އެމެރިކާގައި ކަޅު ނަސްލުގެ މީހެއްގެ ކަމަށްވާ ޖޯޖް ފްލޮއިޑް ފުލުހުންގެ ބެލުމުގެ ދަށަށް ގެންދަން އުޅުމުގެ ތެރޭގައި އޭނާ މަރާލި މައްސަލައަކީ ދުނިޔޭގެ ގިނަ ބަޔަކަށް ސިހުން ގެނުވި ކަމެކެވެ. އެ މަރާ ގުޅިގެން އެމެރިކާގެ އެކި ސިޓީތަކުގައި މުޒާހަރާތައް ވަރުގަދަކޮށްފައިވާ އިރު، އެތައް ހާސް ބަޔަކު ވަނީ ކަޅު މީހުންގެ ދިފާއުގައި ނުކުމެފައެވެ. އަދި މީސްމީޑިއާގައި ކަޅު މީހުންނާ އެއްކޮށް ތިބިކަން ހާމަކުރަމުންނެެވެ.
ކަޅު މީހުންނާ މެދުގައި ގެންގުޅޭ ތަފާތު ކުރުންތައް ނައްތާލަން ތާއީދު ކުރައްވައި، މީސްމީޑިއާގައި މިހާރު އާންމުވެފައިވާ "ބްލެކްލައިވްސްމެޓާ" ހޭޝްޓެގާ އެކު، ޓުވީޓު ކުރެއްވި އެއް ބޭފުޅަކީ ރާއްޖޭގެ ޔޫތު މިނިސްޓަރު އަހުމަދު މަހްލޫފެވެ. ހޭޝްޓެގާ އެކީގައި މަހްލޫފް އާންމު ކުރެއްވި ވީޑިއޯއަކީ އޭނާގެ ދަރިފުޅު ލައިބާ އަހުމަދު މަހްލޫފް (އެލީ) ގެ އިސްތަށިގަނޑު ގަތަމުން ދަނިކޮށް ނަގާފައިވާ 37 ސިކުންތުގެ ވީޑިއޯކޮޅެކެވެ.
އެކަމަކު، މަހްލޫފް ވަނީ ބައެއް މީހުންގެ ފާޑުކިޔުންތަކާ ގުޅިގެން އެ ޓުވީޓު ޑިލީޓް ކުރައްވައިފައެވެ. މަހްލޫފަށް ބައެއް މީހުން ފާޑު ކިޔަމުން ބުނީ ދަރިފުޅު އެލީގެ އިސްތަށިގަނޑު ގަތުމާއި މިހާރު ދުނިޔޭގައި ހިނގަމުންދާ ކަންތަކާ އެއްވެސް ގުޅުމެއް ނެތް ކަމަށެވެ. އަދި މިއީ މިނިސްޓަރެއްގެ ހައިސިއްޔަތުން ލަދުގަންނަން ޖެހޭ ކަމެއް ކަމަށާއި މަހްލޫފް މިއަށް ވުރެ ހަރުދަނާ ވާން ޖެހޭނެ ކަމަށް ވެސް ހިޔާލު ފާޅުކުރި ބައެއް މީހުން ބުންޏެވެ.
Things you learn during lockdown. Wanna hire me ? pic.twitter.com/jsWqJD0ZTn
— Ahmed Mahloof (@AhmedMahloof) May 31, 2020
https://twitter.com/AhmedMahloof/status/1267085871058046977?s=20
މަހްލޫފް އެންމެ ފުރަތަމަ ކުރެއްވި ޓުވީޓެއްގައި ވިދާޅުވީ އިސްތަށިގަނޑު ގެތުމަކީ ފުރަބަންދުގައި އުޅުނު އިރު ދަސްވި ކަމެއް ކަމަށެވެ. އަދި އެއްވެސް މީހަކު އޭނާގެ އެހީ ބޭނުންވޭތޯ މަހްލޫފް ސުވާލު ކުރެއްވީ ހޭޝްޓެގާ އެކުގައެވެ. އެކަމަކު، ފަހުން ޓުވީޓު ފޮހެލައްވައި ހޭޝްޓެގާ ނުލައި ހަމަ އެގޮތަށް ޓުވީޓު ކުރެއްވިއެވެ. އަދި ފާޑުކިޔުންތަކާ ގުޅިގެން މަހްލޫފް ވަނީ އެކަން ހިނގައި ދިޔަ ގޮތް ތަފްސީލްކޮށް ދެއްވައިފައެވެ.
މަހްލޫފް ކުރެއްވި އިތުރު ޓުވީޓެއްގައި ވިދާޅުވި ގޮތުގައި އޭނާގެ މުނި ކާފައަކީ އެފްރިކާއަށް އުފަން ބޭފުޅެއް ކަމަށެވެ. އަދި ބޯ ގެތުން ތައާރަފްވެގެން ގޮސްފައި ވަނީ އެފްރިކާ އިން ކަމަށާއި އެކަން ކުރައްވަން ވަރަށް ލޯބިކުރައްވާ ކަމަށް މަހްލޫފް ވިދާޅުވިއެވެ.
Our great grandfathers are from Africa #AA.Feridhoo pic.twitter.com/SbZRZU0Kc4
— Ahmed Mahloof (@AhmedMahloof) November 6, 2013
"އަޅުގަނޑުމެން އެންމެން އެކަމަށް ލޯބި ކުރޭ. އަޅުގަނޑު އަމިއްލަ ހައިސިއްޔަތުން އެއްވެސް މައްސަލައެއް ނުދެކެން ހޭޝްޓެގް ބޭނުން ކުރުމަކުން ޓުވީޓުގައި، އެއީ މިހާރު ހިނގަމުންދާ މޫވްމަންޓަށް ސަޕޯޓު ކުރަން ކުރި ޓުވީޓެއް،" މަހްލޫފް ވިދާޅުވިއެވެ.
މަހްލޫފްގެ އަނބިކަނބަލުން އަދި ނައިބު ރައީސް ފައިސަލް ނަސީމްގެ ޗީފް އެގްޒެކްޓިވް ކަން ކުރައްވާ އަނބިކަނބަލުން ނަޒްރާ ނަސީމް (ނަޒޫ)، ވެސް މީހަކަށް ރައްދު ދެއްވައި ކުރެއްވި ޓުވީޓެއްގައި ވިދާޅުވީ މަހްލޫފް ހޭޝްޓެގް ބޭނުން ކުރެއްވީ މިހާރު ހިނގަމުން އަންނަ މޫވްމަންޓަށް ސަޕޯޓު ކުރުމުގެ ގޮތުން ކަމަށެވެ. މަހްލޫފްގެ އާއިލާގެ އެހެން މެމްބަރުން ވެސް އިސްތަށިގަނޑު ގަތާ އުޅޭ ކަމަށް ނަޒޫ ވިދާޅުވިއެވެ.
That hashtag was used to support for that movement Babyboy! He’s African , his aunties and their kids do the same braiding. Why cant my child do that? Dhivehilibaas hashtag beynun nukureytha alhe? Visnun thanavaskoh fulhaa veytho dhua kuran.
— Nazu Naseem (@Nazunaseem) May 31, 2020
Not claiming. That he is. He deleted the tweeted without thinking much i guess. But his explanation was fine, he wrote the right one twice. You can examine Mahloof if u wish to be sure. My daughter is also brown and i love the colour.
— Nazu Naseem (@Nazunaseem) May 31, 2020
"ކީއްވެ އަހަރެންގެ ދަރިފުޅަށް އެކަން ނުކުރެވެންވީ؟ ދިވެހި ލިބާސް ހޭޝްޓެގް ބޭނުން ނުކުރޭތަ އަޅެ؟ ވިސްނުން ތަނަވަސްކޮށް ފުޅާވޭތޯ ދުއާ ކުރަން،" މަހްލޫފް ދިފާއު ކުރައްވައި ފާޑު ކިޔަމުން އަންނަ މީހުންނަށް ހެޔޮ ވިސްނުން ދެއްވާތޯ ދުއާ ކުރައްވަވައި ނަޒޫ ވިދާޅުވިއެވެ.
މަހްލޫފްގެ ދިފާއުގައި ނުކުތް މީހުންގެ ތެރެއިން އަނޫޝާ އަބްދުލް ލަތީފް ނަމުގައި ޓުވިޓާގައި ހިޔާލު ފާޅުކުރި މީހަކު ބުނީ ކަޅު ނަސްލުގެ މީހުންނާ މެދުގައި ތަފާތު ކުރުންތައް ގެންގުޅޭތީ އެކަމާ ދެކޮޅަށް ނުކުތުމުގައި ގޯހެއް ނެތް ކަމަށެވެ.
އެމެރިކާގައި ހިނގައިދިޔަ ކަންކަމާ ގުޅޭ ގުޅިގެން އެންމެން އެކަތިގަނޑެއްގެ ގޮތުގައި މަސައްކަތް ކުރަން ޖެހޭ ކަމަށް ވެސް އަނޫޝާ ބުންޏެވެ. އޭގެ ފަހުގައި، އަނޫޝާ ވެސް ބުނީ، އޭނާ ވެސް އިސްތަށިގަނޑު ގަތުމަށް ލޯބި ކުރާ ކަމަށާއި އެކަން އެއް ފަހަރުކޮށްފައި ވާނެ ކަމަށެވެ.
There is nothing wrong to step forward in support for the black ethnicity in USA.Specially when an innocent life is murdered due to police brutality. This in unacceltable and the country had enough. In solidarity we all stand up for this movement. I love braids too and had once.
— Anusha Abdul Latheef 🇲🇻 (@AnushaLatheef) May 31, 2020
ހުސެއިން ޝާފިއު ނަމުގައި ޓުވިޓާގައި ހިޔާލު ފާޅުކުރި މީހަކު ބުނީ މަހްލޫފްގެ ޓުވީޓުގައި އެއްވެސް މައްސަލައެއް ނެތް ކަމަށެވެ. ހަމްތު ޒާހިރު ވަނީ މަހްލޫފް ކުރެއްވި ޓުވީޓުގައި އޮތް މައްސަލައަކީ ކޮބައިތޯ ސުވާލުކޮށްފައެވެ. އަދި ބައެއް ދިވެހިން ކަންތައް ބޮޑުކުރުމުގައި ހައްދުފަހަނައަޅާފައިވާ ކަމށް ވެސް އޭނާ ބުންޏެވެ.
އިންކޮ ޝަރީފް ނަމުގައި ޓުވިޓާގައި ހިޔާލު ފާޅުކުރި މީހަކު ބުނީ ކޮވިޑް-19 އާ ގުޅިގެން ފުރަބަންދުގައި އުޅެން ޖެހިފައިވާ އިރު، އާ ހުނަރުތައް ދަސްކުރުމަކީ ވަގުތު ހެޔޮ ގޮތުގައި ބޭނުން ކުރުން ކަމަށެވެ.
މަހްލޫފްގެ އެ ވީޑިއޯއާ ގުޅިގެން ގިނަ ބަޔަކު ވަނީ މަހްލޫފްގެ ހުނަރަށް ތައުރީފްކޮށްފައެވެ.
ބައެއް މީހުން ފޭސްބުކާއި ޓުވިޓާގައި ވަނީ މަހްލޫފްގެ އެހީ ބޭނުންވާ ކަމަށް ބުނެފައެވެ. އަދި "ކިހާ ވަރަކަށް އެކަން ކުރަންތޯ" ސުވާލުކޮށްފައި ހުއްޓެވެ.
"ވަގުތަށް" އެނގިފައިވާ ގޮތުގައި މަހްލޫފްގެ މުނި ކާފައަކީ އެފްރިކާ ގައުމަކުން ބެހިގެން އައި ބޭފުޅެކެވެ. އަދި އެ މީހާގެ ނަމަކީ މަމޫސާ ކަމަށްވެއެވެ. މަމޫސާ ވަނީ ރާއްޖޭގައި ދިވެއްސަކާ ކައިވެނި ބައްލަވައިގެންފައެވެ.
ކަޅު ނަސްލުގެ ޖޯޖް ފްލޮއިޑް 46، މިދިޔަ ހޯމަ ދުވަހު ހައްޔަރު ކުރަން އުޅުމުގެ ތެރޭގައި ފުލުސް މީހަކު ވަނީ ފްލޮއިޑް ވައްޓާލައި ބާއްވައިގެން ކަކުލުން ކަރަށް އަރައިފައެވެ. އެ ހާދިސާގެ ވީޑިއޯ ފުޓޭޖް އާންމުވެފައިވާ އިރު، އޭރު ފްލޮއިޑް ދިޔައީ އޭނާ ހާސްވެގެން މަރުވަނީ ކަމަށް ގޮވަމުންނެވެ. އޭނާ ހައްޔަރު ކުރުމުގެ މަސައްކަތް ފުލުހަކު ކުރީ ފޭކް ނޫޓުތަކެއް ގެންގުޅޭ ކަމަށް ތުހުމަތު ކުރެވިގެންނެވެ.
ފްލޮއިޑް ހައްޔަރު ކުރުމުގެ ތެރޭގައި ކަރަށް ކަކުލުން އަރައިގެން ހުރި ދޮން ނަސްލުގެ ފުލުސް މީހާ ޑެރެކް ޗައުވިން، 44، މިހާރު ވަނީ މަގާމުން ވަކިކޮށް، މީހަކު މެރުމުގެ ކުށުގެ ދައުވާ އޭނާގެ މައްޗަށް އުފުލައިފައެވެ.
އެހެންވީމާ މަހުލޫފްވެސް އެމެރި ކާގައި އެ ކުރާ މުޒާހަރާގައި ބައިވެރިވާންވީ.
މަޙުލޫފަށް ކިހިނެއްބާ އެފްރިކާ މީހެއްދަރިއެއްކަން އެގުނީ؟ އަނެއްކާ އިތުރު ފުޅެއްހައްދަވަނީ ނޫންބާ!
މަހުލޫފު ގެ ހުނަރު ބާވަ މަހުލޫފުގެ އަތުގަ އެހެންނަމަވެސް ތ.އޮމަދޫ ގެ ފުޓްސެލް ދަނޑުގެ އަޅަން އޮތް ޓަފުތަށް އަށްޑުއަށް ގެންދިޔައީ އެރަށު ޒުވާނުންނަށް އޮޅުވާލަގެން 3 މަސްތެރޭ ބޮޑު ޓާފު ދަޑެއް އަޅާ ދޭނެކަމަށް ބުނެ ކޮބައިތޯ އެ ދަނޑު ކޮބައިތޯ އެ 3 މަސް މަކަރު ހަދާ އޮޅުވާލުން ނޫން ކަމެއް ނެތީތޯ އެރަސުގެ ޒުވާނުންނަށް ރައީސް ޔާމީން ދައުރުގަ ހަދާފަ އޮތް ދަޑުގަ އަޅަން ފޮނުވާފަ އޮތް ޓާފު ގެންދިޔަ އިރުގަ ހިތަކަށްނާރާތޯ އެޒުވާނުންގެ ހައްގެއް ނަގައިގެން ގެންދެވުޏިކަމެއް އަދި މި ޓަފުތަށް ބަލާ ފޮނުވީވެސް އެމްއެންޑީ އެފު ގެ ބޮޑު ޓީމެއް ހަމ ނުޖެހުމެއް ހިނގާފާނެ ކަމަށް ހީކޮށް މިވަރު ތަންކޮޅެއް ބޮޑު ދެއްތޯ
ކަނޑުކޮހެކޭ ތިމީހާއާއި ދިމާލަށް ބުންޏަސް ދޮގަކަށް ނުވާނެ
ކަޅު ނަސްލުގެ މީހާއަކީވެސް އިންސާނެއް އެހެންވީމަ އޭނަގެ ދިފާއުގައި އެއްޗެއް ބުނުމަކީ މައްސަލައެއްނޫން އިންސާނުން މާތްވަނީ ކަޅުވެގެން ނުވަތަ ދޮންވެގެންނެއް ނޫން ކީރިތި ރަސޫލާގެ މުދިމު ބިލާލް ބިންރަބާހް އަކީވެސް ކަޅުނަސްލުގެ ބޭކަލެއް ކީރިތި ގުރްއާންގައި ތައުރީފްގެ ބަސްފުޅު ވަހީކުރައްވާފައިވާ ލުގްމާނުލް ހަކީމް އަކީވެސް ބުނެވޭގޮތުގައި ކަޅު ނަސްލުގެ ބޭކަލެއް. ބޯގަތައިދިނުމާބެހޭ ގޮތުން މަހުލޫފްއަށް ބުނެލަން އޮތީ އިޚްލާސްތެރިކަމާއެކު އާއިލާޔަށާ ދަރިންނަށް ހިދުމަތް ކުރުމަކީ ގަޓް ފިރިހެނުންގެ ކަމެކޭ
ދެއްކުން ތެރިކަން އެއީ މައްސަލައަކީ
މީނަގެ ސްޓަންޓް ތައް ގިނަކަމުން ވަރައް ވިސްނަން ޖެހޭ؟
އަޅެ މީނަ ނޫނީ މިގައުމުގަ މިނިސްޓަރެއް ނެތީތަ؟
ދެން މީނަ ބުނާނީ ތިމަން މުނި މާމަ ތިމާގެ މީހެކޭ ސުނިލް ސެޓީ އަކީ ؟
ޢެންމެ ފަހަރަކު ނަމަވެސް ކަސްމީރުގެ މުސްލިމުންގެ ހައްގުގައި ބަހެއް ބުނެލަބަލަ.... ނުކެރޭނެ. ޥަޒީރުކަން ގެއްލޭނެ... ...
މަހުލޫފާ މައުމޫނާ ދެމީހުން ވެސްތަ؟
މުނިކާފަ ކައިރިއަށް ދޭބަލަ.
ލަދުގަނޭ މިފެންވަރު މީހުންނަަށް މިނިސްޓަރުނޭ ކިޔަސްވެެސް. މުމްބާއި އަށް ދެވުނު ފަހަރު ތިމަންނަ މީ ރާއްޖޭގަ މިނިސްޓަރަ ކޭ ކިޔައިގެން އެތަނުގަ ތިބި ފިލްމު ކުޅޭ މީހުންނާ ބައްދަލުނުވެގެން . ބޯހަލާ ކު.
މީހުން އެއްޗެހިކިޔަނީ ދެއްކުންތެރިކަން ގިނަކަމުން އިގޭތޯ.
ޢެފްރިކާ މިނިސްޓަރު
އަވަހަށް އެފްރިކާއަށް ފޮނުވާލާ! އެކަކު މަދުވާނެ!
އެ ގޮލާ ފިނޑިކަމުން އަންހެނަކު އެއްޗެކޭ ބުނި އިރަށް ޓްވީޓް ފޮހެލީ ދޯ. ހަހަ
މީ ހަމަ ބުރާންޗެއް އަބަދުވެސް ނޮންސެންސް ޓްވިޓްކުރުމުގަ
މާދަމާ ބުނެފާނެ ބިލްގޭޓަކީ ތިމަންނަގެ ބައްޕަޔޭ. ހެޔޮނުވާނެ ތިހެން އުޅޭކަށް
ދެން ކިހާބޮޑު ކަމެއް މަޝްހޫރުވާންވެގެން. ޢަހަރުމެންނަށް ހެޔޮ މުޅި އެފްރިކާ ދަރިކޮޅަކީ މަހްލޫފްގެ އާއިލާ އަށް ވިޔަސް. ދިވެހިން އުޅޭ ދުނިޔޭގެ އެކި ޤައުމު ތަކުގެ މީހުނާ އިދެގެން
މައްސަލަ އަކީ ދުވަހަކުވެސް މިނިސްޓަރު ގެ ހައިސިއްޔަތުން އެކަމުގެ އެއްވެސް ކަމެއް ކުރަނިކޮށް ޓްވީޓްން ނުފެންނާތީ. ޓިޝޫ ރޯލްކުޅުމާއި ބަދިގޭގައި ކެއްކުމާއި ޑެލިވަރީ ކުރުމާއި ބޯގެތުމާއި ،އަބަދުވެސް މިކަހަލަ ކަންތައްތަކުގައި. ކޮބާތޯ މިނިސްޓަރުކަމުގެ ޒިންމާއެއް މިތާ.
މަށަށްވެސް އިނގޭ މަޚްލޫފް...މަހްލޫފް އަންހެނުން އޭނަ ކަޅު ނަސްލޭ ބުންޏަސް އެހެން ކަންކަން ހީނުވޭ ކަޅު ނަސްލުހެން..މަށަށް އެނގޭތީ މިބުނީ
.
މީިނަ އަކީ މަޝްހޫރުވާން ވެގެން ކޮސް އަނގަތަޅާ މީހެއް އަބަދުވެސް.
މަހްލޫފް އެފްރިކާގެ ކޮންމެސް މަގާމަކަށް އުޅެބަލަ.
ކޮން ރަށެކޭ؟