިނގައި ދިޔަ ކަންތަކަށް ފަހު ކުރީގެ ރައީސް ނަޝީދު ވަނީ އިންޑިއާގެެ އަސްކަރިއްޔާާއިން ރާއްޖެއަށް އެރުމަށް ގޮވާލައްވާފައެވެ. އެކަމާއި ގުޅިގެން އޭނާއަށް އެތައް ބައެއްގެ ފާޑުކިޔުން އަމާޒުވިއެވެ.
މި ސަރުކާރުގެ ސްޓޭޓް ހެލްތު މިނިސްޓަރެއްގެ މަގާމުގައި ހުންނެވުމަށްފަހު ދާދިފަހުން ދުންޔާ ވަނީ ސަރުކާރުން ވަކިވެވަޑައިގެންފައެވެ. މިހާރު އެކަމަނާ ދަނީ އެކެއް ފެބްރުއަރީގެ އަމުރާ ގުޅިގެން ހައްޔަރު ކުރި އެކަމަނާގެ ބައްޕާފުޅު މިނިވަން ކުރުމުގެ މަސައްކަތް ކުރައްވަމުންނެވެ.
ބައްޕާފުޅަށާ ޢާއިލާއަށް ލިބެމުންދާ ހިތްދަތިކަމުގެ ޒިންމާ "އަންނި" ނަގަންޖެހޭނޭކަމަށް ދުންޔާ ވިދާޅުވި ވާހަކަ އޭނަޔަށް ތަރުޖަމާކޮށްދީބަލަ!
ނަޝީދަކީ އަބަދުވެސް އޮޅުން އަރާފަ ހުންނަމީހެއްތާ.
ކަލޭމެން ދެމީހުން އައިލާގޮވައިގެންދާންވީނުއިންޑިޔާއައް
ޓްވީޓް ކިޔާލި ކޮންމެ މީހަކަށް އެނގޭނެ! ކޮން މިލިޓަރީއެއް؟ ޓްވީޓްގަ ނެތް މިލިޓަރީ ވާހަކަ އެއް. ޙަމަޖެހިބަލަ
އިންޑިއަން އިންޓަރވެންޝަން އޭ އޮތް ތަން ފެނޭތަ، ގައުމަކަށް އިންޓަރވީން އެއް ނުކުރެވޭނެ މިލިޓަރީއަކާ ނުލާއެތް، ގެޓް ވެބަ ދޯ
ހިތާމަ
????